ಆರ್ಥಿಕ ಸದೃಢತೆ ಮತ್ತು ಆಡಳಿತ ದಕ್ಷತೆಗಾಗಿ ಕಾಸರಗೋಡು ಕೋ-ಆಪರೇಟಿವ್ ಟೌನ್ ಬ್ಯಾಂಕ್ ಗೆ ರಿಸರ್ವ್ ಬ್ಯಾಂಕ್ ವಿಶೇಷ ಸ್ಥಾನಮಾನ

             ಕಾಸರಗೋಡು: ಕಾಸರಗೋಡು ಕೋ-ಆಪರೇಟಿವ್ ಟೌನ್ ಬ್ಯಾಂಕ್‍ಗೆ ಆರ್ಥಿಕವಾಗಿ ಉತ್ತಮ ನಿರ್ವಹಣೆಗಾಗಿ (ಎಫ್‍ಎಸ್‍ಡಬ್ಲ್ಯೂಎಂ) ಬ್ಯಾಂಕ್ ಎಂಬ ಬಿರುದು ನೀಡಲಾಗಿದೆ, ಇದು ಭಾರತೀಯ ರಿಸರ್ವ್ ಬ್ಯಾಂಕ್ ಕೆಲವು ಮಾನದಂಡಗಳನ್ನು ಪೂರೈಸುವ ಅರ್ಬನ್ ಬ್ಯಾಂಕ್‍ಗಳಿಗೆ ನೀಡುವ ಮನ್ನಣೆಯಾಗಿದೆ. ಡಾ. ಅರ್ಬನ್ ಬ್ಯಾಂಕ್ ನ್ಯಾಷನಲ್ ಫೆಡರೇಶನ್ ನಿರ್ದೇಶಕ ಮತ್ತು ಸಹಕಾರ ಭಾರತಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಡಾ. ಉದಯ ಜೋಶಿ ಮಾನಪತ್ರ ನೀಡಿದರು. 

             ಗುರಿ ದರಕ್ಕಿಂತ ಕನಿಷ್ಠ 1 ಪ್ರತಿಶತದಷ್ಟು ಬಂಡವಾಳದ ಸಮರ್ಪಕತೆಯ ಅನುಪಾತ, 3 ಪ್ರತಿಶತಕ್ಕಿಂತ ಕಡಿಮೆ ಎನ್‍ಪಿಎ ದರ, ಸತತ ಮೂರು ವರ್ಷಗಳ ಲಾಭದಾಯಕತೆ, ನಿರ್ದೇಶಕರ ಮಂಡಳಿಯಲ್ಲಿ ಇಬ್ಬರು ವೃತ್ತಿಪರ ನಿರ್ದೇಶಕರು, ಸಂಪೂರ್ಣ ಕೋರ್ ಬ್ಯಾಂಕಿಂಗ್ ವ್ಯವಸ್ಥೆ, ಆರ್‍ಬಿಐ ಉಲ್ಲಂಘನೆಗಾಗಿ ಎರಡು ಹಣಕಾಸು ವರ್ಷಗಳವರೆಗೆ ದಂಡ ರಹಿತ ಮಾರ್ಗಸೂಚಿಗಳನ್ನು  ಆರ್‍ಬಿಐ ಮಾನದಂಡಗಳಿಂದ ಪರಿಗಣಿಸಲಾಗುತ್ತದೆ. ಕಾಸರಗೋಡು ಟೌನ್ ಬ್ಯಾಂಕ್ ಸೂಚಿಸಿದ ಎಲ್ಲಾ ಮಾನದಂಡಗಳನ್ನು ಪೂರೈಸಿದೆ.

          ಕಾಸರಗೋಡಲ್ಲಿ ನಡೆದ ಸಮಾರಂಭದಲ್ಲಿ ಬ್ಯಾಂಕ್ ಅಧ್ಯಕ್ಷ ಅಡ್ವ. ಎಸಿ ಅಶೋಕ್ ಕುಮಾರ್ ಅಧ್ಯಕ್ಷತೆ ವಹಿಸಿದ್ದರು. ಹಿರಿಯ ವಕೀಲ ಐ.ವಿ. ಭಟ್, ಸಹಾಯಕ ರಿಜಿಸ್ಟ್ರಾರ್ (ಯೋಜನೆ) ಚಂದ್ರನ್, ಆರ್.ಎಸ್.ಎಸ್.ಎಸ್. ವಿಭಾಗ ಕಾರ್ಯದರ್ಶಿ ಲೋಕೇಶ್ ಜೋಡುಕಲ್ಲು, ಸಹಕಾರ ಭಾರತಿ ರಾಷ್ಟ್ರೀಯ ಸಮಿತಿ ಸದಸ್ಯ ನ್ಯಾಯವಾದಿ .ಕೆ.ಕರುಣಾಕರನ್, ರಾಜ್ಯ ಉಪಾಧ್ಯಕ್ಷ ಐತಪ್ಪ ಮವ್ವಾರು, ಟೌನ್ ಬ್ಯಾಂಕ್ ನೌಕರರ ಸಂಘದ ಕಾರ್ಯದರ್ಶಿ ಕೆ.ಕಮಲಾಕ್ಷ, ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಆರ್.ವಿ.ಸುರೇಶ್ ಕುಮಾರ್ ಮಾತನಾಡಿದರು. ಉಪಾಧ್ಯಕ್ಷ ಮಾಧವ ಹೇರಳ ಸ್ವಾಗತಿಸಿ, ಪ್ರಧಾನ ವ್ಯವಸ್ಥಾಪಕ ಸಿ.ಉಣ್ಣಿಕೃಷ್ಣನ್ ವಂದಿಸಿದರು.