ಲೋಕಸಮರ: ಇತಿಹಾಸ: ಲೋಕಸಭೆಗೆ ಆಯ್ಕೆಯಾದ ಕೇರಳದ ಮಹಿಳಾ ನೇತಾರೆಯರು

                ಭಾರತದ ಆಡಳಿತಾಂಗ ಲೋಕಸಭೆಗೆ ಇದುವರೆಗೆ 17 ಸಾರ್ವತ್ರಿಕ ಚುನಾವಣೆಗಳು ನಡೆದಿವೆ. 1952 ರಲ್ಲಿ ತಿರುಕೊಚ್ಚಿಯಿಂದ 11 ಜನರು ಲೋಕಸಭೆ ಪ್ರತಿನಿಧಿಸಿದ್ದರು. 1957ರಲ್ಲಿ ಎರಡನೇ ಚುನಾವಣೆ ನಡೆದಾಗ ಕೇರಳ ರಾಜ್ಯೋದಯವಾಯಿತು. 

         ಎರಡನೇ ಚುನಾವಣೆಯಲ್ಲಿ ಇದ್ದ ಸ್ಥಾನಗಳ ಸಂಖ್ಯೆ 16. ಮೂರನೇ ಚುನಾವಣೆಯಲ್ಲಿ (1962) ಸ್ಥಾನ 18 ಆಯಿತು. 1967 ಮತ್ತು 1971ರಲ್ಲಿ ಕೇರಳದಲ್ಲಿ 19 ಸ್ಥಾನಗಳಿದ್ದವು. 1977 ರಿಂದ 12 ಚುನಾವಣೆಗಳು ಮತ್ತು 20 ಸ್ಥಾನಗಳು. ಲೆಕ್ಕಾಚಾರದ ಪ್ರಕಾರ ಕೇರಳಕ್ಕೆ 283 ಮಂದಿಯನ್ನು ಲೋಕಸಭೆಗೆ ಕಳುಹಿಸುವ ಅವಕಾಶ ಸಿಕ್ಕಿದೆ. ಇದಲ್ಲದೇ ಸುಮಾರು 10 ಉಪಚುನಾವಣೆಗಳು ನಡೆದಿವೆ.

             ಏಳು ದಶಕಗಳಲ್ಲಿ ಕೇವಲ 9 ಕೇರಳೀಯ ಮಹಿಳೆಯರು ಲೋಕಸಭೆಯನ್ನು ತಲುಪಿದ್ದಾರೆ. ಒಟ್ಟು ಕಳುಹಿಸಿದ ಸದಸ್ಯರಲ್ಲಿ ಶೇಕಡ ನಾಲ್ಕರಷ್ಟೂ ಇಲ್ಲ. ಕೇರಳದಲ್ಲಿ ಪುರುಷ ಮತದಾರರಿಗಿಂತ ಮಹಿಳಾ ಮತದಾರರ ಸಂಖ್ಯೆ ಹೆಚ್ಚಿರುವ ಸಂದರ್ಭದಲ್ಲೂ ಈ ಮಟ್ಟದ ಶೇಕಡಾವಾರು ಒಂದು ಅಚ್ಚರಿಯೆ. 1952ರ ಮೊದಲ ಚುನಾವಣೆಯಲ್ಲಿ ಲೋಕಸಭೆಯ ಪ್ರಾತಿನಿಧ್ಯ ಶೇ.5ರಷ್ಟಿತ್ತು. ಈಗ ಅದು ಶೇ 15ರಷ್ಟಿದೆ.

            ಮೊದಲ ಚುನಾವಣೆಯಲ್ಲಿ ತಿರುವನಂತಪುರದಿಂದ ಸ್ವತಂತ್ರ ಅಭ್ಯರ್ಥಿಯಾಗಿ ಗೆದ್ದಿದ್ದ ಅನ್ನಿ ಮಾಸ್ಕ್ರೀನ್ ಲೋಕಸಭೆಯಲ್ಲಿ ಕೇರಳದಿಂದ ಪ್ರತಿನಿಧಿಸಿದ ಮೊದಲ ಮಹಿಳೆ. ಮೊದಲ ಲೋಕಸಭೆಯ ಹತ್ತು ಮಹಿಳಾ ಲೋಕಸಭಾ ಸದಸ್ಯರಲ್ಲಿ ಅನ್ನೆ ಮಸ್ಕ್ರೀನ್ ಒಬ್ಬರು. ಪರವೂರು ಟಿ.ಕೆ.ನಾರಾಯಣಪಿಳ್ಳೆ ನೇತೃತ್ವದ ಸಂಪುಟದಲ್ಲಿ ತಿರು ಕೊಚ್ಚಿ ವಿಧಾನಸಭೆಯ ಸದಸ್ಯರಾಗಿ ಆರೋಗ್ಯ ಮತ್ತು ವಿದ್ಯುತ್ ಸಚಿವರಾಗಿದ್ದ ಅವರು 1957ರಲ್ಲಿ ಮತ್ತೆ ಚುನಾವಣೆಗೆ ಸ್ಪರ್ಧಿಸಿ ಸೋತರು.

          1967ರಲ್ಲಿ 10 ವರ್ಷಗಳ ಕಾಲ ಕೇರಳದ ಹೆಣ್ಣಿನ ಧ್ವನಿ ಲೋಕಸಭೆಯಲ್ಲಿ ಸುಶೀಲಾ ಗೋಪಾಲನ್ ಅವರ ಮೂಲಕ ಕೇಳಿಬಂದಿತ್ತು. ಸುಶೀಲಾ ಗೋಪಾಲನ್ ಅವರು 1967 ರಲ್ಲಿ ಅಂಬಲಪುಳ, 1980 ರಲ್ಲಿ ಆಲಪ್ಪುಳ ಮತ್ತು 1991 ರಲ್ಲಿ ಚಿರೈನ್‍ಕೀಜ್‍ನಿಂದ ಮೂರು ಬಾರಿ ಲೋಕಸಭೆಯನ್ನು ತಲುಪಿದರು. ಸುಶೀಲಾ-ಎ.ಕೆ.ಗೋಪಾಲನ್ ದಂಪತಿ ಲೋಕಸಭೆಗೆ ಬಂದ ಮೊದಲ ಜೋಡಿ ಕೂಡ(ನಿನ್ನೆಯ ಅವತರಣಿಕೆಯಲ್ಲಿ ಈ ವಿವರಣೆ ಇದೆ.). 1967ರಲ್ಲಿ ಪಾಲಕ್ಕಾಡ್‍ನಿಂದ ಎ.ಕೆ.ಗೋಪಾಲನ್ ಮತ್ತು ಅಂಬಲಪುಳದಿಂದ ಅವರ ಪತ್ನಿ ಸುಶೀಲಾ ಗೋಪಾಲನ್ ಗೆದ್ದಿದ್ದರು. 67ಕ್ಕೂ ಮುನ್ನ ಎಕೆಜಿ ಕಾಸರಗೋಡಿನಿಂದ ಮೂರು ಬಾರಿ ಹಾಗೂ ಕಣ್ಣೂರಿನ ಒಂದುಬಾರಿ ಪ್ರತಿನಿಧಿಸಿದ್ದರು. 

             1989ರಲ್ಲಿ ಮುಕುಂದಪುರಂ ಕ್ಷೇತ್ರದಿಂದ ಗೆದ್ದಿದ್ದ ಕಾಂಗ್ರೆಸ್‍ನ ಸಾವಿತ್ರಿ ಲಕ್ಷ್ಮಣನ್ ಅವರು 1991ರಲ್ಲಿ ಲೋಕಸಭೆಯಲ್ಲೂ ವಿಜಯಿಯಾಗಿದ್ದರು. ಸುಶೀಲಾ ಗೋಪಾಲನ್ ಕೂಡ ಆ ಬಾರಿ ಗೆದ್ದರು, ಮೊದಲ ಬಾರಿಗೆ ಮಹಿಳಾ ಪ್ರಾತಿನಿಧ್ಯ ಏಕಕಾಲದಲ್ಲಿ ಆಗ ಎರಡಾಯಿತು.  1998ರಲ್ಲಿ ವಡಕರದಿಂದ ಸಿಪಿಎಂನ ಪ್ರೊ.ಎ. ಕೆ. ಪ್ರೇಮಜಂ ಗೆದ್ದಿದ್ದಾರೆ. 1999ರಲ್ಲಿ ಪ್ರೇಮಜಂ ಮತ್ತೆ ಲೋಕಸಭೆಗೆ ಆಯ್ಕೆಯಾಗಿದ್ದರು. 2004ರ ಚುನಾವಣೆಯಲ್ಲಿ ಸಿ.ಪಿ.ಎಂ. ಪಿ.ಪಿ. ಸತೀದೇವಿ ಅವರನ್ನು ವಡಗರದಿಂದ ಹಾಗೂ ಸಿ.ಎಸ್. ಸುಜಾತಾ ಅವರು ಮಾವೇಲಿಕರದಿಂದ ಲೋಕಸಭೆಗೆ ಆಗಮಿಸಿದರು.

          2014ರ ಚುನಾವಣೆಯಲ್ಲಿ ಕಣ್ಣೂರಿನಿಂದ ಸಿಪಿಎಂನ ಪಿ.ಕೆ.ಶ್ರೀಮತಿ ಟೀಚರ್  ಆಲತ್ತೂರಿನಿಂದ ಕಾಂಗ್ರೆಸ್‍ನ ಶ್ರೀಮತಿ ರಮ್ಯಾ ಹರಿದಾಸ್ 2019 ರಲ್ಲಿ ಲೋಕಸಭೆಯನ್ನು ತಲುಪಿದರು.

           ಪಾಲಕ್ಕಾಡ್ ಮೂಲದ ಅಮ್ಮು ಸ್ವಾಮಿನಾಥನ್ 1952ರಲ್ಲಿ ತಮಿಳುನಾಡಿನ ದಿಂಡಿಗಲ್ ನಿಂದ ಲೋಕಸಭೆಗೆ ಗೆದ್ದಿದ್ದರು.