ಮೊದಲು ಭಾರಿ ವಾಹನಗಳು; ನಂತರ ಕಾರು ಮತ್ತು ಬೈಕು: ಕೆ.ಎಸ್.ಆರ್.ಟಿ.ಸಿ. ಡ್ರೈವಿಂಗ್ ಸ್ಕೂಲ್ ತರಬೇತಿ ಹೀಗಿದೆ

                 ತಿರುವನಂತಪುರಂ: ಕೆಎಸ್‍ಆರ್‍ಟಿಸಿ ಆರಂಭಿಸಲಿರುವ ಡ್ರೈವಿಂಗ್ ಶಾಲೆಗಳು ಆರಂಭದಲ್ಲಿ ಭಾರೀ ವಾಹನಗಳಲ್ಲಿ ತರಬೇತಿ ನೀಡಲಿವೆ. ಇದಕ್ಕಾಗಿ 22 ಬಸ್‍ಗಳನ್ನು ಸಿದ್ಧಪಡಿಸಲಾಗಿದೆ.

               ಉದ್ಯೋಗಿಗಳ ಪೈಕಿ 22 ಅರ್ಹ ವ್ಯಕ್ತಿಗಳನ್ನು ಆಯ್ಕೆ ಮಾಡಲಾಗಿದೆ. ಅವರನ್ನು ತರಬೇತುದಾರರನ್ನಾಗಿ ನೇಮಿಸಲಾಗುತ್ತದೆ ಮತ್ತು ಡ್ರೈವಿಂಗ್ ಶಾಲೆಗೆ ಅರ್ಜಿ ಸಲ್ಲಿಸಲಾಗುತ್ತದೆ. ಬಸ್ ಮೂಲಕ ಡ್ರೈವಿಂಗ್ ಸ್ಕೂಲ್ ಲೈಸೆನ್ಸ್ ಪಡೆದ ನಂತರ ಇತರೆ ವಾಹನಗಳ ತರಬೇತಿಗೆ ಯೋಜನೆ ರೂಪಿಸಲಾಗಿದೆ.

               ಎಲ್ಲಾ 22 ಶಾಲೆಗಳಿಗೆ ಹೊಸ ಕಾರು ಮತ್ತು ದ್ವಿಚಕ್ರ ವಾಹನಗಳನ್ನು ಖರೀದಿಸಲಾಗುವುದು ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. ಅಟ್ಟಕುಳಂಗರ, ಎಡಪಳ್ಳಿ, ಅಂಗಮಾಲಿ, ಪಾರಶಾಲಾ, ಈಂಚಕಲ್, ಅಣಯಾರ, ಅಟ್ಟಿಂಗಲ್, ಚತ್ತನ್ನೂರ್, ಚತಯಮಂಗಲಂ, ಮಾವೇಲಿಕ್ಕರ, ಪಂದಳಂ, ಪಾಲ, ಕುಮಳಿ, ಅಂಗಮಾಲಿ, ಪೆರುಂಬಾವೂರು, ಚಾಲಕುಡಿ, ನಿಲಂಬೂರ್, ಪೆÇನ್ನಾನಿ, ಚಿತ್ತೂರು, ಕೋಝಿಕ್ಕೋಡ್, ಮಾನಂದÀವಾಡಿ, ಮಂಸಂತವಾಡಿ, ತಲಶ್ಚೇರಿ, ಕಾಞಂಗಾಡ್ ನಲ್ಲಿ ಡ್ರೈವಿಂಗ್ ಶಾಲೆಗಳನ್ನು ಆರಂಭಿಸಲಾಗುವುದು. 

               ಮಾರ್ಚ್ 30ರೊಳಗೆ ಡ್ರೈವಿಂಗ್ ಸ್ಕೂಲ್ ಆರಂಭಿಸುವ ಪ್ರಸ್ತಾವನೆ ಇದೆ. ಡ್ರೈವಿಂಗ್ ಸ್ಕೂಲ್‍ಗಳಿಗೆ ಅಗತ್ಯ ಮೂಲಸೌಕರ್ಯಗಳನ್ನು ಸಿದ್ಧಪಡಿಸಲು ಮತ್ತು ಮೋಟಾರು ವಾಹನ ಇಲಾಖೆಯಿಂದ ಪರವಾನಗಿ ಪಡೆಯಲು ಡಿಪೆÇೀ ಮುಖ್ಯಸ್ಥರಿಗೆ ಸೂಚಿಸಲಾಗಿದೆ. ಅರ್ಜಿಯನ್ನು ತಕ್ಷಣ ಆನ್‍ಲೈನ್‍ನಲ್ಲಿ ಅಗತ್ಯ ದಾಖಲೆಗಳೊಂದಿಗೆ ಸಲ್ಲಿಸಬೇಕು. ತರಗತಿ ಕೊಠಡಿ, ತರಬೇತಿ ಸಭಾಂಗಣ, ವಾಹನಗಳು, ಮೈದಾನ, ಕಚೇರಿ, ಪಾರ್ಕಿಂಗ್ ಸೌಲಭ್ಯ ಮತ್ತು ಪರೀಕ್ಷಾ ಮೈದಾನವನ್ನು ಸಿದ್ಧಪಡಿಸಲು ಉದ್ದೇಶಿಸಲಾಗಿದೆ.