ಯೂತ್ ಐಕಾನ್ ಪ್ರಶಸ್ತಿಗಳು ಪ್ರಕಟ; ಅನ್ಸಿ, ತುಳಸಿ ಮತ್ತು ಅಖಿಲ್ ಅವರಿಗೆ ಪ್ರಶಸ್ತಿ

                 ತಿರುವನಂತಪುರಂ: ಕೇರಳ ರಾಜ್ಯ ಯುವ ಆಯೋಗವು 2023-24ನೇ ಸಾಲಿನ ಯೂತ್ ಐಕಾನ್ ಪ್ರಶಸ್ತಿಗಳನ್ನು ಪ್ರಕಟಿಸಿದೆ. ಆನ್ಸಿ ಸೋಜನ್, ಬೇಸಿಲ್ ಜೋಸೆಫ್, ಕೆ.ಅಖಿಲ್, ಅಶ್ವಿನ್ ಪರವೂರು, ಸಜೀಶ್ ಕೆ.ವಿ ಮತ್ತು ಶ್ರೀನಾಥ್ ಗೋಪಿನಾಥ್ ಅವರು ವಿವಿಧ ಸಾಮಾಜಿಕ ಕ್ಷೇತ್ರಗಳಲ್ಲಿ ಪ್ರಶಸ್ತಿ ಪಡೆದಿದ್ದಾರೆ.

                  ಲಾಂಗ್ ಜಂಪ್ ತಾರೆ ಹಾಗೂ ಏಷ್ಯನ್ ಗೇಮ್ಸ್ ಬೆಳ್ಳಿ ಪದಕ ವಿಜೇತೆ ಅನ್ಸಿ ಸೋಜನ್ ಅವರನ್ನು ಕ್ರೀಡಾ ಕ್ಷೇತ್ರದಿಂದ ಗುರುತಿಸಲಾಗಿದೆ.  ಬಾಸಿಲ್ ಜೋಸೆಫ್, ಯುವ ನಿರ್ದೇಶಕ, ಚಿತ್ರಕಥೆಗಾರ ಮತ್ತು ನಟ, ಕಲೆ / ಸಂಸ್ಕøತಿ ವಿಭಾಗದಲ್ಲಿ ಪ್ರಶಸ್ತಿಗೆ ಆಯ್ಕೆಮಾಡಲಾಗಿದೆ. ಯುವ ಬರಹಗಾರರಲ್ಲಿ ಪ್ರಮುಖರಾದ ಕೆ. ಅಖಿಲ್ ಅವರಿಗೆ ಸಾಹಿತ್ಯದಲ್ಲಿ ಯೂತ್ ಐಕಾನ್ ನೀಡಲಾಗುವುದು. ಸಮಾಜ ಸೇವಾ ಕ್ಷೇತ್ರದಿಂದ ಯೂತ್ ಐಕಾನ್ ಆಗಿ ಶ್ರೀನಾಥ್ ಗೋಪಿನಾಥ್ ಆಯ್ಕೆಯಾಗಿದ್ದಾರೆ. ಶ್ರೀನಾಥ್ ಗೋಪಿನಾಥನ್ ಅವರು ಟೆಕ್ ಬೈ ಹಾರ್ಟ್ ಅಧ್ಯಕ್ಷರಾಗಿದ್ದಾರೆ, ಸೈಬರ್ ಭದ್ರತೆ ಕ್ಷೇತ್ರದಲ್ಲಿ ಈ ವರ್ಷದ ಇಂಡಿಯನ್ ಐಕಾನ್ ಪ್ರಶಸ್ತಿ ವಿಜೇತರಾಗಿದ್ದಾರೆ.

                   12 ವರ್ಷಗಳಿಂದ ಮೀನು ಸಾಕಾಣಿಕೆಯಲ್ಲಿ ಮಾದರಿ ಕೃಷಿಕ ಎನಿಸಿಕೊಂಡಿರುವ ಅಶ್ವಿನ್ ಪರವೂರು ಅವರನ್ನು ಕೃಷಿ ಕ್ಷೇತ್ರದಿಂದÁಯ್ಕೆಮಾಡಲಾಗಿದೆ.  ಕೈಗಾರಿಕೆ/ಉದ್ಯಮಶೀಲತೆ ಕ್ಷೇತ್ರದಲ್ಲಿ ಕೇರಳದ ಗಮನಾರ್ಹ ಯುವ ಉದ್ಯಮಿ ಸಜೀಶ್ ಕೆ.ವಿ. ಪ್ರಶಸ್ತಿಗೆ ಭಾಜನರಾಗಲಿದ್ದಾರೆ. ಸಜೀಶ್ ಅವರು ವಿಶ್ವದರ್ಜೆಯ ಶಸ್ತ್ರಚಿಕಿತ್ಸಾ ಉಪಕರಣಗಳನ್ನು ಉತ್ಪಾದಿಸುವ ಉತ್ಪಾದನಾ ಘಟಕವನ್ನು ಕೇರಳದಲ್ಲಿ ಸ್ಥಾಪಿಸುವ ಮೂಲಕ ಕೈಗಾರಿಕಾ ಕ್ಷೇತ್ರದಲ್ಲಿ ತಮ್ಮ ಕೌಶಲ್ಯವನ್ನು ಸಾಬೀತುಪಡಿಸಿದವರು.

               ಪ್ರತಿ ವರ್ಷ ವಿವಿಧ ಸಾಮಾಜಿಕ ಕ್ಷೇತ್ರಗಳಲ್ಲಿ ಛಾಪು ಮೂಡಿಸಿದ ಯುವಕರಿಗೆ ಆಯೋಗ ಪ್ರಶಸ್ತಿ ನೀಡುತ್ತಿದೆ. ಆಯೋಗವು ನೇಮಿಸಿದ ವಿಶೇಷ ತೀರ್ಪುಗಾರರ ಮೂಲಕ ಪ್ರಶಸ್ತಿ ಪುರಸ್ಕೃತರನ್ನು ಆಯ್ಕೆ ಮಾಡಲಾಗಿದೆ.