'ನೈಸರ್ಗಿಕ ವಿದ್ಯಮಾನ': ಅಲಪ್ಪುಳದಲ್ಲಿ ಸಮುದ್ರ ಹಿಂದೆ ಸರಿದಿರುವುದು ಸಹಜ ಎಂದ ಕಂದಾಯ ಮತ್ತು ಭೂವಿಜ್ಞಾನ ಇಲಾಖೆ

                ಆಲಪ್ಪುಳ: ಕಂದಾಯ ಮತ್ತು ಭೂವಿಜ್ಞಾನ ಇಲಾಖೆಯ ವರದಿ ಪ್ರಕಾರ ಸಮುದ್ರದ ಹಿಂದೆ ಸರಿಯುವಿಕೆ ಸಹಜ ವಿದ್ಯಮಾನ ಎಂದಿದೆ. ಪುರಕ್ಕಾಡ್‍ನಿಂದ ದಕ್ಷಿಣಕ್ಕೆ ಸುಮಾರು 850 ಮೀಟರ್‍ಗಳಷ್ಟು ಸಮುದ್ರವು 50 ಮೀಟರ್‍ಗಳಷ್ಟು ಹಿಮ್ಮೆಟ್ಟಿದೆ.

                 ನಿನ್ನೆ ಮುಂಜಾನೆ ಸಮುದ್ರ ಹಿಂದೆ ಸರಿದಿತ್ತು. ಬೆಳಗ್ಗೆ 6:30ರಿಂದ ಹಿಂದೆ ಸರಿಯಿತು.  ದಡದಲ್ಲಿ ಕೆಸರು ಬಿದ್ದಿರುವುದನ್ನು ಗಮನಿಸಿದಾಗ ಸಮುದ್ರ ಇಳಿಮುಖವಾಗಿದೆ ಎಂದು ಅರ್ಥವಾಯಿತು. ಬೆಳ್ಳಂಬೆಳಗ್ಗೆ ಮೀನುಗಾರಿಕೆಗೆ ತೆರಳಿದ್ದ ಮೀನುಗಾರರು ವಾಪಸ್ ಬರಲಾಗದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಆದರೆ ಆತಂಕ ಪಡುವ ಅಗತ್ಯವಿಲ್ಲ ಎನ್ನುತ್ತಾರೆ ಸಾಂಪ್ರದಾಯಿಕ ಮೀನುಗಾರರು. ಸಾಮಾನ್ಯವಾಗಿ ಮಳೆಗಾಲದಲ್ಲಿ ಸಮುದ್ರ ಇಳಿಮುಖವಾಗುತ್ತದೆ ಎನ್ನುತ್ತಾರೆ ಮೀನುಗಾರರು. ಈ ಹಿಂದೆಯೂ ಇದೇ ರೀತಿ ಸಮುದ್ರ ಹಿಂದೆ ಸರಿದಿತ್ತು. 

          ವರ್ಕಲದಲ್ಲಿ ಕೂಡ ಸಮುದ್ರದ ಹಿಂದೆ ಸರಿದಿರುವುದು ವರದಿಯಾಗಿದೆ. ಕಡಲತೀರದ ಮುಖ್ಯ ಭಾಗದಲ್ಲಿ ಸಮುದ್ರವು ಸುಮಾರು 25 ಮೀಟರ್ ಹಿಂದೆ ಸರಿದಿದೆ. ಬೇಸಿಗೆಯ ಇಳಿತದ ಸಮಯದಲ್ಲಿ ಇದು ಸಹಜ ಮತ್ತು ಚಿಂತಿಸಬೇಕಾಗಿಲ್ಲ ಎಂದು ಜೀವರಕ್ಷಕರು ಹೇಳುತ್ತಾರೆ.