ನರೇಗಾ ಕಾರ್ಮಿಕರ ದಿನಗೂಲಿ ಹೆಚ್ಚಿಸಿದ ಕೇಂದ್ರ ಸರ್ಕಾರ; ಯಾವ ರಾಜ್ಯದಲ್ಲಿ ವೇತನವನ್ನು ಎಷ್ಟು ಹೆಚ್ಚಿಸಲಾಗಿದೆ?

            ಮುಂಬೈ: ಕೇಂದ್ರ ಸರ್ಕಾರ ಮಹಾತ್ಮಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯ ಅಡಿಯಲ್ಲಿ ಕಾರ್ಮಿಕರ ದಿನಗೂಲಿ ವೇತನವನ್ನು ಹೆಚ್ಚಿಸಲು ಘೋಷಿಸಿದೆ. 2024-25 ನೇ ಹಣಕಾಸು ವರ್ಷಕ್ಕೆ MNREGA ಅಡಿಯಲ್ಲಿ ಕೌಶಲ್ಯರಹಿತ ಕಾರ್ಮಿಕರಿಗೆ ಸರ್ಕಾರವು ಹೊಸ ವೇತನ ದರ ಬಿಡುಗಡೆ ಮಾಡಿದೆ.

              ಇದರ ಅಡಿಯಲ್ಲಿ, ಗೋವಾದಲ್ಲಿ ಗರಿಷ್ಠ ವೇತನವನ್ನು ಹೆಚ್ಚಿಸಲಾಗಿದೆ.

            ಗೋವಾದಲ್ಲಿ ಪ್ರಸ್ತುತ ಕೂಲಿ ದರದ ಮೇಲೆ ಗರಿಷ್ಠ ಶೇಕಡ 10.56 ರಷ್ಟು ಹೆಚ್ಚಳವಾಗಿದೆ. ಹೆಚ್ಚು ಜನಸಂಖ್ಯೆ ಹೊಂದಿರುವ ರಾಜ್ಯ ಉತ್ತರ ಪ್ರದೇಶವು ಕನಿಷ್ಠ 3.04 ಶೇಕಡ ಹೆಚ್ಚಳವನ್ನು ಕಂಡಿದೆ. ಉತ್ತರಾಖಂಡದಲ್ಲೂ 3.04ರಷ್ಟು ಹೆಚ್ಚಳವಾಗಿದೆ. ಈ ಹೊಸ ವೇತನ ದರಗಳು ಏಪ್ರಿಲ್ 1, 2024 ರಿಂದ ಜಾರಿಗೆ ಬರುತ್ತವೆ.

8 ರಾಜ್ಯಗಳಲ್ಲಿ ಶೇ.5ಕ್ಕಿಂತ ಕಡಿಮೆ ಹೆಚ್ಚಳ

                 8 ರಾಜ್ಯಗಳಲ್ಲಿ ಶೇಕಡ 5 ಕ್ಕಿಂತ ಕಡಿಮೆ ಹೆಚ್ಚಳವಾಗಿದೆ. ಇವುಗಳಲ್ಲಿ ಹರಿಯಾಣ, ಅಸ್ಸಾಂ, ಮಣಿಪುರ, ಅರುಣಾಚಲ ಪ್ರದೇಶ, ನಾಗಾಲ್ಯಾಂಡ್, ರಾಜಸ್ಥಾನ, ಕೇರಳ ಮತ್ತು ಲಕ್ಷದ್ವೀಪ ಸೇರಿವೆ. ಒಟ್ಟಾರೆಯಾಗಿ, ಇದು ಸುಮಾರು 7 ಪ್ರತಿಶತದಷ್ಟು ಸರಾಸರಿ ಬೆಳವಣಿಗೆಯನ್ನು ಕಂಡಿದೆ. ಪ್ರಸ್ತುತ ಸರಾಸರಿ ವೇತನ ದರವು 2024-25 ನೇ ಹಣಕಾಸು ವರ್ಷದಲ್ಲಿ ದಿನಕ್ಕೆ 267.32 ರಿಂದ 285.47 ಕ್ಕೆ ಏರಿಕೆಯಾಗಿದೆ. ಈ ಅಧಿಸೂಚನೆಯು ಏಪ್ರಿಲ್ 01, 2024 ರಿಂದ ಜಾರಿಗೆ ಬರಲಿದೆ.

ರಾಜ್ಯ/ಕೇಂದ್ರಾಡಳಿತ ಪ್ರದೇಶ	ದೈನಂದಿನ ಕೂಲಿ ದರಗಳು (ರೂಪಾಯಿಗಳಲ್ಲಿ)
ಆಂಧ್ರಪ್ರದೇಶ	300
ಅರುಣಾಚಲ ಪ್ರದೇಶ	234
ಅಸ್ಸಾಂ	249
ಬಿಹಾರ	245
ಛತ್ತೀಸ್‌ಗಢ	243
ಗೋವಾ	356
ಗುಜರಾತ್	280
ಹರಿಯಾಣ	374
ಹಿಮಾಚಲ ಪ್ರದೇಶ	ಅನುಸೂಚಿತವಲ್ಲದ ಪ್ರದೇಶ - 236 ಪರಿಶಿಷ್ಟ ಪ್ರದೇಶ- 295
ಜಮ್ಮು ಮತ್ತು ಕಾಶ್ಮೀರ	259
ಲಡಾಖ್	259
ಜಾರ್ಖಂಡ್	245
ಕರ್ನಾಟಕ	349
ಕೇರಳ	346
ಮಧ್ಯಪ್ರದೇಶ	243
ಮಹಾರಾಷ್ಟ್ರ	297
ಮಣಿಪುರ	272
ಮೇಘಾಲಯ	254
ಮಿಜೋರಾಂ	266
ನಾಗಾಲ್ಯಾಂಡ್	234
ಒಡಿಶಾ	254
ಪಂಜಾಬ್	322
ರಾಜಸ್ಥಾನ	266
ಸಿಕ್ಕಿಂ	249 ಗ್ಯಾಂತಂಗ್ ಲಾಚುಂಗ್ ಮತ್ತು ಲಾಚೆನ್- 374
ತಮಿಳುನಾಡು	319
ತೆಲಂಗಾಣ	300
ತ್ರಿಪುರಾ	242
ಉತ್ತರ ಪ್ರದೇಶ	237
ಉತ್ತರಾಖಂಡ	237
ಪಶ್ಚಿಮ ಬಂಗಾಳ	250
ಅಂಡಮಾನ್ ಮತ್ತು ನಿಕೋಬಾರ್	ಅಂಡಮಾನ್ ಜಿಲ್ಲೆ- 329 ನಿಕೋಬಾರ್ ಜಿಲ್ಲೆ- 347
ದಾದ್ರಾ ಮತ್ತು ನಗರ ಹವೇಲಿ ಮತ್ತು ದಮನ್ ಮತ್ತು ದಿಯು	324
ಲಕ್ಷದ್ವೀಪ	315
ಪುದುಚೇರಿ	319