ಎಡ ಮತ್ತು ಬಲ ರಂಗಗಳ ದೋಷಪೂರಿತ ಆರ್ಥಿಕ ನೀತಿ ಕೇರಳವನ್ನು ನಾಶ ಮಾಡಿದೆ: ಫಡ್ನವಿಸ್

                   ಕೊಲ್ಲಂ: ನರೇಂದ್ರ ಮೋದಿ ಸರ್ಕಾರದ ಅಭಿವೃದ್ಧಿ ಸಾಧನೆಗಳಲ್ಲಿ ದೇಶ ವಿಜೃಂಭಿಸುತ್ತಿದ್ದರೆ, ಆರ್ಥಿಕ ಕ್ಷೇತ್ರ ಸೇರಿದಂತೆ ಕೇರಳ ಕುಸಿಯುತ್ತಿದ್ದು, ಎಡ ಮತ್ತು ಬಲ ರಂಗಗಳ ದೋಷಪೂರಿತ ಆರ್ಥಿಕ ನೀತಿಯೇ ಇದಕ್ಕೆ ಕಾರಣ ಎಂದು ಮಹಾರಾಷ್ಟ್ರ ಉಪ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಹೇಳಿದರು. 

                ಕೊಲ್ಲಂ ಲೋಕಸಭಾ ಕ್ಷೇತ್ರದ ಎನ್‍ಡಿಎ ಅಭ್ಯರ್ಥಿ ಜಿ. ಕೃಷ್ಣಕುಮಾರ್ ಅವರ ಚುನಾವಣಾ ಸಮಾವೇಶವನ್ನು ಭಾನುವಾರ ಉದ್ಘಾಟಿಸಿ ಅವರು ಮಾತನಾಡಿದರು.

                ಪ್ರಧಾನಿ ನರೇಂದ್ರ ಮೋದಿಯವರ ನೇತೃತ್ವದಲ್ಲಿ ಭಾರತವು ವಿಶ್ವದ ಪ್ರಮುಖ ಆರ್ಥಿಕ ಶಕ್ತಿಗಳಲ್ಲಿ ಒಂದಾಗಿ ಹೊರಹೊಮ್ಮುತ್ತಿದೆ. ಮುಂದಿನ ಐದು ವರ್ಷಗಳಲ್ಲಿ ಭಾರತ ಮೂರನೇ ಅತಿದೊಡ್ಡ ಆರ್ಥಿಕ ಶಕ್ತಿಯಾಗಲಿದೆ. ಆದರೆ, ಕೇರಳ ಆರ್ಥಿಕ ಕುಸಿತದಲ್ಲಿ ಮುಳುಗುತ್ತಿದೆ. ಇಲ್ಲಿನ ಆಡಳಿತಗಾರರು ಶ್ರೀಸಾಮಾನ್ಯನ ಹಣವನ್ನು ಲೂಟಿ ಮಾಡುತ್ತಿದ್ದಾರೆ. ಕೇರಳವು ಅತ್ಯಂತ ಕೆಟ್ಟ ಬಜೆಟ್ ವ್ಯವಸ್ಥೆಯನ್ನು ಹೊಂದಿದೆ. ಕೇಂದ್ರದಿಂದ ಸಾಲ ಪಡೆಯುವ ಕೇರಳದ ಕ್ರಮವನ್ನು ಸುಪ್ರೀಂ ಕೋರ್ಟ್ ಕೂಡ ಬೆಂಬಲಿಸಲಿಲ್ಲ. ಕೇಂದ್ರ ಸರ್ಕಾರ ನೀಡುವ ಹಣವನ್ನು ರಾಜ್ಯ ಸರ್ಕಾರ ಜನ ಸಾಮಾನ್ಯರಿಗೆ ಖರ್ಚು ಮಾಡುತ್ತಿಲ್ಲ. ಕೇಂದ್ರದ ಯೋಜನೆಗಳು ರಾಜ್ಯದಲ್ಲಿ ಜಾರಿಯಾಗುತ್ತಿಲ್ಲ ಏಕೆಂದರೆ ಈ ಹಣ ಸಾಮಾನ್ಯ ಜನರಿಗೆ ತಲುಪಿದರೆ ಅವರು ಬಿಜೆಪಿಯನ್ನು ಬೆಂಬಲಿಸುತ್ತಾರೆ.

            ಕೇರಳ ದೇಶವಿರೋಧಿ ಶಕ್ತಿಗಳ ತಾಣವಾಗುತ್ತಿದೆ. ವೋಟ್ ಬ್ಯಾಂಕ್ ರಾಜಕಾರಣಕ್ಕಾಗಿ ರಾಜ್ಯದಲ್ಲಿ ಎಡ ಮತ್ತು ಬಲ ರಂಗಗಳು ಅವರನ್ನು ಬೆಂಬಲಿಸುತ್ತಿವೆ. ನರೇಂದ್ರ ಮೋದಿಯವರು ದೇಶವಿರೋಧಿ ಶಕ್ತಿಗಳನ್ನು ನಾಶಮಾಡಲು ಪ್ರಯತ್ನಿಸುತ್ತಿದ್ದರೆ, ಕೇರಳದಲ್ಲಿ ಅವರನ್ನು ಪೋಷಿಸಲು ಪ್ರಯತ್ನಿಸುತ್ತಿದ್ದಾರೆ ಎಂದರು.

            ಭಾರತ್ ಮಾತಾ ಕಿ ಜೈ ಎಂದು ಕೂಗುವವರೇ ಗೆಲ್ಲಬೇಕೇ ಹೊರತು ಪಾಕಿಸ್ತಾನ, ಚೀನಾಕ್ಕೆ ಜೈ ಎಂದು ಕೂಗುವವರಲ್ಲ. ಆದ್ದರಿಂದ, ಇದು ಸರಿಯಾದ ಸಮಯ. ಕೇರಳದ ಬದಲಾವಣೆ ಮತ್ತು ಮುಂದಿನ ಪೀಳಿಗೆಯ ಉನ್ನತಿಗಾಗಿ ಈ ಬಾರಿ ಮೋದಿಗೆ ಮತ ನೀಡಿ.

ಕಳೆದ 10 ವರ್ಷಗಳ ನರೇಂದ್ರ ಮೋದಿ ಆಡಳಿತದಿಂದ ಜನರು ತೃಪ್ತರಾಗಿದ್ದಾರೆ. ಭ್ರμÁ್ಟಚಾರ ಮುಕ್ತ ಮತ್ತು ಉತ್ತಮ ಆಡಳಿತದ 10 ವರ್ಷಗಳು ಕಳೆದಿವೆ. ನರೇಂದ್ರ ಮೋದಿಯವರು 140 ಕೋಟಿ ಜನರನ್ನು ಸ್ವಂತ ಕುಟುಂಬದವರಂತೆ ಕಂಡಿದ್ದಾರೆ. ಅರ್ಥಶಾಸ್ತ್ರಜ್ಞರನ್ನೂ ನಿಬ್ಬೆರಗಾಗಿಸುವಂತಹ ಅಭಿವೃದ್ಧಿ ಕಾರ್ಯಗಳನ್ನು ನರೇಂದ್ರ ಮೋದಿ ಭಾರತದಲ್ಲಿ ನಡೆಸುತ್ತಿದ್ದಾರೆ.

              ಈ ಅಭಿವೃದ್ಧಿ ಮಸೂದೆಯ ಆಯವ್ಯಯದಂತೆ 400ಕ್ಕೂ ಹೆಚ್ಚು ಸ್ಥಾನಗಳನ್ನು ಗೆದ್ದು ಈ ಬಾರಿ ಮೋದಿ ಸರ್ಕಾರ ಅಧಿಕಾರಕ್ಕೆ ಬರಲಿದೆ. ರಾಷ್ಟ್ರಮಟ್ಟದಲ್ಲಿ ಕಾಂಗ್ರೆಸ್ ಮತ್ತು ಎಡಪಕ್ಷಗಳದ್ದು ಒಂದೇ ಅಜೆಂಡಾ. ಇದು ಅವಕಾಶವಾದದ ಮೈತ್ರಿ ಮತ್ತು ಪಿತೃಪ್ರಭುತ್ವದ ಮೈತ್ರಿ ಎಂದು ಹೇಳಿದರು.             ಎನ್‍ಡಿಎ ಅಧ್ಯಕ್ಷ ಬಿ.ಬಿ. ಗೋಪಕುಮಾರ್ ಅಧ್ಯಕ್ಷತೆ ವಹಿಸಿದ್ದರು. ಸಂಚಾಲಕ ಪಚ್ಚೈಲ್ ಸಂದೀಪ್, ಅಭ್ಯರ್ಥಿ ಜಿ. ಕೃಷ್ಣಕುಮಾರ್.ಜಿ, ಕೊಲ್ಲಂ ಲೋಕಸಭೆ ಪ್ರಭಾರಿ ಕೆ. ಸೋಮನ್, ಶಿವಸೇನೆ ರಾಜ್ಯಾಧ್ಯಕ್ಷ ಪೇರೂರ್ಕಡ ಹರಿಕುಮಾರ್, ಕೇರಳ ಕಾಂಗ್ರೆಸ್ ಸೆಕ್ಯುಲರ್ ರಾಜ್ಯಾಧ್ಯಕ್ಷ ಕಲ್ಲಡ ದಾಸ್, ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಎಸ್. ಪ್ರಶಾಂತ್ ಮತ್ತಿತರರು ಮಾತನಾಡಿದರು.