ಮೀನಮಾಸ ಪೂಜೆಗಾಗಿ ಬಾಗಿಲು ತೆರೆದ ಶಬರಿಮಲೆ

                   ಪತ್ತನಂತಿಟ್ಟ: ಮೀನಮಾಸ ಪೂಜೆ ಹಾಗೂ ಪೈಂಕುಣಿ ಉತ್ರಂ ಮಹೋತ್ಸವಕ್ಕೆ ಶಬರಿಮಲೆ ತೆರೆಯಲಾಗಿದೆ. ತಂತ್ರಿ ಕಂಠಾರರ್ ಮಹೇಶ್ ಮೋಹನ್ ಅವರ ಮಾರ್ಗದರ್ಶನದಲ್ಲಿ ಮೇಲ್ಶಾಂತಿ ವಿ.ಎನ್. ಮಹೇಶ ನಂಬೂದಿರಿ ಬಾಗಿಲು ತೆರೆದು ದೀಪ ಬೆಳಗಿಸಿದರು. ಮೀನಮಾಸ ಪೂಜೆಯಲ್ಲಿ ಪಾಲ್ಗೊಳ್ಳಲು ಹಲವು ಭಕ್ತರು ಸನ್ನಿಧಾನಕ್ಕೆ ಆಗಮಿಸಿದ್ದರು. 18ನೇ ಮೆಟ್ಟಿಲು ಮುಂಭಾಗದ ಹೋಮಕುಂಡದಲ್ಲಿ  ಮೇಲ್ಶಾಂತಿ ಅಗ್ನಿಸ್ಪರ್ಶ ನಡೆಸಿದ ಬಳಿಕ ಭಕ್ತರು 18ನೇ ಮೆಟ್ಟಿಲು ಹತ್ತಿ ದರ್ಶನ ಪಡೆದರು.

                  ನಿನ್ನೆ ವಿಶೇಷ ಪೂಜೆಗಳು ಇದ್ದಿರಲಿಲ್ಲ. ಇಂದು ಮೀನ 1 ರಂದು ಬೆಳಿಗ್ಗೆ 4.30 ಕ್ಕೆ ಬೆಳಿಗ್ಗೆ 5 ಕ್ಕೆ ಗರ್ಭಗೃಹದ ಬಾಗಿಲು ತೆರೆದು ನಿರ್ಮಾಲ್ಯ ದರ್ಶನ ಹಾಗೂ ಅಭಿಷೇಕ ನಡೆಯಿತು. ನಂತರ ಪೂರ್ವ ಮಂಟಪದಲ್ಲಿ ಗಣಪತಿ ಹೋಮ. 5.30ರಿಂದ 7 ಹಾಗೂ 9ರಿಂದ 11ರವರೆಗೆ ತುಪ್ಪಾಭಿಷೇಕ ನಡೆಯಿತು. 7.30ಕ್ಕೆ ಉಷಃಪೂಜೆ, ನಂತರ ಉದಯಾಸ್ತಮಯ ಪೂಜೆ, 25 ಕಲಶ, ಕಲಭಾಭಿಷೇಕ ಹಾಗೂ ಮಧ್ಯಾಹ್ನ ಪೂಜೆ, ನಡೆದು 1ಕ್ಕೆ ಬಾಗಿಲು ಮುಚ್ಚಲಿದೆ.

                ಈ ವರ್ಷದ ಪೈಂಕುಣಿ ಉತ್ರಂ ಹಬ್ಬ ಇದೇ 16ರಂದು ನಡೆಯಲಿದೆ. ಧ್ವಜಾರೋಹಣ ಬೆಳಿಗ್ಗೆ 8.30 ರಿಂದ 9 ರವರೆಗೆ ಮಧ್ಯೆ ನಡೆಯಲಿದೆ.  ಉತ್ಸವದ ದಿನಗಳಲ್ಲಿ ಆನೆಯ ಮೇಲೆ ಉತ್ಸವಬಲಿ, ಉತ್ಸವಬಲಿ ದರ್ಶನ ನಡೆಯಲಿದೆ.