ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆ: ಸಿ-ವಿಜಿಲ್ ಗೆ ಒಂದು ಲಕ್ಷ ದೂರು

                 ತಿರುವನಂತಪುರಂ: ಲೋಕಸಭೆ ಚುನಾವಣೆ ನೀತಿ ಸಂಹಿತೆ ಉಲ್ಲಂಘನೆಯ ದೂರುಗಳ ವರದಿಗಾಗಿ ಚುನಾವಣಾ ಆಯೋಗ ಸ್ಥಾಪಿಸಿರುವ ಸಿ ವಿಜಿಲ್ ಮೊಬೈಲ್ ಆ್ಯಪ್ ಮೂಲಕ ರಾಜ್ಯದಲ್ಲಿ ಇದುವರೆಗೆ 1,07,202 ದೂರುಗಳು ಬಂದಿವೆ ಎಂದು ಮುಖ್ಯ ಚುನಾವಣಾಧಿಕಾರಿ ಸಂಜಯ್ ಕೌಲ್ ಮಾಹಿತಿ ನೀಡಿದ್ದಾರೆ.

               ಈ ಪೈಕಿ 1,05,356 ದೂರುಗಳು ನಿಜವೆಂದು ಕಂಡುಬಂದು ಕ್ರಮ ಕೈಗೊಳ್ಳಲಾಗಿದೆ. 183 ದೂರುಗಳ ಮೇಲೆ ಕ್ರಮ ಪ್ರಗತಿಯಲ್ಲಿದೆ. ಇದು ಚುನಾವಣಾ ಅಧಿಸೂಚನೆ ಹೊರಡಿಸಿದ ಮಾರ್ಚ್ 16ರಿಂದ ಏಪ್ರಿಲ್ 7ರವರೆಗಿನ ಅಂಕಿ ಅಂಶ.

              ಅನಧಿಕೃತ ಪೋಸ್ಟರ್ ಮತ್ತು ಬ್ಯಾನರ್ ಗಳ ಬಗ್ಗೆ 93,540 ದೂರುಗಳು ಬಂದಿದ್ದರೆ, ಆಸ್ತಿ ವಿರೂಪಕ್ಕೆ ಸಂಬಂಧಿಸಿದಂತೆ 5,908 ದೂರುಗಳು ಬಂದಿವೆ. ಕಡ್ಡಾಯ ಮಾಹಿತಿ ಇಲ್ಲದ ಪೋಸ್ಟರ್‍ಗಳ ಬಗ್ಗೆ 2,150 ದೂರುಗಳು ಮತ್ತು ಅನಧಿಕೃತ ವಾಹನಗಳ ಬಳಕೆಗೆ ಸಂಬಂಧಿಸಿದಂತೆ 177 ದೂರುಗಳು ಬಂದಿವೆ. ಸಿವಿ ವಿಜಿಲ್‍ಗೆ ಹಣ ಹಂಚಿಕೆ (29), ಮದ್ಯ ವಿತರಣೆ (32), ಉಡುಗೊರೆ ನೀಡುವುದು (24), ಶಸ್ತ್ರಾಸ್ತ್ರಗಳ ಪ್ರದರ್ಶನ (110), ದ್ವೇಷದ ಭಾಷಣ (19), ಸಮಯ ಮಿತಿಯ ನಂತರ ಸ್ಪೀಕರ್ ಬಳಕೆ (10) ಕುರಿತು ದೂರುಗಳು ಬಂದಿವೆ.  1,663 ದೂರುಗಳನ್ನು ವಸ್ತುಸ್ಥಿತಿಯ ಕೊರತೆಯೆಂದು ವಜಾಗೊಳಿಸಲಾಗಿದೆ.

              ನೀತಿ ಸಂಹಿತೆ ಉಲ್ಲಂಘನೆಯ ಬಗ್ಗೆ ಯಾವುದೇ ದೂರುಗಳಿದ್ದಲ್ಲಿ ಆಫ್ ಮೂಲಕ  ಸಿ ವಿಜಿಲ್ (ನಾಗರಿಕರ ಜಾಗರಣೆ) ಅರ್ಜಿಯ ಮೂಲಕ ತಿಳಿಸಬಹುದು ಎಂದು ಚುನಾವಣಾಧಿಕಾರಿ ತಿಳಿಸಿದರು. ಆ್ಯಪ್ ಮೂಲಕ ಕಳುಹಿಸಲಾದ ದೂರುಗಳಿಗೆ ತಕ್ಷಣವೇ ಕ್ರಮ ಕೈಗೊಳ್ಳಲಾಗುವುದು. ಉಲ್ಲಂಘನೆಗಳ ಪೋಟೋ ಮತ್ತು ಎರಡು ನಿಮಿಷಗಳಿಗಿಂತ ಹೆಚ್ಚಿಲ್ಲದ ವೀಡಿಯೊದೊಂದಿಗೆ ಕಿರು ಟಿಪ್ಪಣಿಯೊಂದಿಗೆ ಸಲ್ಲಿಸಿದ ದೂರುಗಳ ಮೇಲೆ 100 ನಿಮಿಷಗಳಲ್ಲಿ ಕ್ರಮ ಕೈಗೊಳ್ಳಲಾಗುತ್ತದೆ.