ಪಾಕ್‌ ಚುನಾವಣೆ: ಪಿಪಿಪಿ ಪಕ್ಷದಿಂದ ಹಿಂದೂ ಮಹಿಳೆ ಸ್ಪರ್ಧೆ

               ಇಸ್ಲಾಮಾಬಾದ್: ಪಾಕಿಸ್ತಾನದ ಸಾರ್ವತ್ರಿಕ ಚುನಾವಣೆಯಲ್ಲಿ ಹಿಂದೂ ಮಹಿಳೆಯೊಬ್ಬರು ಸ್ಪರ್ಧೆ ಮಾಡುವ ಮೂಲಕ ದೇಶದ ಗಮನ ಸೆಳೆದಿದ್ದಾರೆ.

              ಖೈಬರ್‌ ಪ್ರಾಂತ್ಯದ ಬುನೆರ್ ಜಿಲ್ಲೆಯಿಂದ ಸವೀರಾ ರಮೇಶ್ ಸ್ಪರ್ಧೆ ಮಾಡುತ್ತಿದ್ದಾರೆ. ಅವರು ಪಿಪಿಪಿ ಪಕ್ಷದಿಂದ ಟಿಕೆಟ್‌ ಪಡೆದು ನಾಮಪತ್ರ ಸಲ್ಲಿಸಿದ್ದಾರೆ.

              ಸವೀರಾ ಪ್ರಕಾಶ್‌ ಅವರ ತಂದೆ ಓಂ ಪ್ರಕಾಶ್‌ ವೈದ್ಯರಾಗಿದ್ದು 35 ವರ್ಷಗಳಿಂದ ಪಿಪಿಪಿ ಪಕ್ಷದ ಸದಸ್ಯರಾಗಿದ್ದಾರೆ. ಸದ್ಯ ಅವರು ನಿವೃತ್ತರಾಗಿದ್ದಾರೆ.

              ಸವೀರಾ ಕೂಡ ವೈದ್ಯಕೀಯ ಪದವೀಧರೆಯಾಗಿದ್ದು ಪಿಪಿಪಿ ಪಕ್ಷದ ಮಹಿಳಾ ಘಟಕದ ಕಾರ್ಯದರ್ಶಿಯಾಗಿದ್ದಾರೆ.

               ಹೊಸ ಸರ್ಕಾರವನ್ನು ಆಯ್ಕೆ ಮಾಡಲು ಫೆಬ್ರುವರಿ 8ರಂದು ಪಾಕಿಸ್ತಾನದಲ್ಲಿ ಸಾರ್ವತ್ರಿಕ ಚುನಾವಣೆ ನಡೆಯಲಿದೆ.