ಮೊದಲ ಹಂತದ ಪಠ್ಯಪುಸ್ತಕ ಪರಿಷ್ಕರಣೆಗೆ ಪಠ್ಯಕ್ರಮ ಸಮಿತಿಯ ಅನುಮೋದನೆ

                ತಿರುವನಂತಪುರ: ರಾಜ್ಯದಲ್ಲಿ ಮೊದಲ ಹಂತದ ಪಠ್ಯಪುಸ್ತಕ ಪರಿಷ್ಕರಣೆ ಪೂರ್ಣಗೊಂಡಿದೆ. ಪಠ್ಯಕ್ರಮ ಸಮಿತಿಯು ಪುಸ್ತಕಗಳನ್ನು ಅನುಮೋದಿಸಿದೆ. ಒಂದು, ಮೂರು, ಐದು, ಏಳು ಮತ್ತು ಒಂಬತ್ತನೇ ತರಗತಿಯ ಪುಸ್ತಕಗಳಿಗೆ ಅನುಮೋದನೆ ನೀಡಲಾಯಿತು. ಸುಮಾರು 170 ಪುಸ್ತಕಗಳಿಗೆ ಅನುಮೋದನೆ ನೀಡಲಾಯಿತು.

               ಇವುಗಳ ಮುದ್ರಣ ಈ ತಿಂಗಳಲ್ಲಿ ಆರಂಭವಾಗಲಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು.

              ಪಠ್ಯಪುಸ್ತಕಗಳನ್ನು ಪರಿಷ್ಕರಿಸಲಾಗುವುದು ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆ ಈಗಾಗಲೇ ಹೇಳಿಕೆ ನೀಡಿತ್ತು. ಇದರ ಮೊದಲ ಹಂತ ಈಗ ಪೂರ್ಣಗೊಂಡಿದೆ. 2,4,6,8 ಮತ್ತು 10 ನೇ ತರಗತಿಗಳ ಪುಸ್ತಕಗಳನ್ನು ಎರಡನೇ ಹಂತದಲ್ಲಿ ಅನುಮೋದಿಸಲಾಗುತ್ತದೆ. ಈ ವರ್ಷ ಮಾರ್ಚ್‍ನಲ್ಲಿ ವಿದ್ಯಾರ್ಥಿಗಳಿಗೆ ಪುಸ್ತಕಗಳು ಸಿಗುವಂತೆ ವ್ಯವಸ್ಥೆ ಮಾಡಬೇಕು ಎಂದು ಸಭೆಯಲ್ಲಿ ತೀರ್ಮಾನಿಸಲಾಗಿದೆ.