ವಿಷು: ಅರ್ಧ ಸಂಬಳ: ವಿಶಿಷ್ಟ ರೀತಿಯಲ್ಲಿ ಪ್ರತಿಭಟನೆ ವ್ಯಕ್ತಪಡಿಸಿದ ಕೆ.ಎಸ್.ಆರ್.ಟಿ.ಸಿ. ನೌಕರರು

                ತಿರುವನಂತಪುರಂ: ವಿಷು ಹಿನ್ನೆಲೆಯಲ್ಲಿ  ಕೆಎಸ್‍ಆರ್‍ಟಿಸಿ ನೌಕರರು ಪೂರ್ಣ ಸಂಬಳದ ನಿರೀಕ್ಷೆಯಲ್ಲಿದ್ದರು. ಆದರೆ, ನೌಕರರಿಗೆ ಈ ತಿಂಗಳ ಸಂಬಳದಲ್ಲಿ ಅರ್ಧದಷ್ಟು ಮಾತ್ರ ಲಭಿಸಿದೆ. 

              ಪೂರ್ಣ ವೇತನ ನೀಡದಿರುವುದನ್ನು ಖಂಡಿಸಿ ನೌಕರರು ಪ್ರತಿಭಟನೆ ನಡೆಸಿದರು. ವಿಷುವತ್ ಸಂಕ್ರಾಂತಿ ದಿನದಂದು ಕೆಎಸ್‍ಆರ್‍ಟಿಸಿ ನೌಕರರ ಸಂಘದ ನೇತೃತ್ವದಲ್ಲಿ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿತ್ತು.

                 ನೌಕರರಿಗೆ ತಿಂಗಳಿನಿಂದ ಪೂರ್ಣ ವೇತನ ನೀಡಿಲ್ಲ. ನೌಕರರ ಯಾವುದೇ ರೀತಿಯ ಅಭಿಪ್ರಾಯವನ್ನು ಪರಿಗಣಿಸದೆ ಕಂತುಗಳಲ್ಲಿ ಪಾವತಿಸಲಾಗುತ್ತಿದೆ. ಅದೂ ಕೂಡ ಅಧಿಕಾರಿಗಳು ಅಂದುಕೊಂಡಾಗ ಮಾತ್ರ ಸಂಬಳ ಕೊಡುತ್ತಾರೆ. ಮುಖ್ಯಮಂತ್ರಿಗಳು ನೀಡಿದ ಭರವಸೆಯನ್ನು ಉಳಿಸಿಕೊಳ್ಳಬೇಕು ಎಂದು ಬಿಎಂಎಸ್ ಕಾರ್ಯಕರ್ತರು ಹೇಳಿದರು.

                 ಎಷ್ಟೇ ಆರ್ಥಿಕ ಮುಗ್ಗಟ್ಟು ಇದ್ದರೂ ಕೆಎಸ್ ಆರ್ ಟಿಸಿ ನೌಕರರ ವೇತನವನ್ನು ತಿಂಗಳ ಆರಂಭದಲ್ಲಿ ಒಂದೇ ಕಂತಿನಲ್ಲಿ ನೀಡಲಾಗುವುದು. ವೆಚ್ಚಕ್ಕೆ ಕಡಿವಾಣ ಹಾಕುವ ಹಾಗೂ ದುಂದುವೆಚ್ಚದ ಬಗ್ಗೆ ಗಮನಹರಿಸುವ ಸಲಹೆಗಳನ್ನು ಸ್ವೀಕರಿಸಲು ಸಾರಿಗೆ ಇಲಾಖೆ ಸದಾ ಸಿದ್ಧ ಎಂದು ಸಾರಿಗೆ ಸಚಿವ ಕೆ.ಬಿ.ಗಣೇಶ್ ಕುಮಾರ್ ಅಧಿಕಾರಕ್ಕೆ ಬಂದ ನಂತರ ಭರವಸೆ ನೀಡಿದ್ದರು.ಆದರೆ ಅದು ಯಾವುದೂ ಈವರೆಗೆ ಜಾರಿಗೆ ಬಂದಿಲ್ಲ.