ಕೋಲ್ಕತ್ತ: ದೇಶದ ಮೊದಲ ಜಲ ಸುರಂಗದ ಮೆಟ್ರೊ ಸೇವೆಗೆ ಪ್ರಧಾನಿ ಮೋದಿ ಚಾಲನೆ

              ಕೋಲ್ಕತ್ತ: ದೇಶದ ಮೊದಲ ಜಲ ಸುರಂಗದ ಮೆಟ್ರೊ ಸೇವೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಬುಧವಾರ ಚಾಲನೆ ನೀಡಿದರು.

             ಜಲ ಸುರಂಗದಲ್ಲಿ ಶಾಲಾ ವಿದ್ಯಾರ್ಥಿಗಳ ಜೊತೆ ಪ್ರಯಾಣಿಸುವ ಮೂಲಕ ಪ್ರಧಾನಿ ಮೋದಿ ಅವರು ನೂತನ ಮೆಟ್ರೊ ಯೋಜನೆಯನ್ನು ಲೋಕಾರ್ಪಣೆ ಮಾಡಿದರು.

          ಇಲ್ಲಿನ ಹೂಗ್ಲಿ ನದಿಯೊಳಗಿನ ಸುರಂಗ ಮಾರ್ಗದ ಮೂಲಕ ಹೌರಾ ಮತ್ತು ಎಸ್‌ಪ್ಲೇನೇಡ್ ನಡುವೆ ಮೆಟ್ರೊ ರೈಲು ಸಂಚರಿಸಲಿದೆ.

               ಕೋಲ್ಕತ್ತ ಮೆಟ್ರೊದ ಪೂರ್ವ-ಪಶ್ಚಿಮ ಕಾರಿಡಾರ್‌ ವ್ಯಾಪ್ತಿಯ ಈ ಯೋಜನೆಗೆ ಸುಮಾರು ₹ 4,965 ಕೋಟಿ ವೆಚ್ಚ ಮಾಡಲಾಗಿದೆ.

               ಈ ಸುರಂಗದ ಉದ್ದ 520 ಮೀಟರ್ ಆಗಿದೆ. ನೀರಿನೊಳಗೆ ಮೆಟ್ರೊ ರೈಲಿನ ಸರಾಸರಿ ಪ್ರಯಾಣದ ಅವಧಿ 45 ಸೆಕೆಂಡುಗಳು. ರೈಲುಗಳು ಸುರಂಗದಲ್ಲಿ ಗಂಟೆಗೆ 80 ಕಿ.ಮೀ ವೇಗದಲ್ಲಿ ಚಲಿಸಬಹುದು ಎಂದು ಮೆಟ್ರೊ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.