ಉಕ್ರೇನ್‌ನಲ್ಲಿ ಅಮೆರಿಕದ ಪತ್ರಕರ್ತ ನಾಪತ್ತೆ

              ಮಾಸ್ಕೊ: ರಷ್ಯಾದ ನಿಯಂತ್ರಣದಲ್ಲಿರುವ ಪೂರ್ವ ಉಕ್ರೇನ್‌ನಲ್ಲಿ ಅಮೆರಿಕದ ಪತ್ರಕರ್ತ ರಸ್ಸೆಲ್ ಬೆಂಟ್ಲಿ ನಾಪತ್ತೆಯಾಗಿದ್ದು, ಶೋಧಕಾರ್ಯ ನಡೆಯುತ್ತಿದೆ ಎಂದು ಸ್ಥಳೀಯ ಪೊಲೀಸರು ಶುಕ್ರವಾರ ತಿಳಿಸಿದರು.

             ಬೆಂಟ್ಲಿ ಅವರು ಏ.8ರಿಂದ ನಾಪತ್ತೆಯಾಗಿದ್ದಾರೆ. ಇವರು ಉಕ್ರೇನ್‌ನಲ್ಲಿ ರಷ್ಯಾದ ಬೆಂಬಲಿತ ಪಡೆಗಳ ಸ್ವಯಂ ಘೋಷಿತ ಬೆಂಬಲಿಗರಾಗಿದ್ದರು.

                 ರಷ್ಯಾದ ಮಾಧ್ಯಮವು ಇವರನ್ನು ಯುದ್ಧ ಬಾತ್ಮಿದಾರರು ಎಂದು ಕರೆಯುತ್ತಿತ್ತು. ಬೆಂಟ್ಲಿ ಕೊನೆಯದಾಗಿ ಕಾಣಿಸಿಕೊಂಡ ಸ್ಥಳದ ಬಗ್ಗೆ ಅಧಿಕಾರಿಗಳು ಯಾವುದೇ ಮಾಹಿತಿ ನೀಡಿಲ್ಲ.