ಸುರೇಶ್ ಗೋಪಿ ಜೊತೆ ಸ್ನೇಹ ಇಂದು ನಿನ್ನೆಯದಲ್ಲ: ಭೇಟಿಗೆ ಬೇರೆಯವರ ಅನುಮತಿ ಬೇಕಿಲ್ಲ; ಕಲಾಮಂಡಲಂ ಗೋಪಿ

                 ತ್ರಿಶೂರ್: ನಟ ಹಾಗೂ ತ್ರಿಶೂರ್ ಲೋಕಸಭಾ ಕ್ಷೇತ್ರದ ಎನ್‍ಡಿಎ ಅಭ್ಯರ್ಥಿ ಸುರೇಶ್ ಗೋಪಿ ಅವರನ್ನು ಕಲಾಮಂಡಲಂ ಗೋಪಿ ಮನೆಗೆ ಆಹ್ವಾನಿಸಿದ್ದಾರೆ.

                 ಒಬ್ಬರನ್ನೊಬ್ಬರು ನೋಡಲು ಬೇರೆಯವರ ಅನುಮತಿ ಅಗತ್ಯವಿಲ್ಲ ಮತ್ತು ತಮ್ಮ ಮತ್ತು ಸುರೇಶ್ ಗೋಪಿ ನಡುವೆ ಯಾವುದೇ ಸಮಸ್ಯೆಗಳಿಲ್ಲ ಎಂದು ಕಲಾಮಂಡಲಂ ಗೋಪಿ ಹೇಳಿದ್ದಾರೆ. ಈ ಬಗ್ಗೆ ಅವರು ಫೇಸ್ ಬುಕ್ ಪೋಸ್ಟ್ ಮೂಲಕ ಸ್ಪಷ್ಟನೆ ನೀಡಿದ್ದಾರೆ.

            ಸುರೇಶ್ ಗೋಪಿ ಮತ್ತು ನಾನು ಬಹಳ ಕಾಲಗಳಿಂದ ಸ್ನೇಹಿತರು. ಸುರೇಶ್ ಗೋಪಿ ನನ್ನನ್ನು ನೋಡಲು ಅಥವಾ ನನ್ನ ಮನೆಗೆ ಬರಲು ಯಾರ ಅನುಮತಿಯೂ ಬೇಕಾಗಿಲ್ಲ. ಅವನಿಗೆ ಸದಾ ಸ್ವಾಗತವಿದೆ. ನನ್ನನ್ನು ಪ್ರೀತಿಸುವವರು ಯಾವಾಗಲೂ ನನ್ನನ್ನು ನೋಡಲು ಬರಬಹುದು' –ಎಂದು  ಕಲಾಮಂಡಲಂ ಗೋಪಿ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.

             ಕಲಾಮಂಡಲಂ ಗೋಪಿ ಅವರ ಪುತ್ರ ರಘುರಾಜ್ ಅವರ ಫೇಸ್ ಬುಕ್ ಪೋಸ್ಟ್ ಇತ್ತೀಚೆಗೆ ಭಾರೀ ವಿವಾದಕ್ಕೀಡಾಗಿತ್ತು. ಫೇಸ್‍ಬುಕ್ ಪೋಸ್ಟ್‍ನಲ್ಲಿ, ರಘುರಾಜ್ ಅವರು ತಮ್ಮ ತಂದೆಯೊಂದಿಗಿನ ಸಂಬಂಧದ ಲಾಭವನ್ನು ಬಳಸಿಕೊಂಡು ಅನೇಕರು ಸುರೇಶ್ ಗೋಪಿ ಅವರ ಮೇಲೆ ಪ್ರಭಾವ ಬೀರಲು ಪ್ರಯತ್ನಿಸುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ. ಆದರೆ ವಿವಾದದ ನಂತರ ರಘುರಾಜ್ ಹೇಳಿಕೆ ಹಿಂಪಡೆದಿದ್ದಾರೆ. ಇದರ ವಿರುದ್ಧ ಪ್ರತಿಕ್ರಿಯಿಸಲು ಸುರೇಶ್ ಗೋಪಿ ಕೂಡ ಮುಂದಾಗಿದ್ದರು. ಇನ್ನು ಕಲಾಮಂಡಲಂ ಗೋಪಿ ಅವರನ್ನು ಭೇಟಿ ಮಾಡುವುದಾಗಿ ಸುರೇಶ್ ಗೋಪಿ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ್ದು, ಚುನಾವಣೆ ಅಲ್ಲದಿದ್ದರೂ ಅವರನ್ನು ಹಲವು ಬಾರಿ ಭೇಟಿ ಮಾಡಿದ್ದೆ ಎಂದಿರುವರು.