ಪ್ರಾಚ್ಯವಸ್ತು ವಂಚನೆ ಪ್ರಕರಣ: ಡಿವೈಎಸ್ಪಿ ವೈ.ಆರ್.ರುಸ್ತಂ ಬೆದರಿಸಿ ಲಂಚ ಪಡೆದಿದ್ದರು ಎಂದು ದೂರು

                  ಕೊಚ್ಚಿ: ಮೊನ್ಸಾನ್ ಮಾವುಂಗಲ್ ಪ್ರಾಚ್ಯವಸ್ತು ವಂಚನೆ ಪ್ರಕರಣದ ತನಿಖಾಧಿಕಾರಿ ಡಿವೈಎಸ್ಪಿ ವೈ.ಆರ್.ರುಸ್ತಮ್ ಅವರು ಬೆದರಿಕೆ ಹಾಕಿ ಹಣ ವಸೂಲಿ ಮಾಡಿದ್ದಾರೆ ಎಂದು ಆರೋಪಿಸಿ ದೂರುದಾರರು ಹೈಕೋರ್ಟ್ ಮೆಟ್ಟಿಲೇರಿದ್ದಾರೆ.

             ಪ್ರಾಚ್ಯವಸ್ತು ವಂಚನೆ ಪ್ರಕರಣದ ದೂರುದಾರರಲ್ಲೊಬ್ಬರಾದ ಯಾಕೂಬ್ ಎಂಬಾತನಿಂದ ಹಣಕ್ಕೆ ಬೇಡಿಕೆಯಿಟ್ಟಿದ್ದರು ಎಂಬುದು ದೂರು.

    ದೂರಿನ ಪ್ರಕಾರ ರೂ.ಹತ್ತು ಸಾವಿರ ನೀಡಿರುವುದಾಗಿ ಹೇಳಲಾಗಿದೆ. ಡಿವೈಎಸ್ಪಿ ರುಸ್ತುಂ ಅವರು, ಸರ್ಕಾರದಿಂದ ಸಿಗುತ್ತಿರುವ ಸಂಬಳ ಅಲ್ಪ. ವಂಚಕ ಮೋನ್ಸನ್ ನೀಡಿದ ಹಣವನ್ನು ವಸೂಲಿ ಮಾಡಬೇಕಾದರೆ ದೂರುದಾರರು ಪೋಲೀಸರಿಗೆ ಹಣವನ್ನು ಪಾವತಿಸಬೇಕು ಎಂದು ಒತ್ತಾಯಿಸಿದ್ದರು ಎನ್ನಲಾಗಿದೆ.

            ತನಿಖಾಧಿಕಾರಿ ವಿರುದ್ಧ ವಿಜಿಲೆನ್ಸ್ ದೂರು ದಾಖಲಿಸಲಾಗಿದೆ. ಆದರೆ ತನಿಖೆಯ ಕೊರತೆಯಿಂದ ಹೈಕೋರ್ಟ್‍ನಲ್ಲಿ ಅರ್ಜಿ ಸಲ್ಲಿಕೆಯಾಗಿದೆ. ಮತ್ತೊಬ್ಬ ದೂರುದಾರ ಶೆಮೀರ್ ಈ ವಿಷಯವನ್ನು ಪ್ರಶ್ನಿಸಿದಾಗ ಬೆದರಿಕೆ ಹಾಕಿದ್ದಾರೆ ಎಂಬ ಆರೋಪವೂ ಕೇಳಿ ಬಂದಿದೆ.

            ಡಿವೈಎಸ್ಪಿ ರುಸ್ತಂ ಈ ಹಿಂದೆ ಮೊನ್ಸನ್ ಮಾವುಂಕಲ್ ಪ್ರಕರಣದಲ್ಲಿ, ಕೆ ಸುಧಾಕರನ್ ಮತ್ತು ಮಾಜಿ ಯುವ ಕಾಂಗ್ರೆಸ್ ಮುಖಂಡ ಎಬಿನ್ ಅಬ್ರಹಾಂ ಸೇರಿದಂತೆ ಮೊದಲ ಚಾರ್ಜ್ ಶೀಟ್ ಸಲ್ಲಿಸಿದ್ದರು.