ಇಸ್ರೊ ವಿಜ್ಞಾನಿ ನಿಗರ್ ಶಾಜಿಗೆ ತಮಿಳುನಾಡಿನಲ್ಲಿ ಶ್ಲಾಘನೆ

               ಚೆನ್ನೈ: ಸೌರಮಂಡಲದ ವಾತಾವರಣವನ್ನು ಅಧ್ಯಯನ ಮಾಡುವ ಉದ್ದೇಶದ 'ಆದಿತ್ಯ-ಎಲ್1' ಯೋಜನೆಗೆ ಭಾರತೀಯ ಬಾಹ್ಯಾಕಾಶ ಸಂಸ್ಥೆಯ (ಇಸ್ರೊ) ವಿಜ್ಞಾನಿ ನಿಗರ್ ಶಾಜಿ ಅವರು ನೀಡಿರುವ ಕೊಡುಗೆಯನ್ನು ಇಲ್ಲಿ ಭಾನುವಾರ ತಮಿಳುನಾಡು ರಾಜ್ಯ ಸರ್ಕಾರ ಹಮ್ಮಿಕೊಂಡಿದ್ದ ಜಾಗತಿಕ ಹೂಡಿಕೆದಾರರ ಸಮಾವೇಶದಲ್ಲಿ ಪ್ರಶಂಸಿಸಲಾಯಿತು.

              ಸಮಾರಂಭದಲ್ಲಿ ಎದ್ದು ನಿಂತು ಚಪ್ಪಾಳೆ ತಟ್ಟುವ ಮೂಲಕ ನಿಗರ್‌ ಶಾಜಿ ಅವರಿಗೆ ಗೌರವ ಸಲ್ಲಿಸುವಂತೆ ಸಭಿಕರಿಗೆ ಸೂಚಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ಕೇಂದ್ರ ಸಚಿವ ಪಿಯೂಶ್‌ ಗೋಯಲ್‌ ಅವರು ಉಪಸ್ಥಿತರಿದ್ದರು. ನಿಗರ್ ಶಾಜಿ ಅವರು ತಮಿಳುನಾಡಿನವರು.

               ಭೂಮಿಯಿಂದ 15 ಲಕ್ಷ ಕಿ.ಮೀ. ದೂರದಲ್ಲಿರುವ ಲಗ್ರಾಂಜಿಯನ್‌ ಬಿಂದುವನ್ನು (ಎಲ್‌1) ಆದಿತ್ಯ ಎಲ್‌1 ಶನಿವಾರ ತಲುಪಿತ್ತು.