ರಾಜ್ಯ ಸರ್ಕಾರದ ಅಧ್ಯಯನ ಬೆಂಬಲ ಯೋಜನೆ: ಏಕಪಕ್ಷೀಯ ತೀರ್ಮಾನ: ಸಹಕರಿಸುವುದಿಲ್ಲವೆಂದು ಶಿಕ್ಷಕ ಸಂಘಟನೆಗಳು

             ತಿರುವನಂತಪುರ: ರಾಜ್ಯ ಸರ್ಕಾರದ ಅಧ್ಯಯನ ಬೆಂಬಲ ಯೋಜನೆ ವಿರುದ್ಧ ವಿರೋಧ ಪಕ್ಷದ ಶಿಕ್ಷಕರ ಸಂಘಟನೆಗಳು ಧ್ವನಿಯೆತ್ತಿವೆ. ರಜೆಯ ಸಮಯದಲ್ಲಿ ಕಳಪೆ ಶೈಕ್ಷಣಿಕ ಗುಣಮಟ್ಟ ಹೊಂದಿರುವ 9ನೇ ತರಗತಿವರೆಗಿನ ವಿದ್ಯಾರ್ಥಿಗಳ ಮನೆಗೆ ತೆರಳಿ ಬೆಂಬಲ ನೀಡಿ ಅಗತ್ಯಬಿದ್ದರೆ ಮರು ಪರೀಕ್ಷೆ ನಡೆಸುವುದು ರಾಜ್ಯ ಸರ್ಕಾರದ ಪ್ರಸ್ತಾವನೆಯಾಗಿದೆ.

             ಚುನಾವಣಾ ಸಂದರ್ಭದಲ್ಲಿ ಜಾರಿಗೆ ತಂದಿರುವ ಹೊಸ ಸುಧಾರಣೆಯು ಸಾರ್ವಜನಿಕ ಶಿಕ್ಷಣ ಕ್ಷೇತ್ರವನ್ನು ಕಲುಷಿತಗೊಳಿಸುವ ಉದ್ದೇಶದಿಂದ ಕೂಡಿದೆ ಎಂದು ಸಂಘಟನೆಗಳು ಆರೋಪಿಸಿವೆ. ತನ್ನ ವೈಫಲ್ಯವನ್ನು ಮರೆಮಾಚಲು ಸರ್ಕಾರ ಹೊಸ ಯೋಜನೆ ರೂಪಿಸಿದೆ. ಇಷ್ಟು ದೊಡ್ಡ ಯೋಜನೆ ರೂಪಿಸುವಾಗ ಶಿಕ್ಷಕರ ಸಂಘಟನೆಗಳ ಜತೆ ಚರ್ಚಿಸುವ  ಅಗತ್ಯವಿತ್ತು. ಅದನ್ನು ನಿರ್ವಹಿಸಿಲ್ಲ. ಎಸ್‍ಸಿಇಆರ್‍ಟಿ ಮತ್ತು ಎಸ್‍ಎಸ್‍ಕೆ ಏಕಪಕ್ಷೀಯವಾಗಿ ತರಾತುರಿಯಲ್ಲಿ ಮತ್ತು ಯಾವುದೇ ಪೂರ್ವ ತಯಾರಿಯಿಲ್ಲದೆ ಯೋಜನೆಯನ್ನು ರೂಪಿಸಿವೆ.

             9 ನೇ ತರಗತಿಯವರೆಗೆ ಓದುತ್ತಿರುವ ಮಕ್ಕಳಲ್ಲಿ, ಸಾಮಾನ್ಯ ಮಾನದಂಡಗಳನ್ನು ತೋರಿಸದ ಡಿ ಮತ್ತು ಇ ಗ್ರೇಡ್ ಮಕ್ಕಳ ಮನೆಗಳಿಗೆ ಭೇಟಿ ನೀಡಬೇಕು ಮತ್ತು ಅವರ ಪೋಷÀಕರನ್ನು ಭೇಟಿ ಮಾಡಬೇಕು. ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ವಾರದಲ್ಲಿ ಒಂದು ಅಥವಾ ಎರಡು ದಿನ ಮಕ್ಕಳಿಗೆ ಪಾಠಗಳನ್ನು ಸೂಚಿಸಬೇಕು ಮತ್ತು ಕಲಿಕೆಯ ಬೆಂಬಲವನ್ನು ನೀಡಬೇಕು. ನಂತರ ಪರೀಕ್ಷೆ ನಡೆಸಬೇಕು ಎಂಬುದು ಸರ್ಕಾರದ ಹೊಸ ಯೋಜನೆ.  ಇದರ ವಿರುದ್ಧ ಕೆಪಿಎಸ್ ಟಿಎ, ಎನ್ ಟಿಯು ಮುಂತಾದ ಸಂಘಟನೆಗಳು ಪ್ರತಿಭಟನೆ ನಡೆಸಿವೆ. 

          ರಜಾ ದಿನಗಳಲ್ಲಿ ಶಿಕ್ಷಕರನ್ನು ವಿದ್ಯಾರ್ಥಿಗಳ ಮನೆಗೆ ಕಳಿಸುವ ಕ್ರಮ ಇದಾಗಿದ್ದು, ಚುನಾವಣೆ ಉದ್ದೇಶದಿಂದ ಈ ಯೋಜನೆ ರೂಪಿಸಲಾಗಿದ್ದು, ಇದರ ವಿರುದ್ಧ ಚುನಾವಣಾ ಆಯೋಗಕ್ಕೆ ದೂರು ಸಲ್ಲಿಸುವುದಾಗಿ ಸಂಘಟನೆಗಳು ಮಾಹಿತಿ ನೀಡಿವೆ.