ಕೆಲ ದಿನಗಳಲ್ಲಿಯೇ 58%ರವರೆಗೂ ಕುಸಿದ ಮಿಡ್​ ಕ್ಯಾಪ್​ ಷೇರುಗಳು: ಸ್ಟಾಕ್​ ದರ ಕುಸಿದಾಗಲೇ ಹೂಡಿಕೆ ಮಾಡುವುದು ಉತ್ತಮ ತಂತ್ರಗಾರಿಕೆ

             ಮುಂಬೈ: ಕಳೆದ ಫೆಬ್ರುವರಿ ತಿಂಗಳಲ್ಲಿ ಮಿಡ್‌ಕ್ಯಾಪ್‌ಗಳಲ್ಲಿ ಪ್ರಚಂಡ ಏರುಗತಿ ಕಂಡುಬಂದಿತು, ಇದರಲ್ಲಿ ಕೆಲವು ಷೇರುಗಳು ಅತಿ ವೇಗವಾಗಿ ಏರಿದವು, ಆದರೆ, ಮಾರ್ಚ್​ ತಿಂಗಳಲ್ಲಿ ಮಿಡ್‌ಕ್ಯಾಪ್‌ಗಳಲ್ಲಿ ಕುಸಿತ ಕಂಡುಬಂದಿದೆ. ಕೆಲವು ಷೇರುಗಳು ಬೆಲೆಯು ಅದರ ಗರಿಷ್ಠ ಮಟ್ಟ ಬೆಲೆಗಿಂತ 50 ಪ್ರತಿಶತಕ್ಕಿಂತ ಹೆಚ್ಚು ಕುಸಿತ ಕಂಡಿವೆ.

              ಬೆಲೆ ಕುಸಿದಾಗಲೇ ಷೇರುಗಳಲ್ಲಿ ಹೂಡಿಕೆ ಮಾಡುವುದು ಸಾಮಾನ್ಯ ತಂತ್ರವಾಗಿದೆ. ಹೀಗಾಗಿ, ಮಿಡ್​ ಕ್ಯಾಪ್​ಗಳಲ್ಲಿನ ಈ ಭಾರೀ ಕುಸಿತವು ಹೂಡಿಕೆದಾರರಿಗೆ ಹೂಡಿಕೆ ಮಾಡಲು ಬಹುದೊಡ್ಡ ಅವಕಾಶ ಸೃಷ್ಟಿಸಿದೆ. ಸೂಕ್ತವಾದ ಷೇರುಗಳನ್ನು ಆಯ್ಕೆ ಮಾಡಿಕೊಂಡು ಹಣ ತೊಡಗಿಸಿದರೆ ಮುಂದಿನ ದಿನಗಳಲ್ಲಿ ಲಾಭ ಗ್ಯಾರಂಟಿ.

             ನಿಫ್ಟಿ ಮಿಡ್‌ಕ್ಯಾಪ್ 100 ಸೂಚ್ಯಂಕದ ವ್ಯಾಪ್ತಿಯಲ್ಲಿರುವ 2-3 ಸ್ಟಾಕ್‌ಗಳು 50% ಕ್ಕಿಂತ ಹೆಚ್ಚು ಕುಸಿತ ದಾಖಲಿಸಿವೆ, 9 ಸ್ಟಾಕ್‌ಗಳು 30-50% ನಡುವೆ ಕುಸಿದಿವೆ, ಆದರೆ. 27 ಷೇರುಗಳು 20-29% ಮತ್ತು 53 ಷೇರುಗಳ 10-19% ಕುಸಿದಿವೆ.

                52 ವಾರಗಳ ಗರಿಷ್ಠ ಬೆಲೆ ಮಟ್ಟದಿಂದ ಹೆಚ್ಚು ಕುಸಿದಿರುವ 10 ಮಿಡ್‌ಕ್ಯಾಪ್ ಷೇರುಗಳ ಪಟ್ಟಿ ಇಲ್ಲಿದೆ.

1) ಪೇಟಿಎಂ (Paytm): ಪೆಟಿಎಂನ ಮೂಲಕ ಕಂಪನಿಯಾದ One 97 Communications Ltd ನ ಷೇರುಗಳು ತಮ್ಮ 52 ವಾರಗಳ ಗರಿಷ್ಠ ಮಟ್ಟದಿಂದ 58% ರಷ್ಟು ಕುಸಿದಿವೆ.

2) ಝೀ ಎಂಟರ್‌ಟೈನ್‌ಮೆಂಟ್ ಎಂಟರ್‌ಪ್ರೈಸಸ್ ಲಿಮಿಟೆಡ್: Zee ಎಂಟರ್‌ಟೈನ್‌ಮೆಂಟ್‌ನ ಷೇರುಗಳ ಬೆಲೆ 52 ವಾರಗಳ ಗರಿಷ್ಠ ಮಟ್ಟದಿಂದ 53% ರಷ್ಟು ಕುಸಿದಿವೆ.

3) ನವೀನ್ ಫ್ಲೋರಿನ್ ಇಂಟರ್ನ್ಯಾಷನಲ್ ಲಿಮಿಟೆಡ್: 52 ವಾರಗಳ ಗರಿಷ್ಠ ಬೆಲೆ ಮಟ್ಟದಿಂದ 40% ಕುಸಿದಿವೆ.

4) ಬಂಧನ್ ಬ್ಯಾಂಕ್ ಲಿಮಿಟೆಡ್: ಬಂಧನ್ ಬ್ಯಾಂಕ್ ಷೇರುಗಳ ಬೆಲೆ 52 ವಾರಗಳ ಗರಿಷ್ಠ ಬೆಲೆ ಮಟ್ಟದಿಂದ 35% ಕುಸಿದಿವೆ.

5) AU ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಲಿಮಿಟೆಡ್: AU SFB ಷೇರುಗಳು ತಮ್ಮ 52 ವಾರಗಳ ಗರಿಷ್ಠದಿಂದ 31% ಕುಸಿದಿವೆ.

6) ದೇವಯಾನಿ ಇಂಟರ್‌ನ್ಯಾಶನಲ್ ಲಿ: ದೇವಯಾನಿ ಇಂಟರ್‌ನ್ಯಾಶನಲ್ ಲಿಮಿಟೆಡ್‌ನ ಷೇರುಗಳ ಬೆಲೆ 52 ವಾರಗಳ ಗರಿಷ್ಠ ಮಟ್ಟದಿಂದ 31% ಕುಸಿದಿವೆ.

7) ಇಂಡಿಯನ್ ರೈಲ್ವೇ ಫೈನಾನ್ಸ್ ಕಾರ್ಪೊರೇಷನ್ ಲಿಮಿಟೆಡ್: IRFC ಷೇರುಗಳು ತಮ್ಮ 52 ವಾರಗಳ ಗರಿಷ್ಠ ಬೆಲೆ ಮಟ್ಟದಿಂದ 31% ಕುಸಿದಿವೆ.

8) ರಾಷ್ಟ್ರೀಯ ಇಸ್ಪತ್ ನಿಗಮ್ ಲಿ.: RINL ನ ಷೇರು ಬೆಲೆಯು ಅದರ 52 ವಾರಗಳ ಗರಿಷ್ಠ ಮಟ್ಟದಿಂದ 31% ಕುಸಿದಿದೆ.

9) ವೊಡಾಫೋನ್ ಐಡಿಯಾ ಲಿಮಿಟೆಡ್: ವೊಡಾಫೋನ್ ಐಡಿಯಾ ಷೇರುಗಳು ತಮ್ಮ 52 ವಾರಗಳ ಗರಿಷ್ಠ ಬೆಲೆ ಮಟ್ಟದಿಂದ 31% ಕುಸಿದಿವೆ.

10) ಫರ್ಟಿಲೈಸರ್ಸ್ ಎಂಡ್ ಕೆಮಿಕಲ್ಸ್ ಟ್ರಾವಂಕೂರ್ ಲಿ: FACT ಷೇರುಗಳು ತಮ್ಮ 52 ವಾರಗಳ ಗರಿಷ್ಠ ಬೆಲೆ ಮಟ್ಟದಿಂದ 30% ಕುಸಿದಿವೆ.