ಲೋಕಸಭೆ ಚುನಾವಣೆ: ಉ. ಪ್ರದೇಶದಲ್ಲಿ ದಾಖಲೆಯಿಲ್ಲದ ₹ 58.32 ಲಕ್ಷ ವಶ, ಮೂವರ ಬಂಧನ

        ಮುಜಾಫರ್‌ನಗರ: ಮುಂಬರುವ ಲೋಕಸಭೆ ಚುನಾವಣೆ ವೇಳೆ ಬಳಸಲು ಉದ್ದೇಶಿಸಿದ್ದ ₹ 58.32 ಲಕ್ಷ ನಗದನ್ನು ಇಲ್ಲಿನ ರೈಲು ನಿಲ್ದಾಣದಲ್ಲಿ ವಶಕ್ಕೆ ಪಡೆಯಲಾಗಿದ್ದು, ಈ ಸಂಬಂಧ ಮೂವರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

           ಇದೇ ವರ್ಷ ನಡೆಯಲಿರುವ ಲೋಕಸಭೆ ಚುನಾವಣೆ ಹಿನ್ನೆಲೆಯಲ್ಲಿ, ದಾಖಲೆ ಇಲ್ಲದ ಹಣದ ತಪಾಸಣೆಯನ್ನು ಪೊಲೀಸರು ಈಗಾಗಲೇ ಆರಂಭಿಸಿದ್ದಾರೆ ಎಂದು ಮುಜಾಫರ್‌ನಗರ ಎಸ್‌ಪಿ ಸತ್ಯನಾರಾಯಣ್‌ ಪ್ರಜಾಪತ್‌ ಹೇಳಿದ್ದಾರೆ.

              ಇಲ್ಲಿನ ರೈಲು ನಿಲ್ದಾಣದಲ್ಲಿ ತಪಾಸಣೆ ನಡೆಸುವ ವೇಳೆ ಭಾರಿ ಪ್ರಮಾಣದ ನಗದನ್ನು ವಶಕ್ಕೆ ಪಡೆಯಲಾಗಿದೆ. ಪ್ರಕರಣದ ವಿಚಾರಣೆಯನ್ನು ಆದಾಯ ತೆರಿಗೆ ಇಲಾಖೆಗೆ ಒಪ್ಪಿಸಲಾಗಿದೆ ಎಂದೂ ಅವರು ಮಾಹಿತಿ ನೀಡಿದ್ದಾರೆ.