ಆದಾಯವನ್ನು ಲೆಕ್ಕಿಸದೆ ಖರ್ಚು ಮಾಡುವುದು ಕೇರಳದಲ್ಲಿ ಸಾಲ ಹೊರೆಗೆ ಮುಖ್ಯ ಕಾರಣ: ಅರ್ಥಶಾಸ್ತ್ರಜ್ಞೆ ಮೇರಿ ಜಾರ್ಜ್

               ಕೊಚ್ಚಿ: ಕೇರಳದಲ್ಲಿ ಆದಾಯವನ್ನು ಲೆಕ್ಕಿಸದೆ ಸರ್ಕಾರ ಖರ್ಚು ಮಾಡುತ್ತದೆ ಎಂದು ಆರ್ಥಿಕ ತಜ್ಞೆ ಮೇರಿ ಜಾರ್ಜ್ ಹೇಳಿದ್ದಾರೆ. ಖರ್ಚು ಹೆಚ್ಚಾದಂತೆ ಅದಕ್ಕೆ ತಕ್ಕ ಆದಾಯ ಬರುವುದಿಲ್ಲ ಎಂದಿರುವರು.

              ಸಿಐಜಿ ವರದಿಯ ಪ್ರಕಾರ, ಸರ್ಕಾರಿ ಸಂಸ್ಥೆಗಳಲ್ಲಿ ಆಂತರಿಕ ಲೆಕ್ಕಪರಿಶೋಧನೆ ಸರಿಯಾಗಿ ನಡೆಯುತ್ತಿಲ್ಲ ಎಂದು ಅವರು ಹೇಳಿದರು. ಬಿಜೆಪಿ ಬೌದ್ಧಿಕ ಕೋಶ ಆಯೋಜಿಸಿದ್ದ ರಾಜ್ಯ ಎದುರಿಸುತ್ತಿರುವ ಆರ್ಥಿಕ ಕುಸಿತದ ಆಧಾರದ ಮೇಲೆ 'ಕೇರಳದ ಋಣ ಮತ್ತು ಋಣ ಭಾಧ್ಯತೆ' ವಿಷಯದ ಕುರಿತು ಅವರು ಮಾತನಾಡಿದರು.

             2016 ರಲ್ಲಿ, ಥಾಮಸ್ ಐಸಾಕ್ ಬಜೆಟ್‍ನಲ್ಲಿ ಶೇಕಡಾ ಒಂದು ಪೆಟ್ರೋಲಿಯಂ ಸೆಸ್ ಅನ್ನು ಪರಿಚಯಿಸಿದರು. ಈ ಸೆಸ್ ನೇರವಾಗಿ ಖಜಾನೆಗೆ ಸೇರದೆ ಕಿಪ್ಭಿ ಗೆ ಹೋಗುತ್ತದೆ. ರಾಜ್ಯ ಸÀರ್ಕಾರ ಕಿಫ್ಬಿ ಹೆಸರಿನಲ್ಲಿ ತೆಗೆದುಕೊಂಡಿರುವ ಸಾಲ ಮತ್ತು ಸಾಮಾಜಿಕ ಭದ್ರತೆಯ ಹೆಸರಿನಲ್ಲಿ ತೆಗೆದುಕೊಂಡಿರುವ ಸಾಲವನ್ನು ಬಜೆಟ್ ಹೊರತಾದ ಸಾಲ ಎಂದು ಸರ್ಕಾರ ಹೇಳುತ್ತಿದೆ. ಆದರೆ ಇವೆರಡೂ ಬಜೆಟ್‍ನಲ್ಲಿ ಸಾಲವಾಗಿದೆ.

            ಸಾರ್ವಜನಿಕ ವೆಚ್ಚದ ವರದಿ ಪ್ರಕಾರ ಸೆಕ್ರೆಟರಿಯೇಟ್ ನಲ್ಲಿ ಮೂವತ್ತೈದು ಸಾವಿರ ಹೆಚ್ಚುವರಿ ಸಿಬ್ಬಂದಿ ಇದ್ದಾರೆ. ಕಂದಾಯ ಇಲಾಖೆಯಲ್ಲಿಯೂ ಮೂವತ್ತು ಸಾವಿರಕ್ಕೂ ಹೆಚ್ಚು ಸಿಬ್ಬಂದಿ ಇದ್ದಾರೆ. ಅಲ್ಲದೆ, ಕೇರಳದಲ್ಲಿ ಅದೇ ವ್ಯಕ್ತಿಗೆ ಸೇವಾ ಪಿಂಚಣಿ, ವಿಧವಾ ಪಿಂಚಣಿ ಮತ್ತು ಸಾಮಾಜಿಕ ಪಿಂಚಣಿ ಸಿಗುತ್ತದೆ.

             ಕೇರಳಕ್ಕೆ ಚಿನ್ನದಿಂದಲೇ 30 ಸಾವಿರ ಕೋಟಿ ರೂಪಾಯಿ ತೆರಿಗೆ ಬರಬೇಕು. 500 ಕೋಟಿಗಿಂತ ಕಡಿಮೆ ಪಡೆಯುತ್ತಿದ್ದೇವೆ ಎಂದು ಮೇರಿ ಜಾರ್ಜ್ ಹೇಳಿದರು.

             ಬಿಜೆಪಿ ರಾಜ್ಯ ಉಪಾಧ್ಯಕ್ಷ ಕೆ.ಎಸ್. ರಾಧಾಕೃಷ್ಣನ್ ಉದ್ಘಾಟಿಸಿದರು. ಬಿಜೆಪಿ ಜಿಲ್ಲಾಧ್ಯಕ್ಷ ಕೆ.ಎಸ್. ಶೈಜು ಅಧ್ಯಕ್ಷತೆ ವಹಿಸಿದ್ದರು. ಬಿಜೆಪಿ ಬೌದ್ಧಿಕ ಪ್ರಕೋಷ್ಠದ ಸಂಚಾಲಕಿ ಬೇಬಿ ಕಿರ್ಯಾತಂ, ರಾಷ್ಟ್ರೀಯವಾದಿ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ಕುರುವಿಲ ಮ್ಯಾಥ್ಯೂಸ್, ಬಿಜೆಪಿ ರಾಜ್ಯ ವಕ್ತಾರ ನಾರಾಯಣನ್ ನಂಬೂತಿರಿ, ಬೌದ್ಧಿಕ ಪ್ರಕೋಷ್ಠದ ಜಿಲ್ಲಾ ಉಸ್ತುವಾರಿ ಸದಸ್ಯ ಕೆ.ವಿ. ಸಾಬು ಭಾಗವಹಿಸಿದ್ದರು.