ಲೋಕಸಭೆಗೆ ಇದೇ ಕೊನೆಯ ರೇಸ್ ಎಂದ ತರೂರ್, 'ಮೋದಿ ಎದುರು ನಿಂತರೂ ನಾನೇ ಗೆಲ್ಲುತ್ತೇನೆ': ತಿರುವನಂತಪುರ ಸಂಸದ

                  ತಿರುವನಂತಪುರಂ: ಮುಂದಿನ ಲೋಕಸಭೆ ಚುನಾವಣೆಯಲ್ಲೂ ತಿರುವನಂತಪುರಂನಿಂದ ಸ್ಪರ್ಧಿಸಲು ಸಿದ್ಧ ಎಂದು ಕಾಂಗ್ರೆಸ್ ನಾಯಕ ಶಶಿ ತರೂರ್ ಹೇಳಿದ್ದಾರೆ.

                ಮುಂದಿನ ಅವಧಿಯು ಲೋಕಸಭೆಯಲ್ಲಿ ತನ್ನ ಕೊನೆಯ ಅವಧಿಯಾಗಿದೆ ಎಂದು ತರೂರ್ ಹೇಳಿದರು. ದೂರದರ್ಶನ ವಾಹಿನಿಯೊಂದರಲ್ಲಿ ಮಾತನಾಡಿದ ತರೂರ್, ತಿರುವನಂತಪುರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಸ್ಪರ್ಧಿಸಿದರ್ನೂವರೆದುರು ನಿಂತು ಗೆಲ್ಲುತ್ತೇನೆ ಎಂದು ಹೇಳಿಕೊಂಡಿದ್ದಾರೆ.

             ತಿರುವನಂತಪುರಂನಿಂದ ಮತ್ತೆ ಸ್ಪರ್ಧಿಸಲು ಸಿದ್ಧ. ಆದರೆ ಈ ವಿಚಾರದಲ್ಲಿ ಪಕ್ಷವೇ ಅಂತಿಮ ನಿರ್ಧಾರ ತೆಗೆದುಕೊಳ್ಳಬೇಕಿದೆ. ಪಕ್ಷ ಕೇಳಿದರೆ ಸ್ಪರ್ಧಿಸುತ್ತೇನೆ. ಹೀಗಾದರೆ ಲೋಕಸಭೆಗೆ ಇದು ನನ್ನ ಕೊನೆಯ ಸ್ಪರ್ಧೆಯಾಗಲಿದೆ ಎಂದು ಶಶಿ ತರೂರ್ ಹೇಳಿದ್ದಾರೆ.

         ಪ್ರಧಾನಿ ನರೇಂದ್ರ ಮೋದಿ ಅವರು ತಿರುವನಂತಪುರಂನಿಂದ ಸ್ಪರ್ಧಿಸುತ್ತಾರೆಯೇ ಎಂಬ ಪ್ರಶ್ನೆಗೆ, ಮೋದಿ ಅವರ ವಿರುದ್ಧ ಸ್ಪರ್ಧಿಸಿದರೂ ನಾನೇ ಗೆಲ್ಲುತ್ತೇನೆ ಎಂದು ತರೂರ್ ಉತ್ತರಿಸಿದರು.

           "ಜನರು ನನ್ನನ್ನು ಬದಲಾಯಿಸಲು ಬಯಸಿದರೆ, ಅದನ್ನು ಮಾಡಲು ಅವರಿಗೆ ಅಧಿಕಾರವಿದೆ. ಆದರೆ ನಾನು ಯಾರ ವಿರುದ್ಧ ಸ್ಪರ್ಧಿಸುತ್ತಿದ್ದೇನೆ ಎಂಬುದರ ಆಧಾರದ ಮೇಲೆ ಅದು ಇರಬಾರದು ಎಂದು ತರೂರ್ ಹೇಳಿದರು.

           ''ನಾನು ಮೊದಲ ಬಾರಿ ಚುನಾವಣೆಗೆ ಸ್ಪರ್ಧಿಸಿದಾಗ ಕೇಂದ್ರ ವಿದೇಶಾಂಗ ಸಚಿವನಾಗಬೇಕೆಂದು ಬಯಸಿದ್ದೆ. ಆದರೆ ಅದು ಸಾಧಿಸಲಾಗಿಲ್ಲ. ಈಗ ಜನರ ತೀರ್ಮಾನಕ್ಕೆ ಬಿಟ್ಟದ್ದು' ಎಂದರು.

         ನೀವು ಕೇರಳ ವಿಧಾನಸಭೆಗೆ ಸ್ಪರ್ಧಿಸುತ್ತೀರಾ ಎಂಬ ಪ್ರಶ್ನೆಗೆ, ತರೂರ್ ಅವರು ಪ್ರಸ್ತುತ ಲೋಕಸಭೆ ಚುನಾವಣೆಯತ್ತ ಗಮನ ಹರಿಸುತ್ತಿದ್ದು, ಆ ಸಮಯದಲ್ಲಿ ಪರಿಸ್ಥಿತಿಯನ್ನು ಗಮನಿಸಿ ನಿರ್ಧಾರ ಕೈಗೊಳ್ಳುವೆ ಎಂದು ಉತ್ತರಿಸಿದರು.

             ವಿಶ್ವಸಂಸ್ಥೆಯ ಮಾಜಿ ಉಪಕಾರ್ಯದರ್ಶಿಯಾಗಿರುವ ಶಶಿ ತರೂರ್ ಅನಿರೀಕ್ಷಿತವಾಗಿ 2009ರ ಲೋಕಸಭೆ ಚುನಾವಣೆಯಲ್ಲಿ ತಿರುವನಂತಪುರದಲ್ಲಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಗೆದ್ದರು. ಅಲ್ಲಿಂದ ಸತತ ಮೂರು ಬಾರಿ ಗೆದ್ದಿರುವರು. 2019ರ ಚುನಾವಣೆಯಲ್ಲಿ 99,989 ಮತಗಳ ಬಹುಮತದೊಂದಿಗೆ ಗೆದ್ದಿದ್ದ ತರೂರ್, 2014ರ ಚುನಾವಣೆಯಲ್ಲಿ 15,470 ಮತಗಳ ಬಹುಮತ ಮತ್ತು 2009ರ ಮೊದಲ ಚುನಾವಣೆಯಲ್ಲಿ 99,998 ಮತಗಳಿಂದ ಲೋಕಸಭೆ ಪ್ರವೇಶಿಸಿದ್ದರು.