ಕ್ಷಯರೋಗ ನಿಯಂತ್ರಣ ಚಟುವಟಿಕೆ ಬಲಪಡಿಸಲು ಹೆಚ್ಚಿನ ಕಾರ್ಯಕ್ರಮ

  

                      ಕಾಸರಗೋಡು: ಜಿಲ್ಲೆಯಲ್ಲಿ ಕ್ಷಯರೋಗ ನಿಯಂತ್ರಣವನ್ನು ಬಲಪಡಿಸಲು ಹೆಚ್ಚಿನ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲು ಕ್ಷಯ ರೋಗ ನಿರ್ಮೂಲನಾ ಮಂಡಳಿ ಸಭೆ ತೀರ್ಮಾನಿಸಿದೆ. ಕ್ಷಯರೋಗ ನಿಯಂತ್ರಣಕ್ಕೆ ಇನ್ನಷ್ಟು ಪರಿಣಾಮಕಾರಿ ಚಟುವಟಿಕೆಗಳ ಅಗತ್ಯವಿದೆ ಎಂದು ಹೆಚ್ಚುವರಿ ಜಿಲ್ಲಾ ದಂಡಾಧಿಕಾರಿ ಕೆ. ನವೀನ್ ಬಾಬು ಹೇಳಿದರು. 

                       ಶಾಲೆಗಳಲ್ಲಿ 8ರಿಂದ ಹತ್ತನೇ ತರಗತಿ ವರೆಗಿನ ವಿದ್ಯಾರ್ಥಿಗಳಿಗೆ ರಸಪ್ರಶ್ನೆ ಸ್ಪರ್ಧೆಯನ್ನು ಆಯೋಜಿಸಲಾಗುವುದು. ಎರಡು ತಿಂಗಳೊಳಗೆ ಜಿಲ್ಲೆಯ ಎಲ್ಲ ಒಳರೋಗಿಗಳಿಗೆ ಕ್ಷಯರೋಗ ತಪಾಸಣೆ ನಡೆಸಲಾಗುವುದು. ಹಾಸಿಗೆ ಹಿಡಿದಿರುವ ರೋಗಿಗಳಲ್ಲಿ ಕ್ಷಯರೋಗದ ಅಪಾಯ ಹೆಚ್ಚಿರುವುದರಿಂದ ಪರೀಕ್ಷೆಯನ್ನು ಮಾಡಲಾಗುತ್ತದೆ. ಅಭಿಯಾನವನ್ನು ಬಲಪಡಿಸುವ ಅಂಗವಾಗಿ ಜಿಲ್ಲೆಯ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳ ಸಭೆಯನ್ನೂ ಶೀಘ್ರ ನಡೆಸಲಾಗುವುದು. ಈ ಸಂಸ್ಥೆಗಳ ಸಹಕಾರದಿಂದ ಕ್ಷಯರೋಗ ಮುಕ್ತ ಜಿಲ್ಲೆಯಾಗಿಸುವ ನಿಟ್ಟಿನಲ್ಲಿ ಕೆಲವೊಂದು ಚಟುವಟಿಕೆಗಳನ್ನು ಆಯೋಜಿಸಲಾಗುವುದು. ಜಿಲ್ಲೆಯ ಮಕ್ಕಳಲ್ಲಿ ಕ್ಷಯ ರೋಗ ಪತ್ತೆ ಪ್ರಮಾಣ ಕಡಿಮೆ ಇರುವುದರಿಂದ ಮಕ್ಕಳ ತಜ್ಞರಿಗೆ ವಿಶೇಷ ತರಬೇತಿ ನೀಡಲಾಗುವುದು. ಕ್ಷಯರೋಗಕ್ಕೆ ಸಂಬಂಧಿಸಿದ ಮಾಹಿತಿಯನ್ನು ಸ್ಥಳೀಯ ವಾಹಿನಿಗಳ ಮೂಲಕ ಪ್ರಚಾರ ಮಾಡಲಾಗುವುದು.

                ನವೆಂಬರ್‍ವರೆಗೆ 804 ರೋಗಿಗಳು:

            ನವೆಂಬರ್ 2023 ರ ವೇಳೆಗೆ 804 ಕ್ಷಯ ರೋಗಿಗಳ ರೋಗನಿರ್ಣಯ ಮಾಡಲಾಗಿದ್ದು,  ಸುಮಾರು 500 ರೋಗಿಗಳು ಆರು ತಿಂಗಳಿಂದ ಚಿಕಿತ್ಸೆ ಪಡೆಯುತ್ತಿದ್ದಾರೆ. ರೋಗಿಗಳಲ್ಲಿ ಶೇ. 70ಪುರುಷರು ಮತ್ತು ಶೇ. 30 ಮಹಿಳೆಯರಾಗಿದ್ದು, ಇವರಲ್ಲಿ ಶೇ.7ರಷ್ಟು ಮಕ್ಕಳು ಒಳಗೊಂಡಿದ್ದಾರೆ ಎಂದು ಜಿಲ್ಲಾ ಟಿಬಿ ಪ್ರಭಾರ ಅಧಿಕಾರಿ ಡಾ. ನಾರಾಯಣ ಪ್ರದೀಪ ಮಾಹಿತಿ ನೀಡಿದರು.  ಎಡಿಎಂ ಚೇಂಬರ್‍ನಲ್ಲಿ ನಡೆದ ಸಭೆಯಲ್ಲಿ ಸಹಾಯಕ ಡಿಎಂಒ ಡಾ.ಸಂತೋಷ್, ಡಿಎಂಒ (ಐಎಸ್‍ಎಂ) ಡಾ.ಶೀಬಾ, ಡಿಎಂಒ(ಹೋಮಿಯೋ) ಡಾ. ಎ.ಕೆ.ರೇಷ್ಮಾ ಎಲ್ ಎಸ್ ಜಿಡಿ ಸಹಾಯಕ ನಿರ್ದೇಶಕ ಟಿ.ವಿ.ಸುಭಾಷ್, ಡಾ. ಟಿ. ಕಾಸಿಂ, ಎನ್.ಪಿ.ಪ್ರಶಾಂತ್, ಎ.ಎಲ್., ದೀಪಕ್ ಕೆ.ಆರ್., ಜಿಎಂಸಿ ಕಾಸರಕೋಟೆ ಅಧೀಕ್ಷಕ ಡಾ. ಪ್ರವೀಣ್ ಆರ್, ಡಾ ಸ್ಟ್ಯಾಟಿಸ್ಟಿಕಲ್ ಅಸಿಸ್ಟೆಂಟ್ ಎಸ್.ರಜನಿಕಾಂತ್ ಭಾಗವಹಿಸಿದ್ದರು.