ಪಾಲಕ್ಕಾಡ್ ಯುವ ಕಾಂಗ್ರೆಸ್ ಮಾರ್ಚ್ ವೇಳೆ ಘರ್ಷಣೆ: ಪೋಲೀಸರ ಮೇಲೆ ಕಲ್ಲು ತೂರಾಟ, ಜಲಫಿರಂಗಿ ಪ್ರಯೋಗ

               ಪಾಲಕ್ಕಾಡ್/ಕೊಚ್ಚಿ: ಯುವ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ರಾಹುಲ್ ಮಂಕೂಟ್ ಬಂಧನ ಖಂಡಿಸಿ ಯುವ ಕಾಂಗ್ರೆಸ್ ಕಾರ್ಯಕರ್ತರು ಪ್ರತಿಭಟನೆ ನಡೆಸಿದರು.

                  ಪಾಲಕ್ಕಾಡ್ ಮತ್ತು ಎರ್ನಾಕುಳಂ ಜಿಲ್ಲೆಗಳಲ್ಲಿ ಶನಿವಾರ ಯುವ ಕಾಂಗ್ರೆಸ್ ಪ್ರತಿಭಟನೆಗಳನ್ನು ಆಯೋಜಿಸಿತ್ತು.

                  ಪಾಲಕ್ಕಾಡ್ ಎಸ್ಪಿ ಕಚೇರಿಗೆ ಯುವ ಕಾಂಗ್ರೆಸ್ ಮೆರವಣಿಗೆ ನಡೆಸಿತು. ಈ ವೇಳೆ ಜಮಾಯಿಸಿದ ಯುವ ಕಾಂಗ್ರೆಸ್ ಕಾರ್ಯಕರ್ತರು ಪೋಲೀಸರ ಮೇಲೆ ಕಲ್ಲು ತೂರಾಟ ನಡೆಸಿದರು. ಬ್ಯಾರಿಕೇಡ್ ಮುರಿಯಲು ಯತ್ನಿಸಿದಾಗ ಪೋಲೀಸರು ಜಲಫಿರಂಗಿ ಪ್ರಯೋಗಿಸಿದರು. ಆ ನಂತರವೂ ಚದುರಿಕೊಳ್ಳದೆ ರಸ್ತೆಯಲ್ಲೇ ಕುಳಿತು ಪ್ರತಿಭಟನೆ ನಡೆಸಿದ ಯುವ ಕಾಂಗ್ರೆಸ್ ಸದಸ್ಯರನ್ನು ಪೋಲೀಸರು ಬಂಧಿಸಿ ಬಿಡುಗಡೆಗೊಳಿಸಿದರು. .            

               ಶುಕ್ರವಾರ ಯುವ ಕಾಂಗ್ರೆಸ್ ನಡೆಸಿದ ಕ್ಲಿಫ್ ಹೌಸ್ ಮೆರವಣಿಗೆಯಲ್ಲೂ ಉದ್ವಿಗ್ನತೆ ಉಂಟಾಗಿತ್ತು. ಸೆಕ್ರೆಟರಿಯೇಟ್ ಮಾರ್ಚ್ ವೇಳೆ ನಡೆದ ಹಿಂಸಾಚಾರಕ್ಕೆ ಸಂಬಂಧಿಸಿದಂತೆ ಯುವ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ರಾಹುಲ್ ಮಂಕೂತ್ತಿಲ್ ಅವರನ್ನು ಬಂಧಿಸಿರುವುದನ್ನು ವಿರೋಧಿಸಿ ಯುವ ಕಾಂಗ್ರೆಸ್ ಮೆರವಣಿಗೆ ನಡೆಸುತ್ತಿದೆ.

             11 ರಿಂದ 15 ರವರೆಗೆ ರಾಜ್ಯದಲ್ಲಿ ಪ್ರತಿಭಟನೆ ನಡೆಸುವುದಾಗಿ ಯುಡಿಎಫ್ ಯುವ ಸಂಘಟನೆಗಳ ಒಕ್ಕೂಟವಾದ ಯುಡಿವೈಎಫ್ ಘೋಷಿಸಿದೆ. 15ರಂದು ಯುಡಿವೈಎಫ್ ಸಭೆ ನಡೆಸಿ ಮುಂದಿನ ಮುಷ್ಕರ ಕಾರ್ಯಕ್ರಮಗಳನ್ನು ಯೋಜಿಸಲಿದೆ.  ಕಣ್ಣೂರಿನಲ್ಲಿ ನಡೆದ ಯುವ ಕಾಂಗ್ರೆಸ್ ಮೆರವಣಿಗೆ ವೇಳೆ ಮಹಿಳಾ ಕಾರ್ಯಕರ್ತೆಯ ಮೇಲೆ ಪೋಲೀಸರು ದೌರ್ಜನ್ಯ ನಡೆಸಿರುವುದು ಚರ್ಚೆಗೆ ಗ್ರಾಸವಾಗಿದೆ. ಯುವ ಕಾಂಗ್ರೆಸ್ ಅಜಿಕೋಡ್ ಬ್ಲಾಕ್ ಕಾರ್ಯದರ್ಶಿ ರಿಯಾ ನಾರನ್ ಅವರ ಬಟ್ಟೆ ಹರಿದು ಕೂದಲು ಎಳೆದ ಆರೋಪ ಕೇಳಿಬಂದಿದೆ.