‘ಇಂತಿಫಾದ’ ನಿಷೇಧ; ವಿಶ್ವವಿದ್ಯಾನಿಲಯ ಒಕ್ಕೂಟದ ಸಮರ್ಥನೆಯನ್ನು ತಿರಸ್ಕರಿಸಿ ಕೇರಳ ವಿಸಿ ಆದೇಶ

                  ತಿರುವನಂತಪುರಂ: ಕೇರಳ ವಿಶ್ವವಿದ್ಯಾನಿಲಯದ ಯುವಜನೋತ್ಸವದಲ್ಲಿ ‘ಇಂತಿಫಾದಾ’ ಹೆಸರನ್ನು ನಿಷೇಧಿಸಲಾಗಿದೆ. ವಿಸಿ ಮೋಹನ್ ಕುನ್ನುಮ್ಮಲ್ ಅವರು ಯುವಜನೋತ್ಸವದ ಹೆಸರನ್ನು ನಿಷೇಧಿಸಿ ಆದೇಶ ಹೊರಡಿಸಿದ್ದಾರೆ.

           ಪೋಸ್ಟರ್, ನೋಟಿಸ್ ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಹೆಸರನ್ನು ಬಳಸಬಾರದು. ಹೆಸರಿಗೆ ಸಂಬಂಧಿಸಿದಂತೆ ವಿಶ್ವವಿದ್ಯಾನಿಲಯ ಒಕ್ಕೂಟ ನೀಡಿರುವ ವಿವರಣೆ ತೃಪ್ತಿಕರವಾಗಿಲ್ಲ ಎಂದು ವಿಸಿ ತಿಳಿಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಎಬಿವಿಪಿ ಹೈಕೋರ್ಟ್ ಮೆಟ್ಟಿಲೇರಿತ್ತು. ಹೈಕೋರ್ಟ್ ಮಧ್ಯಪ್ರವೇಶದ ನಂತರ ವಿಸಿ ಹೆಸರು ನಿಷೇಧಿಸಿ ಆದೇಶ ಹೊರಡಿಸಿದೆ.

              ನಿಲಮೇಲ್ ಎನ್ ಎಸ್ ಎಸ್ ಕಾಲೇಜಿನ ಪ್ರಥಮ ವರ್ಷದ ವಿದ್ಯಾರ್ಥಿ ಹಾಗೂ ಎಬಿವಿಪಿ ಕಾರ್ಯಕರ್ತ ಎ.ಎಸ್.ಅನೀಶ್  ಕಲೋತ್ಸವದ ಹೆಸರನ್ನು ಬದಲಾಯಿಸಬೇಕು ಎಂದು ಆಗ್ರಹಿಸಿ ಹೈಕೋರ್ಟ್ ಮೆಟ್ಟಿಲೇರಿದ್ದರು. ಹಬ್ಬದ ಹೆಸರನ್ನು ಹಮಾಸ್-ಇಸ್ರೇಲಿ ಯುದ್ಧದೊಂದಿಗೆ ಸಂಬಂಧಿಸಬಾರದು ಎಂದು ಅರ್ಜಿದಾರರು ಒತ್ತಾಯಿಸಿದ್ದರು.  ಅರ್ಜಿಯ ಕುರಿತು ರಾಜ್ಯಪಾಲರು, ಕೇರಳ ವಿಶ್ವವಿದ್ಯಾಲಯದ ಉಪಕುಲಪತಿಗಳು ಮತ್ತು ಕೇರಳ ವಿಶ್ವವಿದ್ಯಾಲಯ ಒಕ್ಕೂಟಕ್ಕೆ ಹೈಕೋರ್ಟ್ ನೋಟಿಸ್ ಕಳುಹಿಸಿತ್ತು. ಇದರ ಬೆನ್ನಲ್ಲೇ ವಿಸಿ ಕ್ರಮ ಕೈಗೊಳ್ಳಲಾಗಿದೆ.