ಮಾಸಿಕ ಲಂಚ ಪ್ರಕರಣ: ನಿಲುವು ಬದಲಿಸಿದ ಮ್ಯಾಥ್ಯೂ ಕುಜಲನಾಡನ್: ಒಂದು ನಿರ್ಧಾರ ತಿಳಿಸುವಂತೆ ಸೂಚಿಸಿದ ನ್ಯಾಯಾಲಯ

                   ತಿರುವನಂತಪುರಂ: ಮಾಸಿಕ ಲಂಚ ವಿತರಣೆ ಪ್ರಕರಣದಲ್ಲಿ ಕಾಂಗ್ರೆಸ್ಸ್ ನಾಯಕ, ಶಾಸಕ ಮಾಥ್ಯು ಕುಜಲನಾಡನ್ ತಮ್ಮ ನಿಲುವು ಬದಲಿಸಿದ್ದಾರೆ. ಮುಖ್ಯಮಂತ್ರಿ ಹಾಗೂ ಅವರ ಪುತ್ರಿ ವೀಣಾ ವಿಜಯನ್ ವಿರುದ್ಧ ವಿಜಿಲೆನ್ಸ್ ತನಿಖೆ ನಡೆಸಬೇಕು ಎಂಬ ಹಳೆಯ ನಿಲುವು ಹಿಂಪಡೆಯಲಾಗಿದೆ. ನ್ಯಾಯಾಲಯವು ನೇರ ತನಿಖೆ ನಡೆಸಬೇಕು ಎಂಬುದು ಸದ್ಯದ ನಿಲುವು.

                 ಪ್ರಕರಣದಲ್ಲಿ ವಿಜಿಲೆನ್ಸ್ ತನಿಖೆ ನಡೆಸುವಂತೆ ಕೋರಿ ಕುಜಲನಾಡನ್ ವಿಜಿಲೆನ್ಸ್ ನ್ಯಾಯಾಲಯ ಸಲ್ಲಿಸಿದ್ದ ಅರ್ಜಿಯಲ್ಲಿ ಇಂದು ಆದೇಶ ಹೊರಡಿಸಿದಾಗ ಹೊಸ ನಡೆ ಬಂದಿದೆ. ತಿರುವನಂತಪುರಂ ವಿಜಿಲೆನ್ಸ್ ಕೋರ್ಟ್ ಕುಜಲನಾಡನ್ ಯಾವುದೇ ನಿರ್ಧಾರಕ್ಕೆ ದೃಢವಾಗಿ ನಿಲ್ಲುವಂತೆ ಎಚ್ಚರಿಕೆ ನೀಡಿದೆ. ಅರ್ಜಿಯ ವಿಚಾರಣೆಯನ್ನು ಈ ತಿಂಗಳ 12ಕ್ಕೆ ತೀರ್ಪಿಗಾಗಿ ಮುಂದೂಡಲಾಗಿದೆ.

                   ಫೆ.29ರಂದು ಮ್ಯಾಥ್ಯೂ ಕುಜಲನಾಡನ್ ಅವರು ಪ್ರಕರಣದಲ್ಲಿ ವಿಜಿಲೆನ್ಸ್ ತನಿಖೆಗೆ ಕೋರಿ ಅರ್ಜಿ ಸಲ್ಲಿಸಿದ್ದರು. ಸಿಎಂಆರ್ ಎಲ್ ಕಂಪನಿಗೆ ಕಪ್ಪು ಮರಳು ಗಣಿಗಾರಿಕೆಗೆ ಅನುಮತಿ ನೀಡಿದ್ದಕ್ಕೆ ಮುಖ್ಯಮಂತ್ರಿ ಪುತ್ರಿ ಮಾಸಿಕ ವೇತನ ಪಡೆದಿದ್ದಾರೆ ಎಂಬ ಆರೋಪ ಮಾಡಿ  ಮುಖ್ಯಮಂತ್ರಿ ಮತ್ತು ಅವರ ಪುತ್ರಿ ಸೇರಿದಂತೆ ಏಳು ಜನರ ವಿರುದ್ಧ ಅರ್ಜಿ ಸಲ್ಲಿಸಿದ್ದರು. ಆದರೆ ಪ್ರಕರಣವನ್ನು ವಿಜಿಲೆನ್ಸ್ ತನಿಖೆ ನಡೆಸಬಾರದು ಮತ್ತು ನ್ಯಾಯಾಲಯ ನೇರವಾಗಿ ತನಿಖೆ ನಡೆಸಬೇಕು ಎಂಬುದು ಮ್ಯಾಥ್ಯೂ ಕುಜಲನಾಡನ್ ಅವರ ಈಗಿನ ವಾದವಾಗಿದೆ.