ಗಾಜಾ: ಖಾನ್ ಯೂನಿಸ್‌ನಿಂದ ಹಿಂದೆ ಸರಿದ ಇಸ್ರೇಲ್ ಸೇನೆ

          ಜೆರುಸಲೇಂ: ಗಾಜಾ ಪಟ್ಟಿಯ ದಕ್ಷಿಣದಲ್ಲಿ ಇರುವ ಖಾನ್ ಯೂನಿಸ್ ನಗರದಿಂದ ಸೇನಾಪಡೆಯನ್ನು ಹಿಂದಕ್ಕೆ ಕರೆಸಿಕೊಂಡಿರುವುದಾಗಿ ಇಸ್ರೇಲ್ ಮಿಲಿಟರಿ ಭಾನುವಾರ ತಿಳಿಸಿದೆ.

            ಈ ನಡೆಯ ಪರಿಣಾಮವಾಗಿ ಈ ಪ್ರದೇಶದಲ್ಲಿರುವ ಇಸ್ರೇಲ್‌ನ ಸೇನಾ ಸಿಬ್ಬಂದಿಯ ಸಂಖ್ಯೆಯು ಹಮಾಸ್ ವಿರುದ್ಧದ ಸಮರ ಆರಂಭವಾದ ನಂತರದಲ್ಲಿನ ಕಡಿಮೆ ಮಟ್ಟ ತಲುಪಿದೆ.

            ಹಮಾಸ್ ಬಂಡುಕೋರರ ಕಡೆಯ ಭದ್ರನೆಲೆಯಾಗಿರುವ ರಫಾ ಮೇಲೆ ದಾಳಿ ನಡೆಸಲು ಸೇನೆ ಸಿದ್ಧತೆ ನಡೆಸುತ್ತಿದ್ದು ಅದಕ್ಕೆ ಪೂರಕವಾಗಿ ಸೇನಾ ಸಿಬ್ಬಂದಿಯ ಪುನರ್ ವಿಂಗಡಣೆ ಪ್ರಕ್ರಿಯೆ ನಡೆಯುತ್ತಿದೆ ಎಂದು ರಕ್ಷಣಾ ಅಧಿಕಾರಿಗಳು ಹೇಳಿದ್ದಾರೆ.

             ಗಾಜಾದಲ್ಲಿ ಇಸ್ರೇಲ್‌ನ ಸೇನಾ ಸಿಬ್ಬಂದಿ ಗಣನೀಯ ಸಂಖ್ಯೆಯಲ್ಲಿ ಇದ್ದಾರೆ. ಅವರು ಖಾನ್ ಯೂನಿಸ್ ಸೇರಿದಂತೆ ಹಲವು ಪ್ರದೇಶಗಳ ಮೇಲೆ ನಿರ್ದಿಷ್ಟವಾಗಿ ಗುರಿ ಇರಿಸಿ ಕಾರ್ಯಾಚರಣೆ ಮುಂದುವರಿಸುತ್ತಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.