ಕೇರಳ-ಅಯೋಧ್ಯೆ ರೈಲು ಸೇವೆ ಒಂದು ವಾರ ಮುಂದೂಡಿಕೆ

              ತಿರುವನಂತಪುರಂ: ಕೇರಳದಿಂದ ಅಯೋಧ್ಯೆಗೆ ರೈಲು ಸಂಚಾರ ಸೇವಾರಂಭವನ್ನು ಇನ್ನೂ ಒಂದು ವಾರ ಮುಂದೂಡಲಾಗಿದೆ. ಇಂದು 7.10ಕ್ಕೆ ಆರಂಭವಾಗಬೇಕಿದ್ದ ಸೇವೆಯನ್ನು ಮುಂದೂಡಲಾಗಿದೆ ಎಂದು ರೈಲ್ವೆ ತಿಳಿಸಿದೆ.

       ಅಯೋಧ್ಯೆಯಲ್ಲಿ ಏರ್ಪಾಡು ನಡೆಯುತ್ತಿರುವ ಕಾರಣ ರೈಲು ಸೇವೆಯನ್ನು ಮುಂದೂಡಲಾಗಿದ್ದು, ಬುಕ್ಕಿಂಗ್ ಆರಂಭವಾಗಿಲ್ಲ.

             ಈ ಸೇವೆಯು ಪಾಲಕ್ಕಾಡ್ ಒಲವಕೊಡೆ ರೈಲು ನಿಲ್ದಾಣದಿಂದ ಪ್ರಾರಂಭವಾಗುತ್ತದೆ. 54 ಗಂಟೆ 50 ನಿಮಿಷಗಳ ನಂತರ ಮೂರನೇ ದಿನ ಬೆಳಗಿನ ಜಾವ 2 ಗಂಟೆಗೆ ಅಯೋಧ್ಯೆ ತಲುಪಲಿವೆ. ಅಂದು ಸಂಜೆಯೇ ಮರಳುವ ಸೇವೆ ಆರಂಭವಾಗಲಿದೆ. ಸೇವೆಯು ಕೊಯಮತ್ತೂರು ಮೂಲಕ ಇರಲಿದೆ.

                ಫೆಬ್ರವರಿ 4, 9, 14, 19, 24 ಮತ್ತು 29 ರಂದು ಪಾಲಕ್ಕಾಡ್‍ನಿಂದ ಅಯೋಧ್ಯೆಗೆ ಸೇವೆ ಇರಲಿದೆ. ಫೆಬ್ರವರಿ 1 ರಂದು ತಿರುನಲ್ವೇಲಿಯಿಂದ ಅಯೋಧ್ಯೆಗೆ ಹೊರಡುವ ರೈಲು ತಿರುವನಂತಪುರಂ, ಕೊಟ್ಟಾಯಂ, ಎರ್ನಾಕುಳಂ ಟೌನ್, ಶೋರ್ನೂರ್ ಮತ್ತು ಕೇರಳದ ಕೋಝಿಕ್ಕೋಡ್‍ನಲ್ಲಿ ನಿಲುಗಡೆಗೊಳ್ಳಲಿದೆ.