ಕೇರಳ ರಾಜ್ಯ ಕ್ರಿಕೆಟ್ ತಂಡಕ್ಕೆ ಶ್ರೀಹರಿ ಶಶಿ ಆಯ್ಕೆ

                ಕಾಸರಗೋಡು: ಜನವರಿ 23 ರಿಂದ ಫೆಬ್ರವರಿ 14 ರ ವರೆಗೆ ಗೋವಾದಲ್ಲಿ ನಡೆಯುವ ದಕ್ಷಿಣ ವಲಯ ಅಂತಾರಾಜ್ಯ ಕ್ರಿಕೆಟ್ ಪಂದ್ಯಾಟದಲ್ಲಿ ಕೇರಳ 14 ರ ಕೆಳ ಹರೆಯದ ತಂಡಕ್ಕೆ ಕಾಸರಗೋಡು ಜಿಲ್ಲಾ ತಂಡದ ನಾಯಕ ಶ್ರೀಹರಿ ಶಶಿ ಆಯ್ಕೆಯಾಗಿದ್ದಾರೆ. ಆರಂಭಿಕ ದಾಂಡಿಗನಾಗಿ ಶ್ರೀಹರಿ ಶಶಿ ಅಂತರ್ ಜಿಲ್ಲಾ ಕ್ರಿಕೆಟ್ ಪಂದ್ಯಾಟದಲ್ಲೂ, ಕೆ.ಸಿ.ಎ. ಇಂಟರ್‍ಗ್ರೂಪ್ ಪಂದ್ಯಾಟದಲ್ಲೂ, ಕೆಸಿಎ ಪ್ರಿಪರೇಟರಿ ಶಿಬಿರದಲ್ಲೂ ಅತ್ಯುತ್ತಮ ಪ್ರದರ್ಶನ ನೀಡಿದ್ದಾರೆ. ಈ ಮೂಲಕ ಕೇರಳ ತಂಡಕ್ಕೆ ಆಯ್ಕೆಯಾಗಿದ್ದಾರೆ. ಶ್ರೀಹರಿ ಶಶಿ ಅವರನ್ನು ಕಾಸರಗೋಡು ಜಿಲ್ಲಾ ಕ್ರಿಕೆಟ್ ಅಸೋಸಿಯೇಶನ್ ಅಭಿನಂದಿಸಿದೆ.