ಮಧ್ಯಾಹ್ನದ ಊಟ ಯೋಜನೆಗೆ ಪರವಾನಗಿ ಪಡೆದಿರಬೇಕೆಂಬ ಹೊಸ ಸೂಚನೆ: ಮುಖ್ಯೋಪಾಧ್ಯಾಯರ ಸಂಘಟನೆಯಿಂದ ಪ್ರತಿಭಟನೆ

                  ಕಣ್ಣೂರು: ರಾಜ್ಯದ ಸಾರ್ವಜನಿಕ ಶಾಲೆಗಳಲ್ಲಿ(ಸರ್ಕಾರಿ-ಅನುದಾನಿತ) ಮಧ್ಯಾಹ್ನದ ಊಟದ ಯೋಜನೆಗೆ ಮುಖ್ಯ ಶಿಕ್ಷಕರ ಹೆಸರಿನಲ್ಲಿ ಆಹಾರ ಸುರಕ್ಷತೆ ಪರವಾನಗಿ ತೆಗೆದುಕೊಳ್ಳಬೇಕು ಎಂದು ಆಹಾರ ಮತ್ತು ಸುರಕ್ಷತೆ ಇಲಾಖೆ ಸೂಚಿಸಿದೆ.

                       ಅಧಿಕಾರಿಗಳು ವಿವಿಧ ಜಿಲ್ಲೆಗಳ ಶಾಲೆಗಳಿಗೆ ಭೇಟಿ ನೀಡಿ ಈ ಪರವಾನಗಿ ಪಡೆಯಲು ವಿಫಲರಾದರೆ ಮುಖ್ಯ ಶಿಕ್ಷಕರು, ಅಡುಗೆಯವರು ಮುಂತಾದವರ ವಿರುದ್ಧ ದಂಡ ಸೇರಿದಂತೆ  ಕ್ರಮಗಳನ್ನು ತೆಗೆದುಕೊಳ್ಳಲಾಗುವುದು ಎಂದು ನೋಟಿಸ್ ನೀಡಲಾಗಿದೆ. ಸರ್ಕಾರದ ಕ್ರಮ ಅಪ್ರಾಯೋಗಿಕವಾಗಿದೆ ಎಂದು ಕೇರಳ ಖಾಸಗಿ ಪ್ರಾಥಮಿಕ ಮುಖ್ಯೋಪಾಧ್ಯಾಯರ ಸಂಘ ಗಮನಸೆಳೆದಿದೆ.

                   ಸಂಘದ ಪದಾಧಿಕಾರಿಗಳು ಮಾತನಾಡಿ, ರಾಜ್ಯದ ಹನ್ನೆರಡು ಸಾವಿರಕ್ಕೂ ಹೆಚ್ಚು ಶಾಲೆಗಳಲ್ಲಿ ನಡೆಯುತ್ತಿರುವ ಯೋಜನೆ ವ್ಯಾಪಾರದ ಸ್ವರೂಪದಲ್ಲಿಲ್ಲ. ಆದ್ದರಿಂದ ಹೋಟೆಲ್ ಮತ್ತು ರೆಸ್ಟೋರೆಂಟ್ ಕಾಯಿದೆ/ನಿಯಮಗಳ ವ್ಯಾಪ್ತಿಯ ಅಡಿಯಲ್ಲಿ ಒಳಗೊಳ್ಳುವುದಿಲ್ಲ. ಕೇಂದ್ರ ಸರ್ಕಾರವು ಮಾವೆಲಿಸ್ಟೋರ್ ಮೂಲಕ ಸರಬರಾಜು ಮಾಡುವ ಅಕ್ಕಿ ಮತ್ತು ಸರ್ಕಾರೇತರ ಸಂಸ್ಥೆಗಳಿಂದ ಪಡೆದ ತರಕಾರಿಗಳು, ಮಸಾಲೆಗಳು ಮತ್ತು ಅಡುಗೆ ಅನಿಲವನ್ನು ಬಳಸಲಾಗುತ್ತದೆ.

                ಶಾಲೆಗಳಿಗೆ ತಲುಪುವ ಆಹಾರ ಪದಾರ್ಥಗಳ ಗುಣಮಟ್ಟವನ್ನು ಮುಖ್ಯ ಶಿಕ್ಷಕರ ಏಕೈಕ ಜವಾಬ್ದಾರಿ ಎಂದು ಪರಿಗಣಿಸುವುದನ್ನು ಒಪ್ಪಿಕೊಳ್ಳುವುದಿಲ್ಲ ಎಂದು ಸಂಘವು ಹೇಳುತ್ತದೆ.

            ಆಹಾರ ಸುರಕ್ಷತೆ ಪರವಾನಿಗೆಯನ್ನು ಕಡ್ಡಾಯವಾಗಿ ತೆಗೆದುಕೊಳ್ಳುವಂತೆ ವಿವಿಧ ಜಿಲ್ಲೆಗಳ ಜಿಲ್ಲಾಧಿಕಾರಿಗಳಿಗೆ ಸೂಚಿಸಲಾಗಿದೆ. ನಿನ್ನೆ ತಾನೂರ ಉಪಜಿಲ್ಲೆಯ ಶಾಲೆಯೊಂದರಲ್ಲಿ ಲೈಸನ್ಸ್ ಇಲ್ಲದೇ ಇದ್ದ ಅಡುಗೆಯವರಿಗೆ ಐದು ಲಕ್ಷ ರೂಪಾಯಿ ದಂಡ ವಿಧಿಸಲಾಗಿದೆ.

           ಸಾರ್ವಜನಿಕ ಶಿಕ್ಷಣ ಇಲಾಖೆ ಯಾವುದೇ ನಿರ್ಧಾರ ಕೈಗೊಂಡಿಲ್ಲ ಮತ್ತು ಇಲಾಖಾ ಸೂಚನೆ ಅಥವಾ ಆದೇಶ ಬರುವವರೆಗೆ ಪರವಾನಗಿ ತೆಗೆದುಕೊಳ್ಳಬಾರದು ಎಂದು ಈ ಹಿಂದೆಯೇ ಸ್ಪಷ್ಟಪಡಿಸಲಾಗಿತ್ತು.

                   ಆದರೆ ಪರವಾನಿಗೆ ಇಲ್ಲದ ಕಾರಣ ಕ್ರಮ ಮುಂದುವರಿಸಲಾಗಿದೆ ಎನ್ನುತ್ತಾರೆ ಸಂಘದ ಪದಾಧಿಕಾರಿಗಳು. ಕೆಪಿಪಿಎಚ್‍ಎ ರಾಜ್ಯ ಪ್ರಧಾನ ಕಾರ್ಯದರ್ಶಿ ಜಿ.ಕೆ.ಪಿ. ಸುನೀಲ್ ಕುಮಾರ್, ಅಧ್ಯಕ್ಷ ಪಿ. ಕೃಷ್ಣಪ್ರಸಾದ್ ಈ ಬಗ್ಗೆ ಆಗ್ರಹಿಸಿರುವರು.