ವಿಷು ಕಣಿ ನಾಟಿ ಉತ್ಸವಕ್ಕೆ ಸಜ್ಜುಗೊಳ್ಳುತ್ತಿರುವ ಕುಟುಂಬಶ್ರೀ ಸಿಡಿಎಸ್ ಮತ್ತು ಪಂಚಾಯತಿಗಳು: ಈ ವರ್ಷದ ವಿಷು ಸ್ವಾವಲಂಬಿ ಉತ್ಪನ್ನ ತಯಾರಿಯ ಭರವಸೆಗಳೊಂದಿಗೆ

                       ಕಾಸರಗೋಡು: ಜಿಲ್ಲೆಯಲ್ಲಿ ಆಹಾರ ಭದ್ರತೆ ಹಾಗೂ ಮುಂದಿನ ವಿಷು ಹಬ್ಬಕ್ಕೆ  ಅಗತ್ಯವಿರುವ ಹಣ್ಣು-ತರಕಾರಿಗಳನ್ನು ಒದಗಿಸುವ ಉದ್ದೇಶದಿಂದ ಕಣಿ ನಾಟಿ ಹಬ್ಬವನ್ನು ಆಯೋಜಿಸಲು ಕುಟುಂಬಶ್ರೀ ಸಿದ್ಧತೆ ನಡೆಸಿದೆ. ಕುಟುಂಬಶ್ರೀ ಜಿಲ್ಲಾ ಮಿಷನ್ ನೇತೃತ್ವದಲ್ಲಿ ಜನವರಿ 30 ರವರೆಗೆ 'ಕಣಿ' (ಕೃಷಿ-ಪೌಷ್ಟಿಕ ಮಧ್ಯಸ್ಥಿಕೆಗಾಗಿ ಕುಟುಂಬಶ್ರೀ) ಬಿತ್ತನೆ ನಡೆಯಲಿದೆ. ಕುಟುಂಬಶ್ರೀಯ ಎಲ್ಲಾ ಸಿಡಿಎಸ್ ಘಟಕಗಳು ಮತ್ತು ವಾರ್ಡ್ ಮಟ್ಟದಲ್ಲಿ ವ್ಯಾಪಕ ಪಾಲ್ಗೊಳ್ಳುವಿಕೆಯೊಂದಿಗೆ 'ಕಣಿ ನಾಟಿ ಉತ್ಸವ-2024' ಅನ್ನು ಜಾರಿಗೆ ತರಲು ಯೋಜಿಸುತ್ತಿದೆ.

                      ಈ ನಿಟ್ಟಿನಲ್ಲಿ ಕುಟುಂಬಶ್ರೀ 20 ಲಕ್ಷ ರೂಪಾಯಿ ಮೀಸಲಿಟ್ಟಿದೆ. ಜಿಲ್ಲೆಯಲ್ಲಿ ಕೃಷಿಗೆ ಉತ್ತೇಜನ ನೀಡುವ ಹಾಗೂ ಅಗ್ರಿನೂಟ್ರಿ ಗಾರ್ಡನ್ ಯೋಜನೆಯನ್ನು ಸಾರ್ವಜನಿಕರಿಗೆ ತಲುಪಿಸುವ ಅಭಿಯಾನದ ಚಟುವಟಿಕೆ 'ಕಣಿ' ಯೋಜನೆಯ ಮೂಲಕ ಸಾಕಾರಗೊಳಿಸಲಾಗುವುದು. ಜಿಲ್ಲೆಯಲ್ಲಿಯೇ ತರಕಾರಿ ಬೆಳೆಸಿ, ಕೊಯ್ಲು ಮಾಡುವ ಮೂಲಕ ತರಕಾರಿ ಕ್ಷೇತ್ರದಲ್ಲಿ ಸ್ವಾವಲಂಬನೆ ಮೂಡಿಸುವುದು ವಿಷುವಿನ ಮುಖ್ಯ ಉದ್ದೇಶವಾಗಿದೆ. ಕೃಷಿ-ಪೌಷ್ಟಿಕ ಉದ್ಯಾನ ಎಂಬ ನವೀನ ಪರಿಕಲ್ಪನೆಯು ಕುಟುಂಬದ ಸಂಪೂರ್ಣ ಪೌಷ್ಟಿಕಾಂಶದ ಅಗತ್ಯಗಳಿಗಾಗಿ ಪ್ರತಿ ಮನೆಯಲ್ಲೂ ಕೃಷಿ-ಪೌಷ್ಟಿಕ ಉದ್ಯಾನಗಳನ್ನು ಸ್ಥಾಪಿಸುವ ಯೋಜನೆಯಾಗಿದೆ. ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ಒಂದು ವಾರ್ಡ್‍ನಲ್ಲಿ 65 ಕುಟುಂಬಗಳನ್ನು ತಲುಪಿಸುವ ಗುರಿಯನ್ನು ಕುಟುಂಬಶ್ರೀ ಹೊಂದಿದೆ. ಜಿಲ್ಲೆಯಲ್ಲಿ 38 ಸಿಡಿಎಸ್, 664 ಎಡಿಎಸ್ ಒಳಗೊಂಡು 43160 ಕುಟುಂಬಗಳಿಗೆ ಆಹಾರ ಭದ್ರತೆಯನ್ನು ಖಾತರಿಪಡಿಸುವುದು ಮತ್ತು ಮಾರುಕಟ್ಟೆಯಲ್ಲಿ ವಿಚುವಿಗಾಗಿ ಹಣ್ಣು ಮತ್ತು ತರಕಾರಿಗಳು ಲಭ್ಯವಾಗುವಂತೆ ಅಗ್ರಿ ನ್ಯೂಟ್ರಿ ಗಾರ್ಡನ್ ಅಂಗವಾಗಿ ಅನುಷ್ಠಾನಗೊಳಿಸಲಾಗುವುದು. 

              ಇದರ ಅಂಗವಾಗಿ ಪ್ರತಿ ಪಂಚಾಯಿತಿ ಅಧ್ಯಕ್ಷರು ಮತ್ತು ಸಿಡಿಎಸ್ ಅಧ್ಯಕ್ಷರ ನೇತೃತ್ವದಲ್ಲಿ ಜನವರಿ 20 ರೊಳಗೆ ಪಂಚಾಯತಿ ಮತ್ತು ಸಿಡಿಎಸ್ ಸಂಘಟನಾ ಸಮಿತಿಯ ಸಭೆ ನಡೆಸಲಾಗುವುದು. ಪಂಚಾಯಿತಿ ಅಧ್ಯಕ್ಷರು, ಸಿಡಿಎಸ್ ಅಧ್ಯಕ್ಷ ಸಂಚಾಲಕರು, ಸದಸ್ಯ ಕಾರ್ಯದರ್ಶಿ, ಜಂಟಿ ಸಂಚಾಲಕರು, ಪಂಚಾಯಿತಿ ಜನಪ್ರತಿನಿಧಿಗಳು ಹಾಗೂ ಸಿಡಿಎಸ್ ಸದಸ್ಯರು ಸಂಘಟನಾ ಸಮಿತಿ ರಚಿಸಲಿದ್ದಾರೆ. ಪಂಚಾಯತಿ/ಸಿಡಿಎಸ್ ಮಟ್ಟದಲ್ಲಿ ಕನಿಷ್ಠ 50 ಸೆಂಟ್ಸ್‍ನಿಂದ 2 ಎಕರೆ ವಿಸ್ತೀರ್ಣದ ಮಾದರಿ ನಿವೇಶನವನ್ನು ಪತ್ತೆಮಾಡಿ ಮಾದರಿ ಜಮೀನುಗಳಾಗಿ ಪರಿಗಣಿಸಿ  ಬೆಳೆ ಬೆಳೆಸಲು ಕುಟುಂಬಶ್ರೀ ಕೃಷಿ ಗುಂಪುಗಳನ್ನು ಆಯ್ಕೆ ಮಾಡಲಾಗುತ್ತದೆ. ಎಡಿಎಸ್ ಮಟ್ಟದಲ್ಲಿ ವಾರ್ಡ್ ಸದಸ್ಯರು ಜವಾಬ್ದಾರರಾಗಿರುತ್ತಾರೆ.  ಎಡಿಎಸ್ ನೇತೃತ್ವದಲ್ಲಿ ಜನವರಿ 22ರೊಳಗೆ ವಾರ್ಡ್ ಮಟ್ಟದ ಸಂಘಟನಾ ಸಮಿತಿ ಸಭೆ ನಡೆಯಲಿದೆ. ವಾರ್ಡ್‍ನ ಪ್ರತಿ ಮನೆಯಲ್ಲೂ ಕಣಿ ಅಗ್ರಿ ನ್ಯೂಟ್ರಿ ಗಾರ್ಡನ್ ಯೋಜನೆ ಅನುಷ್ಠಾನಗೊಳಿಸಲಾಗುವುದು. ಹೈಬ್ರಿಡ್ ಬೀಜಗಳಿಗೆ ಒತ್ತು ನೀಡಿ ಯೋಜನೆ ಜಾರಿಗೊಳಿಸಲಾಗುವುದು. ಕಣಿ ನಾಟಿ ಉತ್ಸವವನ್ನು ಜಿಲ್ಲಾ ಮಿಷನ್ ಸ್ಪರ್ಧಾತ್ಮಕ ಆಧಾರದ ಮೇಲೆ ಅನುμÁ್ಠನಗೊಳಿಸುತ್ತದೆ. ಸಿಡಿಎಸ್ ಮಟ್ಟದಿಂದ ಮನೆಯ ಹಂತದವರೆಗೆ ಸ್ಥಾಪಿಸಲಾದ ಅಗ್ರಿ-ನ್ಯೂಟ್ರಿ ಗಾರ್ಡನ್ ಮಾದರಿಯ ಪ್ಲಾಟ್‍ಗಳನ್ನು ಮೌಲ್ಯಮಾಪನ ಮಾಡುವ ಮೂಲಕ ಪ್ರಶಸ್ತಿಗೆ ಕಲ್ಪಿಸಲಾಗುತ್ತದೆ.