'ವೇಗ ರಹಿತ ಇಂಟರ್ನೆಟ್: ಕೆ-ಪೋನ್ ಬಿಲ್ ಪಾವತಿಸಲು ನಿರ್ದೇಶನ

                 ತಿರುವನಂತಪುರಂ: ಕೆ-ಪೋನ್ ಮೂಲಕ ಇಂಟರ್ ನೆಟ್ ಸೇವೆ ಬಸವನ ಹುಳದ ವೇಗದಲ್ಲಿ ಲಭಿಸುವುದಾದರೂ ಬಿಲ್ ಪಾವತಿಸಬೇಕು ಎಂದು ರಾಜ್ಯ ಸರ್ಕಾರ ಪಟ್ಟು ಹಿಡಿಯುತ್ತಿದೆ.

                  ಕೆ-ಪೋನ್ ಇಂಟರ್ನೆಟ್ ಬಳಸುವ ಸರ್ಕಾರಿ ಕಚೇರಿಗಳು ಮತ್ತು ಶಾಲೆಗಳು ತಕ್ಷಣವೇ ಬಿಲ್ ಪಾವತಿಸುವಂತೆ ಸೂಚಿಸಲಾಗಿದೆ.  ಅಡೆತಡೆಗಳು ಅಥವಾ ನಿಧಾನಗತಿಯ ವೇಗದಲ್ಲಿಒ ನಿಷ್ಪ್ರಯೋಜಕ ಹಂತದಲ್ಲಿದ್ದರೂ ತುರ್ತು ಸಂದರ್ಭಗಳಲ್ಲಿ ಕೆ-ಪೋನ್ ಅನ್ನು ಪ್ರಾಥಮಿಕ ಇಂಟರ್ನೆಟ್ ಸಂಪರ್ಕವಾಗಿ ಬಳಸಬೇಕು. ಇತರ ಇಂಟರ್‍ನೆಟ್ ಸಂಪರ್ಕಗಳನ್ನು ಬಳಸುವ ಕಚೇರಿಗಳ ಬಗ್ಗೆ ಸರ್ಕಾರಕ್ಕೆ ತಿಳಿಸಲು ಸೂಚಿಸಲಾಗಿದೆ.

               ಸರ್ಕಾರ ಕೈಗೊಂಡ ವಿಫಲ ಯೋಜನೆಗಳಲ್ಲಿ ಕೆ-ಪೋನ್ ಯೋಜನೆಯೂ ಪ್ರಮುಖವಾಗಿದೆ. ಡಿಸೆಂಬರ್ ವರೆಗೆ 30,000 ಸರ್ಕಾರಿ ಕಚೇರಿಗಳಿಗೆ ಕೆ-ಪೋನ್ ತಲುಪಿಸುವ ಗುರಿಯಲ್ಲಿ 18,000 ಸಂಪರ್ಕಗಳನ್ನು ಮಾತ್ರ ನೀಡಲಾಗಿದೆ. ಬಡತನ ರೇಖೆಗಿಂತ ಕೆಳಗಿರುವವರಿಗೆ 14,000 ಉಚಿತ ಸಂಪರ್ಕ ಕಲ್ಪಿಸಲು ಉದ್ದೇಶಿಸಿದ್ದರೂ, 5,000 ಸಂಪರ್ಕವನ್ನೂ ನೀಡಲು ಈವರೆಗೆ ಸಾಧ್ಯವಾಗಿಲ್ಲ. 

                 ಕೆ-ಪೋನ್ ಅನ್ನು ಪವರ್ ಮಾಡಲು, 20 ಎಂಬಿಪಿಎಸ್ ನಿಂದ 250 ಎಂಬಿಪಿಎಸ್ ವರೆಗಿನ ಇಂಟರ್ನೆಟ್ ವೇಗವನ್ನು ಪಡೆಯುವ ಯೋಜನೆಗಳನ್ನು ಪರಿಚಯಿಸಲಾಗಿತ್ತು. ಮೂರು ತಿಂಗಳಿಗೆ ಬಾಡಿಗೆ 1,794 ರೂ.ನಿಂದ 7,494 ರೂ. ಆದರೆ ಕೆ-ಪೋನ್ ಅಗತ್ಯವಿರುವವರಿಗೆ ವೇಗದ ಇಂಟರ್ನೆಟ್ ಒದಗಿಸಲು ಸಾಧ್ಯವಾಗಲಿಲ್ಲ.