ಶಬರಿಮಲೆಯಲ್ಲಿ ಜನಜಂಗುಳಿ ಅನಿಯಂತ್ರಿತ: ಬೇರೆ ರಾಜ್ಯಗಳಿಂದ ಬಂದವರು ದೇವರ ದರ್ಶನಗೈಯ್ಯದೆ ಹಿಂತಿರುಗುತ್ತಿರುವುದಾಗಿ ಮಾಹಿತಿ

                ಪತ್ತನಂತಿಟ್ಟ: ಶಬರಿಮಲೆಯಲ್ಲಿ ಯಾತ್ರಾರ್ಥಿಗಳ ದಟ್ಟಣೆ ಅನಿಯಂತ್ರಿತವಾಗಿರುವುದರಿಂದ ಅನೇಕ ಭಕ್ತರು ಹದಿನೆಂಟು ಮೆಟ್ಟಲು ಏರದೆ  ಹಿಂದಿರುಗುತ್ತಿದ್ದಾರೆ.ಪಂದಳಂ ದೇವಸ್ಥಾನಕ್ಕೆ ಬಂದು ಮಾಲೆ ತೆಗೆದು ಹಿಂದಿರುಗುವ ಬಹುತೇಕ ಯಾತ್ರಾರ್ಥಿಗಳು ಬೇರೆ ರಾಜ್ಯಗಳ ಯಾತ್ರಿಗಳು.

               ತಮಿಳುನಾಡು ಮತ್ತು ಕರ್ನಾಟಕದ ಯಾತ್ರಾರ್ಥಿಗಳು ಸನ್ನಿಧಿ ತಲುಪದೆ ಹಿಂದಿರುಗುವವರಲ್ಲಿ ಹೆಚ್ಚಿನವರು. ದರ್ಶನ ಪಡೆಯದೇ ಹಿಂದಿರುಗುವವರಲ್ಲಿ ಕೇರಳೀಯರೂ ಇದ್ದಾರೆ. ಗಂಟೆಗಟ್ಟಲೆ ಕಾದರೂ ಬೆಟ್ಟ ಹತ್ತಲು ಸಾಧ್ಯವಾಗದೆ ಭಕ್ತರು ಹಿಂತಿರುಗುತ್ತಾರೆ.

              ನಿಲಯ್ಕಲ್ ಮತ್ತು ಪಂಬಾದಲ್ಲಿ ಭಕ್ತಾದಿಗಳ ನೂಕುನುಗ್ಗಲು ಕಂಡುಬಂದಿದೆ.ಕೆಎಸ್‍ಆರ್‍ಟಿಸಿ ಬಸ್‍ಗಳನ್ನು ಹತ್ತಲು ಕೂಡ ಭಾರೀ ನೂಕುನುಗ್ಗಲು ಉಂಟಾಗಿದೆ. ಹೆಚ್ಚುವರಿ ಸೇವೆಗಳ ಬೇಡಿಕೆಯನ್ನು ಪರಿಗಣಿಸಲಾಗಿಲ್ಲ. ಪೋಲೀಸರ ನಿಯೋಜನೆಯೂ ನಿಷ್ಪರಿಣಾಮಕಾರಿ ಎಂಬ ಆರೋಪವಿದೆ.

              ಕಾನನ ರಸ್ತೆಯಲ್ಲಿ ಹಲವು ಗಂಟೆಗಳ ಕಾಲ ವಾಹನಗಳನ್ನು ತಡೆಹಿಡಿಯಲಾಗುತ್ತಿದೆ. ನಿನ್ನೆ  89,981 ಮಂದಿ ದರ್ಶನಕ್ಕೆ ಬುಕ್ ಮಾಡಿದ್ದರು. ಭಕ್ತರಿಂದ ಪ್ರತಿಭಟನೆ ನಡೆಯಿತು. ಯುಡಿಎಫ್ ಸಂಸದರು ಸಂಸತ್ತಿನಲಲಿ ಹಾಗೂ ದೇವಸ್ವಂ ಮಂಡಳಿ ಕೇಂದ್ರ ಕಚೇರಿಯ ಮುಂದೆ ಯುವ ಕಾಂಗ್ರೆಸ್ ಪ್ರತಿಭಟನೆ ನಡೆಸಿತು.