ಕೇರಳ-ಗಲ್ಫ್ ಕ್ರೂಸ್; ಕೇಂದ್ರ ಒಪ್ಪಿಗೆ: ಟಡಂಡರ್ ಪ್ರಕ್ರಿಯೆ ಆರಂಭ

              ತಿರುವನಂತಪುರಂ: ಕೇರಳ ಮತ್ತು ಕೊಲ್ಲಿ ರಾಷ್ಟ್ರಗಳಿಗೆ ಸಂಪರ್ಕ ಕಲ್ಪಿಸುವ ಪ್ರಯಾಣಿಕ ಹಡಗು ಸೇವೆ ಆರಂಭಿಸಲು ಕೇಂದ್ರ ಸರ್ಕಾರ ಅನುಮತಿ ನೀಡಿದೆ.

          ಅನಿವಾಸಿಗಳ ಅಗತ್ಯಗಳನ್ನು ಪರಿಗಣಿಸಿ, ಬೇಪೂರ್-ಕೊಚ್ಚಿ-ದುಬೈ ಮಾರ್ಗದಲ್ಲಿ ಪ್ರಯಾಣಿಕ ಹಡಗಿಗೆ ಅನುಮತಿ ನೀಡಲಾಗಿದೆ. 

              ಪ್ರಯಾಣಿಕ ಹಡಗು ಸೇವೆ ಆರಂಭಿಸಲು ಅನುಮತಿ ನೀಡಲಾಗಿದೆ ಎಂದು ಕೇಂದ್ರ ಶಿಪ್ಪಿಂಗ್ ಸಚಿವ ಸರ್ಬಾನಂದ್ ಸೋನೊವಾಲ್ ಮಾಹಿತಿ ನೀಡಿದ್ದಾರೆ. ಈ ನಿಟ್ಟಿನಲ್ಲಿ ಟೆಂಡರ್ ಪ್ರಕ್ರಿಯೆ ಆರಂಭಿಸಲಾಗಿದೆ ಎಂದು ತಿಳಿಸಿದರು. ಲೋಕಸಭೆಯಲ್ಲಿ ಸಂಸದ ಹೈಬಿ ಈಡನ್ ಅವರ ಪ್ರಶ್ನೆಗೆ ಉತ್ತರಿಸಿದ ಸಚಿವರು ಸೇವೆಯ ಅನುಮೋದನೆಯ ಬಗ್ಗೆ ಹೇಳಿದರು.

             ಭಾರೀ ಮೊತ್ತದ ವಿಮಾನ ಟಿಕೆಟ್ ಭರಿಸಿ ಕೇರಳಕ್ಕೆ ಆಗಮಿಸುವ ಅನಿವಾಸಿಗಳಿಗೆ ಹಡಗು ಪ್ರಯಾಣ ಅಗ್ಗವಾಗಲಿದೆ. ಒಂದು ಪ್ರಯಾಣಕ್ಕೆ ವಿಮಾನ ಟಿಕೆಟ್‍ನ ಮೂರನೇ ಒಂದು ಭಾಗ ಮಾತ್ರ ವೆಚ್ಚವಾಗುತ್ತದೆ. ಮತ್ತು ಹೆಚ್ಚಿನ ಸಾಮಾನುಗಳನ್ನು ತರಬಹುದು.

           ಕೇರಳ ಮ್ಯಾರಿಟೈಮ್ ಬೋರ್ಡ್ ಮತ್ತು ನಾರ್ಕಾ ರೂಟ್ಸ್‍ಗೆ ಪ್ರಯಾಣಿಕ ಹಡಗಿನ ಸೇವಾ ಟೆಂಡರ್ ಪ್ರಕ್ರಿಯೆಯನ್ನು ಪ್ರಾರಂಭಿಸುವ ಜವಾಬ್ದಾರಿಯನ್ನು ವಹಿಸಲಾಗಿದೆ. ಪ್ರಯಾಣಿಕರ ಸೇವೆಗಾಗಿ ಹಡಗು ಒದಗಿಸಲು ಆಸಕ್ತಿ ಹೊಂದಿರುವ ಕಂಪನಿಗಳು ಮತ್ತು ಸೇವೆಯನ್ನು ನಿರ್ವಹಿಸಲು ಆಸಕ್ತಿ ಹೊಂದಿರುವ ಕಂಪನಿಗಳು ಟೆಂಡರ್‍ನಲ್ಲಿ ಭಾಗವಹಿಸಬಹುದು.

            ಮಲಬಾರ್ ಅಭಿವೃದ್ಧಿ ಮಂಡಳಿ ಅಧ್ಯಕ್ಷ ಸಿ.ಇ. ಚಾಕುನ್ನಿ ನೇತೃತ್ವದ ತಂಡ ದುಬೈಗೆ ಭೇಟಿ ನೀಡಿತ್ತು. ಅಲ್ಲದೆ, ಹಡಗು ಸೇವೆಗಳನ್ನು ಪ್ರಾರಂಭಿಸುವ ಸಾಧ್ಯತೆಗಳನ್ನು ಅನ್ವೇಷಿಸಲು ಗುಂಪು ಹಡಗು ಕಂಪನಿಗಳು ಮತ್ತು ಅನಿವಾಸಿಗಳನ್ನು ಭೇಟಿಯಾಗಿತ್ತು.