ಫಾಸ್ಟ್ಯಾಗ್ ಇ-ಕೆವೈಸಿ ಅಪ್‌ಡೇಟ್ ಗಡುವು ವಿಸ್ತರಣೆ: ಲಾಗಿನ್​ ಆಗುವುದು ಹೀಗೆ ನೋಡಿ

        ನವದೆಹಲಿ: ಫಾಸ್ಟ್ಯಾಗ್ ಇ-ಕೆವೈಸಿ ಪೂರ್ಣಗೊಳಿಸುವ ಗಡುವನ್ನು ಇನ್ನೊಂದು ತಿಂಗಳು ವಿಸ್ತರಿಸಲು ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್‌ಎಚ್‌ಎಐ) ನಿರ್ಧರಿಸಿದೆ.

           ಫೆ.29ರವರೆಗೆ ಈ ಪ್ರಕ್ರಿಯೆ ಪೂರ್ಣಗೊಳಿಸಲು ಅವಕಾಶ ನೀಡಲಾಗಿದೆ ಎಂದು ಹೇಳಲಾಗಿದೆ. ನಿಗದಿತ ದಿನಾಂಕದ ನಂತರ ಇ-ಕೆವೈಸಿ ಅನ್ನು ನಿಷ್ಕ್ರಿಯಗೊಳಿಸಲಾಗುವುದು ಎಂದು ಸ್ಪಷ್ಟಪಡಿಸಲಾಗಿದೆ.
            ಇ-ಕೆವೈಸಿ ಯನ್ನು ಫಾಸ್ಟ್ಯಾಗ್ ವೆಬ್‌ಸೈಟ್ ಮತ್ತು ರಾಷ್ಟ್ರೀಯ ಎಲೆಕ್ಟ್ರಾನಿಕ್ ಟೋಲ್ ಕಲೆಕ್ಷನ್ (ಎನ್​ಇಟಿಸಿ) ವೆಬ್‌ಸೈಟ್ ಮೂಲಕ ಮಾಡಬಹುದು. ಈ ಹಿಂದೆ ಜನವರಿ 31ರವರೆಗೆ ಗಡುವು ನೀಡಲಾಗಿತ್ತು ಎಂದು ತಿಳಿದುಬಂದಿದೆ.

ಫಾಸ್ಟ್ಯಾಗ್ ಇ-ಕೆವೈಸಿ ಮಾಡುವುದು ಹೀಗೆ…

• ಫಾಸ್ಟ್ಯಾಗ್ ಇ-ಕೆವೈಸಿ ಸ್ಥಿತಿಯನ್ನು ತಿಳಿಯಲು ವೆಬ್‌ಸೈಟ್‌ಗಳ ಲಿಂಕ್ ಅನ್ನು ಕ್ಲಿಕ್ ಮಾಡಿ.

• ಮೊಬೈಲ್ ಸಂಖ್ಯೆ, ಪಾಸ್‌ವರ್ಡ್ ಅಥವಾ ಓಟಿಪಿ ನಮೂದಿಸುವ ಮೂಲಕ ಲಾಗಿನ್ ಮಾಡಿ.

• ಡ್ಯಾಶ್‌ಬೋರ್ಡ್‌ಗೆ ಹೋಗಿ ಮತ್ತು 'ನನ್ನ ಪ್ರೊಫೈಲ್' ಆಯ್ಕೆಯನ್ನು ಆರಿಸಿ. ನಿಮ್ಮ ಕೆವೈಸಿ ಸ್ಥಿತಿ ಅಲ್ಲಿ ಕಾಣಿಸುತ್ತದೆ.

• ಕೆವೈಸಿ ಪೂರ್ಣಗೊಳ್ಳದಿದ್ದರೆ ಕೇಳಲಾದ ವಿವರಗಳನ್ನು ಸಲ್ಲಿಸಬೇಕು ಮತ್ತು ಪ್ರಕ್ರಿಯೆಗೊಳಿಸಬೇಕು.

• ಮೊಬೈಲ್ ಸಂಖ್ಯೆಯನ್ನು ಎನ್​ಎಚ್​ಎಐ ನಲ್ಲಿ ನೋಂದಾಯಿಸದಿದ್ದರೆ.. 'ಮೈ ಫಾಸ್ಟ್ಯಾಗ್ ' ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿ ಅದರಲ್ಲಿ ನೋಂದಾಯಿಸಿಕೊಳ್ಳಬೇಕು.

• ಬ್ಯಾಂಕ್‌ಗಳು ನೀಡಿದ ಫಾಸ್ಟ್‌ಟ್ಯಾಗ್‌ಗಳ ಸಂದರ್ಭದಲ್ಲಿ, ಒಬ್ಬರು ಶಾಖೆಗೆ ಹೋಗಿ ಮೊಬೈಲ್ ಸಂಖ್ಯೆಯನ್ನು ನೋಂದಾಯಿಸಿಕೊಳ್ಳಬೇಕು. ಅದರ ನಂತರ ಕೆವೈಸಿ ಅನ್ನು ಪೂರ್ಣಗೊಳಿಸಬೇಕು.