ಡಾ.ಶಹಾನಾ ಆತ್ಮಹತ್ಯೆ ಪ್ರಕರಣ: ಆರೋಪಿ ಡಾ. ರುವೈಸ್‍ನ ಪಿಜಿ ವ್ಯಾಸಂಗ ಕ್ಕೆ ಹೈಕೋರ್ಟ್ ತಡೆ: ಶಿಸ್ತು ಕ್ರಮ ಮುಂದುವರಿಸಲು ಅವಕಾಶ

               ಕೊಚ್ಚಿ: ಡಾ.ಶಹನಾ ಆತ್ಮಹತ್ಯೆ ಪ್ರಕರಣದ ಆರೋಪಿ ಡಾ. ರುವೈಸ್ ಅವರ ಪಿಜಿ ವ್ಯಾಸಂಗಕ್ಕೆ ಹೈಕೋರ್ಟ್ ವಿಭಾಗೀಯ ಪೀಠ ತಡೆಯಾಜ್ಞೆ ನೀಡಿದೆ.

                ವಿಭಾಗೀಯ ಪೀಠವು ಏಕ ಪೀಠದ ಆದೇಶಕ್ಕೆ ತಡೆ ನೀಡಿ ಅಧ್ಯಯನ ಮುಂದುವರಿಸದಂತೆ ತಡೆ ನೀಡಿದೆ. ಮುಖ್ಯ ನ್ಯಾಯಮೂರ್ತಿ ನೇತೃತ್ವದ ವಿಭಾಗೀಯ ಪೀಠ ಈ ಆದೇಶ ನೀಡಿದೆ. 

               ತಿರುವನಂತಪುರಂ ವೈದ್ಯಕೀಯ ಕಾಲೇಜು ಪ್ರಾಂಶುಪಾಲರ ಮನವಿ ಮೇರೆಗೆ ಈ ಕ್ರಮ ಕೈಗೊಳ್ಳಲಾಗಿದೆ. ರುವೈಸ್ ವಿರುದ್ಧ ಶಿಸ್ತು ಕ್ರಮ ಮುಂದುವರಿಸಬಹುದು ಎಂದೂ ವಿಭಾಗೀಯ ಪೀಠ ಹೇಳಿದೆ. ತಿರುವನಂತಪುರಂ ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿ ಡಾ. ಶಹನಾ ಆತ್ಮಹತ್ಯೆ ಮಾಡಿಕೊಂಡ ಪ್ರಕರಣದಲ್ಲಿ ರುವೈಸ್ ಆರೋಪಿ. 

               ತಿರುವನಂತಪುರಂ ಮೆಡಿಕಲ್ ಕಾಲೇಜು ಪೋಲೀಸರು ದಾಖಲಿಸಿರುವ ಪ್ರಕರಣದಲ್ಲಿ ರುವೈಸ್ ಮೊದಲ ಆರೋಪಿಯಾಗಿದ್ದಾನೆ. ಈ ಪ್ರಕರಣದಲ್ಲಿ ನ್ಯಾಯಾಲಯ ರುವೈಸ್‍ಗೆ ಜಾಮೀನು ನೀಡಿತ್ತು. ಆರೋಗ್ಯ ವಿಶ್ವವಿದ್ಯಾಲಯವು ರುವೈಸ್‍ನ ಪಿಜಿ ಅಧ್ಯಯನವನ್ನು ನಿಷೇಧಿಸಿತ್ತು. ಅದನ್ನೀಗ ನ್ಯಾಯಾಲಯ ಪುಷ್ಠಿಗೊಳಿಸಿದೆ.