ಉದ್ಯೋಗ ಖಾತ್ರಿ ಕೂಲಿ ಹೆಚ್ಚಳ: ಕೇರಳಕ್ಕೆ 195 ಕೋಟಿಗೂ ಅಧಿಕ ಮೊತ್ತ

                  ಕೊಲ್ಲಂ: ಮಹಾತ್ಮಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯಡಿ ಕಾರ್ಮಿಕರ ಕೂಲಿಯನ್ನು ಹೆಚ್ಚಿಸಲಾಗಿದ್ದು, ಕಾರ್ಮಿಕ ಬಜೆಟ್‍ನಲ್ಲಿ ಗುರಿ ಸಾಧಿಸಿದರೆ ಕೇರಳಕ್ಕೆ 195 ಕೋಟಿ ರೂ.ಲಭಿಸಲಿದೆ. ಕೇರಳಕ್ಕೆ ಶೇ.13ರಷ್ಟು ಏರಿಕೆಯಾಗಿದ್ದು, ಕೇರಳದಲ್ಲಿ ದಿನಗೂಲಿ 333ರಿಂದ 346ಕ್ಕೆ ಏರಿಕೆಯಾಗಿದೆ.

                  2021-22ರ ಸಾಮಾಜಿಕ ಲೆಕ್ಕ ಪರಿಶೋಧನೆಯಲ್ಲಿ ಕೇರಳದಲ್ಲಿ 10.38 ಕೋಟಿ ಕೆಲಸದ ದಿನಗಳಿವೆ. ಕಾರ್ಮಿಕ ಬಜೆಟ್ ನಲ್ಲಿ ಕೇರಳ 15 ಕೋಟಿ ಕೆಲಸದ ದಿನದ ಗುರಿ ತಲುಪಿದರೆ ಹೆಚ್ಚುವರಿಯಾಗಿ 195 ಕೋಟಿ ರೂ.ಲಭಿಸಲಿದೆ.

               ಆದರೆ, ಕೆಲಸದ ದಿನಗಳಲ್ಲಿ ಕೇರಳ ಹಿಂದುಳಿದಿದೆ. 941 ಗ್ರಾಮ ಪಂಚಾಯಿತಿಗಳಲ್ಲಿ 15,962 ವಾರ್ಡ್‍ಗಳಿವೆ. 2021-22ರಲ್ಲಿ 16.41 ಲಕ್ಷ ಜನರಿಗೆ ಉದ್ಯೋಗ ದೊರೆತಿದೆ. ಈ ಪೈಕಿ 5.12 ಲಕ್ಷ ಮಂದಿ ಮಾತ್ರ 100 ದಿನಗಳನ್ನು ಪೂರೈಸಿದ್ದಾರೆ.

              ಕಳೆದ ಆರ್ಥಿಕ ವರ್ಷದಲ್ಲಿ ಕೇಂದ್ರ ಸರ್ಕಾರ ಉದ್ಯೋಗ ಖಾತ್ರಿ ಯೋಜನೆಯಡಿ ಕೇರಳಕ್ಕೆ 4000 ಕೋಟಿ ರೂಪಾಯಿ ನೀಡಿತ್ತು. ರಾಜ್ಯದ ಪಾಲು 250 ಕೋಟಿ ಮಾತ್ರ.

             ಕೇರಳ ಸಾಮಾಜಿಕ ಲೆಕ್ಕ ಪರಿಶೋಧನಾ ಸೊಸೈಟಿಯ ವರದಿಯು ಕೇರಳದಲ್ಲಿ ಉದ್ಯೋಗ ಖಾತರಿ ಯೋಜನೆಯ ಹೆಸರಿನಲ್ಲಿ ಗಂಭೀರ ಅಕ್ರಮಗಳನ್ನು ಕಂಡುಹಿಡಿದಿದೆ. ಇದರೊಂದಿಗೆ ಕೇಂದ್ರ ಸರ್ಕಾರ ಕೆಲವು ನಿಬರ್ಂಧಗಳನ್ನು ತಂದಿದೆ. ಅವ್ಯವಸ್ಥೆಯನ್ನು ತಪ್ಪಿಸುವುದು ಕೇಂದ್ರದ ಉದ್ದೇಶವಾಗಿದೆ.

               ಕೆಲಸದ ದಿನಗಳು ಅಥವಾ ಕಾರ್ಮಿಕರ ಮೇಲೆ ಪರಿಣಾಮ ಬೀರದ ಸಲಹೆಗಳನ್ನು ನೀಡಲಾಗಿದೆ. ಆದರೆ ಕೇಂದ್ರ ಸರ್ಕಾರ ಕೆಲಸದ ದಿನಗಳನ್ನು ಕಡಮೆ ಮಾಡುತ್ತಿದೆ ಎಂದು ಸಿಪಿಎಂ ಅಪಪ್ರಚಾರ ಮಾಡಿತ್ತು.