ಇಸ್ರೇಲ್ ಸೈನ್ಯದಿಂದ ಮೂವರು ಶಸ್ತ್ರಸಜ್ಜಿತ ಪ್ಯಾಲೆಸ್ತೀನಿಯರ ಹತ್ಯೆ

             ಜೆರುಸಲೇಂ: ತನ್ನ ವಶದಲ್ಲಿರುವ ವೆಸ್ಟ್ ಬ್ಯಾಂಕ್ ಜನವಸತಿ ಪ್ರದೇಶಕ್ಕೆ ನುಗ್ಗಲು ಯತ್ನಿಸಿದ ಮೂವರು ಶಸ್ತ್ರಸಜ್ಜಿತ ಪ್ಯಾಲೆಸ್ಟೀನಿಯರನ್ನು ತಮ್ಮ ಪಡೆಗಳು ಹತ್ಯೆ ಮಾಡಿವೆ ಎಂದು ಇಸ್ರೇಲ್ ಸೇನೆ ತಿಳಿಸಿದೆ.

            ಹತ್ಯೆಗೊಳಗಾದವರ ಪೈಕಿ ಇಬ್ಬರಿಗೆ 16 ವರ್ಷ, ಮತ್ತೊಬ್ಬರಿಗೆ 19 ವರ್ಷ ವಯಸ್ಸಾಗಿತ್ತು ಎಂದು ಪ್ಯಾಲೆಸ್ಟೀನ್‌ನ ಅಧಿಕೃತ ಸುದ್ದಿ ಸಂಸ್ಥೆ ವಾಫಾ ತಿಳಿಸಿದೆ.

                  ಪ್ಯಾಲೆಸ್ಟೀನ್‌ನ ಹೀಬ್ರಾನ್ ನಗರದ ಸನಿಹದಲ್ಲಿರುವ ಅಡೋರಾ ಜನವಸತಿ ಪ್ರದೇಶದ ಬೇಲಿಯನ್ನು ಭೇದಿಸಿ ದಾಳಿಕೋರರು ಮುನ್ನುಗ್ಗಲು ಯತ್ನಿಸಿದರು. ಆಗ ನಡೆದ ಗುಂಡಿನ ಚಕಮಕಿಯಲ್ಲಿ ಯೋಧರೊಬ್ಬರು ಗಾಯಗೊಂಡಿದ್ದಾರೆ ಎಂದು ಇಸ್ರೇಲ್ ಸೇನೆ ತಿಳಿಸಿದೆ.