'ಮೈ ಭಾರತ್ ವಿಕಾಸ್ ಭಾರತ್ @2047' ಭಾಷಣ ಸ್ಪರ್ಧಾ ವಿಜೇತರಿಗೆ ಬಹುಮಾನ ವಿತರಣೆ

            ಕಾಸರಗೋಡು: ನೆಹರು ಯುವ ಕೇಂದ್ರವು 15 ರಿಂದ 29 ವರ್ಷದೊಳಗಿನ ಯುವಕರಿಗೆ ಮೈ ಭಾರತ ವಿಕಾಸ್ ಭಾರತ್ @2047 ಎಂಬ ವಿಷಯದ ಕುರಿತು ಭಾಷಣ ಸ್ಪರ್ಧೆಯನ್ನು ಆಯೋಜಿಸಿತ್ತು.

              ಸ್ಪರ್ಧೆಯಲ್ಲಿ ತಾಯಲಂಗಡಿಯ ಸಿ.ಕೆ.ಫಾತಿಮತ್ ಶೇಖಾ ಪ್ರಥಮ, ತೃಕರಿಪುರದ ಫಾತಿಮತ್ ಸಾದಾ ಸಲಾಂ ದ್ವಿತೀಯ ಹಾಗೂ ಮಾವುಂಗಲ್ ಸನಾತನ ಕಾಲೇಜಿನ ವಿದ್ಯಾರ್ಥಿ ಕಾಶಿಶ್ ಮುಖೇಶ್ ತೃತೀಯ ಸ್ಥಾನ ಪಡೆದರು. ವಿಜೇತರಿಗೆ ಜಿಲ್ಲಾಧಿಕಾರಿ ಕೆ.ಇನ್ಬಾಶೇಖರ್ ಬಹುಮಾನ ವಿತರಿಸಿದರು. ಹೆಚ್ಚಿನ ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳು, ಯುವಕರು ಸ್ಪರ್ಧೆಗಳಲ್ಲಿ ಪಾಲ್ಗೊಳ್ಳಬೇಕು ಎಂದು ಜಿಲ್ಲಾಧಿಕಾರಿ ತಿಳಿಸಿ, ವಿಜೇತರನ್ನು ಅಭಿನಂದಿಸಿದರು. ಭವಿಷ್ಯದ ಭಾರತಕ್ಕಾಗಿ ಯುವಕರ ಆಶಯಗಳು ಮತ್ತು ಕನಸುಗಳನ್ನು ಭಾಷಣಗಳಲ್ಲಿ ಚರ್ಚಿಸಲಾಯಿತು. ಯುವಕರು ಪ್ರಸ್ತುತ ಸಮಸ್ಯೆಗಳು ಮತ್ತು ಚರ್ಚಿಸಬೇಕಾದ ವಿಷಯಗಳು ಮತ್ತು ದೇಶದ ಅಭಿವೃದ್ಧಿಯ ಸೂಚಕಗಳನ್ನು ತಿಳಿಸಿದರು.

              ಕಾಸರಗೋಡು ಕಲೆಕ್ಟರೇಟ್ ಸಮ್ಮೇಳನ ಸಭಾಂಗಣದಲ್ಲಿ ನಡೆದ ಸಮಾರಂಭದಲ್ಲಿ ಕಾಸರಗೋಡು ಬ್ಲಾಕ್ ಪಂಚಾಯತ್ ಸದಸ್ಯ ಸುಕುಮಾರನ್ ಕುದ್ರೆಪ್ಪಾಡಿ ಅಧ್ಯಕ್ಷತೆ ವಹಿಸಿದ್ದರು. ಚೆಂಗಳ ಗ್ರಾಮ ಪಂಚಾಯಿತಿ ಸದಸ್ಯೆ ಪಿ.ಖದೀಜಾ, ಜಿಲ್ಲಾ ವಾರ್ತಾಧಿಕಾರಿ ಎಂ.ಮಧುಸೂದನನ್ ಮಾತನಾಡಿದರು. ನೆಹರು ಯುವ ಕೇಂದ್ರದ ಜಿಲ್ಲಾ ಯುವ ಅಧಿಕಾರಿ ಪಿ.ಅಖಿಲ್ ಸ್ವಾಗತಿಸಿ, ಎನ್ ವೈಕೆ ಸ್ವಯಂ ಸೇವಕಿ ಪಿ.ಸನುಜಾ ವಂದಿಸಿದರು. ವಿಜೇತರಿಗೆ ರಾಜ್ಯ ಮಟ್ಟದ ಸ್ಪರ್ಧೆಯಲ್ಲಿ ಭಾಗವಹಿಸಲು ಅವಕಾಶವಿದೆ. ರಾಜ್ಯ ಮಟ್ಟದಲ್ಲಿ ಪ್ರಥಮ, ದ್ವಿತೀಯ ಮತ್ತು ತೃತೀಯ ಸ್ಥಾನಗಳ ವಿಜೇತರಿಗೆ ಕ್ರಮವಾಗಿ ರೂ.1 ಲಕ್ಷ, ರೂ.50,000 ಮತ್ತು ರೂ.25,000 ಬಹುಮಾನ ದೊರೆಯಲಿದೆ.