ನವದೆಹಲಿ: ತೀವ್ರ ಆರ್ಥಿಕ ಮುಗ್ಗಟ್ಟಿನಿಂದ ಬಳಲುತ್ತಿರುವ ಕೇರಳಕ್ಕೆ ಕೇಂದ್ರದ ನೆರವು ಲಭಿಸಿದೆ. ಸುಪ್ರಿಂ ಕೋರ್ಟ್ ಪ್ರಕರಣದ ವಿಚಾರಣೆ ನಡೆಯುತ್ತಿರುವಾಗಲೇ ಕೇಂದ್ರ ಸರ್ಕಾರ 13,600 ಕೋಟಿ ಸಾಲ ಪಡೆಯಲು ರಾಜ್ಯಕ್ಕೆ ಅನುಮತಿ ನೀಡಿದೆ.
ಕೇರಳದ ಪರ ವಾದ ಮಂಡಿಸಿದ ವಕೀಲ ಕಪಿಲ್ ಸಿಬಲ್, ಕೇಂದ್ರವು ಪ್ರಸ್ತಾಪಿಸಿರುವ 13,600 ಕೋಟಿ ರೂ. ಕೇರಳಕ್ಕೆ ಸ್ವೀಕಾರಾರ್ಹವಾಗಿದೆ, ಆದರೆ ಇನ್ನೂ 15,000 ಕೋಟಿ ರೂ. ಬೇಕಾಗಲಿದೆ. ಉಳಿದ ಮೊತ್ತವನ್ನು ಚರ್ಚಿಸುವಂತೆ ಕೇಂದ್ರ ಮತ್ತು ಕೇರಳಕ್ಕೆ ನ್ಯಾಯಾಲಯ ಸೂಚಿಸಿದೆ.
ತೀವ್ರ ಆರ್ಥಿಕ ಬಿಕ್ಕಟ್ಟು ಇದೆ ಎಂದು ಕೇರಳ ಸುಪ್ರೀಂ ಕೋರ್ಟ್‍ಗೆ ತಿಳಿಸಿದೆ. ಪಿಂಚಣಿ, ತುಟ್ಟಿಭತ್ಯೆ, ಸವಲತ್ತು ಇತ್ಯಾದಿ ನೀಡಲು ಹಣವಿಲ್ಲ. ಓವರ್ ಡ್ರಾಫ್ಟ್ ಮಾಡುವ ಪರಿಸ್ಥಿತಿ ಇದೆ. ತಮ್ಮ ಬಳಿ ಸಂಬಳ ನೀಡಲು ಮಾತ್ರ ಹಣವಿದೆ ಎಂದು ಕೇರಳ ತಿಳಿಸಿದೆ. ಕೇರಳದ ಆರ್ಥಿಕ ಬಿಕ್ಕಟ್ಟನ್ನು ಪರಿಹರಿಸುವ ಬಗ್ಗೆ ಪರಿಗಣಿಸಲು ನ್ಯಾಯಾಲಯ ಸೂಚಿಸಿದೆ ಮತ್ತು ಅರ್ಜಿ ಸಲ್ಲಿಸುವುದು ಪ್ರತಿಯೊಬ್ಬರ ಹಕ್ಕು ಎಂದು ಗಮನಿಸಿತು.
ಸಾಲದ ಮಿತಿಯಲ್ಲಿ ಮಧ್ಯಪ್ರವೇಶಿಸಬಾರದು ಎಂದು ಕೇಂದ್ರವು ಸುಪ್ರೀಂ ಕೋರ್ಟ್‍ಗೆ ಮನವಿ ಮಾಡಿದೆ. ಕೇರಳದ ಅರ್ಜಿಯಲ್ಲಿನ ಎಲ್ಲಾ ಬೇಡಿಕೆಗಳನ್ನು ಇತ್ಯರ್ಥಗೊಳಿಸಲು ಸಮಯ ತೆಗೆದುಕೊಳ್ಳುತ್ತದೆ ಎಂದು ನ್ಯಾಯಾಲಯ ಹೇಳಿದೆ. ಇದರಲ್ಲಿ ನ್ಯಾಯಾಲಯ ಎಷ್ಟು ಹಸ್ತಕ್ಷೇಪ ಮಾಡಬಹುದು ಎಂಬುದನ್ನು ಪರಿಶೀಲಿಸಲಾಗುವುದು. ಕೇರಳ ಮತ್ತು ಕೇಂದ್ರದ ವಿತ್ತೀಯ ಕೊರತೆಯನ್ನು ಹೋಲಿಕೆ ಮಾಡಲು ಸಾಧ್ಯವಿಲ್ಲ ಎಂದು ಕೇಂದ್ರ ಸ್ಪಷ್ಟಪಡಿಸಿದೆ. ಎರಡೂ ಬೇರೆ ಬೇರೆ. ಚರ್ಚೆಯಲ್ಲಿ ಕೇಂದ್ರ ಸಕಾರಾತ್ಮಕ ನಿಲುವು ತಳೆದಿದೆ.
DOCTYPE html>
