ಹಫ್ತಾ ವಸೂಲಿ ಆರೋಪ: ರಾಹುಲ್‌ಗೆ 1,600 ಕೋಟಿ ರೂ. ಎಲ್ಲಿಂದ ಬಂತು- ಅಮಿತ್ ಶಾ ಪ್ರಶ್ನೆ

         ನವದೆಹಲಿ: ಚುನಾವಣಾ ಬಾಂಡ್ ಗಳನ್ನು 'ಹಫ್ತಾ ವಸೂಲಿ' ಎಂದು ಕರೆಯುತ್ತಿರುವ ರಾಹುಲ್ ಗಾಂಧಿ 1,600 ಕೋಟಿ ರೂ.ಗಳನ್ನು ಎಲ್ಲಿಂದ ಪಡೆದರು ಎಂಬುದನ್ನು ಸ್ಪಷ್ಟಪಡಿಸಬೇಕಾಗಿದೆ ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಕೇಳಿದ್ದಾರೆ.

           ಚುನಾವಣಾ ಬಾಂಡ್ ಗಳ ಮೂಲಕ ಗಾಂಧಿ ಅವರಿಗೂ 1,600 ಕೋಟಿ ರೂ. ಬಂದಿದೆ. ಆ 'ಹಫ್ತಾ ವಸೂಲಿ' ಅವರು ಎಲ್ಲಿಂದ ಪಡೆದರು ಎಂಬುದನ್ನು ಅವರು ಸ್ಪಷ್ಟಪಡಿಸಬೇಕು. ಇದು ಪಾರದರ್ಶಕ ದೇಣಿಗೆ ಎಂದು ನಾವು ಪ್ರತಿಪಾದಿಸುತ್ತೇವೆ, ಆದರೆ ಅವರು ಅದನ್ನು ವಸೂಲಿ ಎಂದು ಹೇಳುವುದಾದರೆ ಅವರು ವಿವರಗಳನ್ನು ನೀಡಬೇಕು ಎಂದು ಷಾ ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡಿದ ವೀಡಿಯೊದಲ್ಲಿ ಹೇಳಿದ್ದಾರೆ.

             ಚುನಾವಣಾ ಬಾಂಡ್‌ಗಳನ್ನು ರದ್ದುಪಡಿಸುವ ಬದಲು ಸುಧಾರಣೆಗಳು ಇರಬೇಕು ಎಂದು ನಾನು ನಂಬುತ್ತೇನೆ, ಆದರೆ ಸುಪ್ರೀಂಕೋರ್ಟ್ ತನ್ನ ತೀರ್ಪು ನೀಡಿರುವುದರಿಂದ ಅದು ಯಾವುದೇ ಮಹತ್ವವನ್ನು ಹೊಂದಿಲ್ಲ, ನಾನು ಅದನ್ನು ಗೌರವಿಸುತ್ತೇನೆ" ಎಂದು ಅವರು ಹೇಳಿದರು.