ಒಡಿಶಾ | ದೋಣಿ ಮಗುಚಿದ ಪ್ರಕರಣ: ಸಾವಿನ ಸಂಖ್ಯೆ 7ಕ್ಕೆ ಏರಿಕೆ

              ಭುವನೆಶ್ವರ: ಒಡಿಶಾದ ಮಹಾನದಿಯಲ್ಲಿ ದೋಣಿ ಮಗುಚಿ ಸಾವಿಗೀಡಾದವರ ಸಂಖ್ಯೆ ಏಳಕ್ಕೆ ಏರಿಕೆಯಾಗಿದೆ.

               'ಒಡಿಶಾ ವಿಪತ್ತು ಕ್ಷಿಪ್ರ ಕಾರ್ಯಾಚರಣೆ ಪಡೆ ಮತ್ತು ಅಗ್ನಿಶಾಮಕ ದಳದ ಸಿಬ್ಬಂದಿ ಶುಕ್ರವಾರ ಸಂಜೆಯಿಂದಲೇ ಶೋಧ ಕಾರ್ಯಾಚರಣೆ ನಡೆಸಿದ್ದರು. ಇಂದು ಬೆಳಿಗ್ಗೆ ಐದು ಮೃತದೇಹಗಳು ಪತ್ತೆಯಾಗಿವೆ.

              ಮೃತರೆಲ್ಲರೂ ನೆರೆಯ ಛತ್ತೀಸ್‌ಗಢದ ಖರ್ಸೇನಿ ಪ್ರದೇಶದಿಂದ ಬಂದವರು' ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

                 ಶುಕ್ರವಾರ ಪಥರ್ಸೇನಿ ಕುಡಾದಿಂದ ಬಂಜಿಪಲ್ಲಿಗೆ ತೆರಳುತ್ತಿದ್ದ, 50 ಜನರನ್ನು ಹೊತ್ತಿದ್ದ ದೋಣಿಯು ಸರದಾ ಘಾಟ್‌ ಬಳಿ ಮುಳುಗಡೆಯಾಗಿತ್ತು.