ಪಶುವೈದ್ಯಕೀಯ ವಿಶ್ವವಿದ್ಯಾಲಯದ ಹೊಸ ವಿಸಿಯಾಗಿ ಡಾ. ಕೆ. ಎಸ್ ಅನಿಲ್ ನೇಮಕ

                  ಪೂಕೊಡೆ: ಪಶುವೈದ್ಯಕೀಯ ವಿಶ್ವವಿದ್ಯಾಲಯದಲ್ಲಿ ನೂತನ ಉಪಕುಲಪತಿಯಾಗಿ ಡಾ. ಕೆ. ಎಸ್.ಅನಿಲ್ ಅವರನ್ನು ನೇಮಕ ಮಾಡಲಾಗಿದೆ.ಮನ್ನುತಿ ಪಶುವೈದ್ಯಕೀಯ ಮಹಾವಿದ್ಯಾಲಯದಲ್ಲಿ ಪ್ರಾಧ್ಯಾಪಕರಾಗಿದ್ದರು. 

                    ಸಿದ್ಧಾರ್ಥ್ ಸಾವಿನ ಆರೋಪಿಗಳಾಗಿರುವ 33 ವಿದ್ಯಾರ್ಥಿಗಳ ಅಮಾನತು ಕ್ರಮವನ್ನು ಹಂಗಾಮಿ ವಿಸಿ ಡಾ.ಪಿ.ಸಿ.ಶಶೀಂದ್ರನ್ ಹಿಂಪಡೆದಿರುವುದು ರಾಜ್ಯಪಾಲರ ಅಸಮಾಧಾನಕ್ಕೆ ಕಾರಣವಾಗಿತ್ತು. ಬಳಿಕ ಶಶೀಂದ್ರನ್ ರಾಜೀನಾಮೆ ನೀಡಿದರು. ಮಾಜಿ ವಿಸಿ ಡಾ. ಎಂಆರ್ ಶಶೀಂದ್ರನಾಥ್ ಅವರನ್ನು ಈ ಹಿಂದೆ ರಾಜ್ಯಪಾಲರು ವಜಾಗೊಳಿಸಿದ್ದರು.

                 ಇದೇ ವೇಳೆ ರಾಜ್ಯ ಸರ್ಕಾರ ಸಿದ್ಧಾರ್ಥ್ ಸಾವಿನ ಸಿಬಿಐ ತನಿಖೆಗೆ ದಾಖಲೆಗಳನ್ನು ಹಸ್ತಾಂತರಿಸಿದೆ. ವಿಶೇಷ ಸೆಲ್  ಡಿವೈಎಸ್ಪಿ ಶ್ರೀಕಾಂತ್ ಖುದ್ದು ತೆರಳಿ ಕೇಂದ್ರ ಸಿಬ್ಬಂದಿ ಸಚಿವಾಲಯಕ್ಕೆ ದಾಖಲೆಗಳನ್ನು ಸಲ್ಲಿಸಿದರು. ವೀಡಿಯೋಗಳು, ಚಿತ್ರಗಳು, ಎಫ್‍ಐಆರ್‍ನ ಅನುವಾದಿತ ಪ್ರತಿ ಇತ್ಯಾದಿಗಳನ್ನು ಹಸ್ತಾಂತರಿಸಲಾಯಿತು.

                 ಸಿದ್ಧಾರ್ಥ್ ಸಾವಿನ ತನಿಖೆಯನ್ನು ಸಿಬಿಐಗೆ ವಹಿಸಿ ಸರ್ಕಾರ ಅಧಿಸೂಚನೆ ಹೊರಡಿಸಿದ್ದರೂ ದಾಖಲೆಗಳನ್ನು ನೀಡದಿರುವುದು ವಿವಾದಕ್ಕೆ ಕಾರಣವಾಗಿತ್ತು.