ವಿಶ್ವದ ಅತಿದೊಡ್ಡ ಧ್ಯಾನ ಕೇಂದ್ರ 'ಸ್ವರವೇದ ಮಹಾಮಂದಿರ' ಉದ್ಘಾಟಿಸಿದ ಮೋದಿ

            ವಾರಾಣಸಿ: ವಿಶ್ವದ ಅತಿದೊಡ್ಡ ಧ್ಯಾನ ಕೇಂದ್ರ 'ಸ್ವರವೇದ ಮಹಾಮಂದಿರ'ವನ್ನು ಪ್ರಧಾನಿ ನರೇಂದ್ರ ಮೋದಿ ಇಂದು ಉದ್ಘಾಟಿಸಿದ್ದಾರೆ.

               ಉದ್ಘಾಟನೆ ಬಳಿಕ ಮಂದಿರದೊಳಗೆ ಸುತ್ತಾಡಿದ ಮೋದಿ, ಮಂದಿರದ ಒಳವಿನ್ಯಾಸ, ರಚನೆ ಬಗ್ಗೆ ಮಾಹಿತಿ ಪಡೆದುಕೊಂಡರು. ಈ ವೇಳೆ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಉಪಸ್ಥಿತರಿದ್ದರು.

                 ಈ ಧ್ಯಾನಮಂದಿರ ಹಲವು ವೈಶಿಷ್ಟ್ಯಗಳಿಂದ ಕೂಡಿದ್ದು, ಏಕಕಾಲಕ್ಕೆ ಸುಮಾರು 20 ಸಾವಿರ ಮಂದಿ ಕುಳಿತುಕೊಂಡು ಧ್ಯಾನ ಮಾಡಬಹುದಾಗಿದೆ. ಅಲ್ಲದೇ ಭವ್ಯ ಮಹಾಮಂದಿರದ ಗೋಡೆಗಳ ಮೇಲೆ ಸ್ವರವೇದದ ಶ್ಲೋಕಗಳನ್ನು ಕೆತ್ತಲಾಗಿದೆ.