ಚುನಾವಣೆ ಸೋಲುವ ಭಯ: ಕರಿಯವಟ್ಟಂ ಕ್ಯಾಂಪಸ್‍ನಲ್ಲಿ ಎಬಿವಿಪಿ ಕಾರ್ಯಕರ್ತನಿಗೆ ಥಳಿತ

               ತಿರುವನಂತಪುರಂ: ಕರಿಯವಟ್ಟಂ ವಿಶ್ವವಿದ್ಯಾಲಯದ ಕ್ಯಾಂಪಸ್‍ನಲಿ ಎಬಿವಿಪಿ ಕಾರ್ಯಕರ್ತನಿಗೆ ಎಸ್‍ಎಫ್‍ಐ ತಂಡ ಅಮಾನುಷವಾಗಿ ಥಳಿಸಿದ ಘಟನೆ ನಡೆದಿದೆ. ಎಬಿವಿಪಿ ಕಾರ್ಯಕರ್ತ ಆದಿತ್ಯನಿಗೆ ಥಳಿಸಲಾಗಿದೆ.

              ನಾಳೆ ನಡೆಯಲಿರುವ ವಿ.ವಿ. ಚುನಾವಣೆಯಲ್ಲಿ ಸೋಲಿನ ಭೀತಿಯಿಂದ ಎಸ್‍ಎಫ್‍ಐ ಹಿಂಸಾಚಾರ ಎಸಗಿದೆ. ನಾಳೆಯ ಚುನಾವಣೆಯನ್ನು ಮುಂದೂಡುವಂತೆ ಎಬಿವಿಪಿ  ವಿಸಿ ಮತ್ತು ರಿಜಿಸ್ಟ್ರಾರ್‍ಗೆ ಪತ್ರ ಕಳುಹಿಸಿದೆ.

              ಎಬಿವಿಪಿಯಿಂದ ಚುನಾವಣೆಗೆ ಸ್ಪರ್ಧಿಸಿರುವ ಆದಿತ್ಯ ಅವರನ್ನು ಹಾಸ್ಟೆಲ್‍ನಲ್ಲಿ ಎಸ್‍ಎಫ್‍ಐ ಕಾರ್ಯಕರ್ತರು ಥಳಿಸಿದ್ದಾರೆ. ಎಸ್‍ಎಫ್‍ಐ ಘಟಕದ ಕಾರ್ಯದರ್ಶಿ ಅಜಿಂತ್ ಅಜಯ್ ಮತ್ತು ಘಟಕದ ಅಧ್ಯಕ್ಷ ಅಭಿಜಿತ್ ಕೆಕೆ ನೇತೃತ್ವದ ಗುಂಪು ಎಬಿವಿಪಿ ಸ್ಥಾಪಿಸಿದ್ದ ಧ್ವಜಗಳು ಮತ್ತು ಬ್ಯಾನರ್‍ಗಳನ್ನು ಎಸೆದು ಕಾರ್ಯಕರ್ತರ ಮೇಲೆ ಹಿಂಸಾಚಾರವನ್ನು ನಡೆಸಿತು. 15 ವರ್ಷಗಳ ನಂತರ ಎಬಿವಿಪಿ ಕ್ಯಾಂಪಸ್‍ನಲ್ಲಿ ಘಟಕ ಸ್ಥಾಪಿಸಿ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿತ್ತಿದೆ. 

     ಕೇರಳ ವಿಶ್ವವಿದ್ಯಾನಿಲಯದ ರಿಜಿಸ್ಟ್ರಾರ್ ಚುನಾವಣೆಯ ಜವಾಬ್ದಾರಿಯನ್ನು ಹೊತ್ತಿದ್ದಾರೆ. ಎಬಿವಿಪಿ ದೂರು ನೀಡಿದರೂ ಹಿಂಸಾಚಾರ ಎಸಗಿದವರ ವಿರುದ್ಧ ಕ್ರಮ ಕೈಗೊಳ್ಳಲು ರಿಜಿಸ್ಟ್ರಾರ್ ಸಿದ್ಧರಿಲ್ಲ ಎಂದು ದೂರಲಾಗಿದೆ.