ನ್ಯಾಯಾಂಗ ನಿಂದನೆ: ಶಿಕ್ಷಣ ಇಲಾಖೆಯ ಪ್ರಧಾನ ಕಾರ್ಯದರ್ಶಿಯನ್ನು ಜೈಲಿಗೆ ಕಳುಹಿಸಲಾಗುವುದೆಂದು ಎಚ್ಚರಿಸಿದ ಸುಪ್ರೀಂ ಕೋರ್ಟ್

            ನವದೆಹಲಿ: ನ್ಯಾಯಾಂಗ ನಿಂದನೆ ಆರೋಪದಡಿ ಕೇರಳ ಸಾರ್ವಜನಿಕ ಶಿಕ್ಷಣ ಇಲಾಖೆ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಸುಪ್ರೀಂ ಕೋರ್ಟ್ ಎಚ್ಚರಿಕೆ ನೀಡಿದೆ.

               ವಯನಾಡು ಜಿಲ್ಲೆಯ ಪ್ರೌಢಶಾಲಾ ಮಲಯಾಳಂ ಶಿಕ್ಷಕರ ನೇಮಕಾತಿಗೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್‍ನ ಆದೇಶವನ್ನು ಹತ್ತು ದಿನಗಳಲ್ಲಿ ಜಾರಿಗೊಳಿಸದಿದ್ದರೆ ಶಿಕ್ಷಣ ಇಲಾಖೆಯ ಪ್ರಧಾನ ಕಾರ್ಯದರ್ಶಿಯನ್ನು ಜೈಲಿಗೆ ಕಳುಹಿಸಲಾಗುವುದು ಎಂದು ನ್ಯಾಯಾಲಯ ಎಚ್ಚರಿಸಿದೆ.

           ಶಿಕ್ಷಣ ಇಲಾಖೆ ಪ್ರಧಾನ ಕಾರ್ಯದರ್ಶಿ ರಾಣಿ ಜಾರ್ಜ್ ಎಚ್ಚರಿಕೆ ನೀಡಲಾಗಿದೆÉ. ವಯನಾಡಿನ ಪ್ರೌಢಶಾಲಾ ಮಲಯಾಳಂ ಶಿಕ್ಷಕರ ನೇಮಕಾತಿಯಲ್ಲಿ ನ್ಯಾಯಾಲಯದ ಆದೇಶವನ್ನು ಜಾರಿಗೊಳಿಸಿಲ್ಲ ಎಂಬ ಮನವಿಯ ಮೇರೆಗೆ ಈ ಕ್ರಮವಾಗಿದೆ. ಪಿ.ಎಸ್.ಸಿ ರ್ಯಾಂಕ್ ಪಟ್ಟಿ 2011 ರ ಪ್ರಕಾರ ಪಿ. ಅವಿನಾಶ್, ಪಿ.ಆರ್. ರೇಲಿ, ಇ.ವಿ. ಜಾನ್ಸನ್, ಎಂ. ಶೀಮಾ ಅವರನ್ನು ಕಳೆದ ಅಕ್ಟೋಬರ್‍ನಲ್ಲಿ ಒಂದು ತಿಂಗಳೊಳಗೆ ನೇಮಕ ಮಾಡುವಂತೆ ನ್ಯಾಯಾಲಯ ಆದೇಶಿಸಿತ್ತು. ಆದರೆ ಆದೇಶ ಪಾಲನೆ ಆಗಿರಲಿಲ್ಲ.

          ಆದೇಶವನ್ನು ಉದ್ದೇಶಪೂರ್ವಕವಾಗಿ ಜಾರಿಗೊಳಿಸದ ಆರೋಪದ ಮೇಲೆ ರಾಣಿ ಜಾರ್ಜ್ ಅವರಿಗೆ ಸುಪ್ರೀಂ ಕೋರ್ಟ್ ನಿಂದನೆ ನೋಟಿಸ್ ಜಾರಿ ಮಾಡಿತ್ತು. ನಿನ್ನೆ, ರಾಣಿ ಜಾರ್ಜ್ ಅವರು ನ್ಯಾಯಾಲಯದ ಅವಹೇಳನವನ್ನು ಪ್ರಾಥಮಿಕವಾಗಿ ತೋರಿಸಿದ್ದಾರೆ ಎಂದು ನ್ಯಾಯಾಲಯ ಗಮನಿಸಿದೆ. ಆದೇಶ ಜಾರಿಯಾಗದಿರುವುದು ಮಾತ್ರವಲ್ಲದೆ, ಆದೇಶ ಜಾರಿಯಲ್ಲಿರುವಾಗಲೇ ಖಾಲಿ ಇರುವ ಹುದ್ದೆಗಳಿಗೆ ಬೇರೆಯವರನ್ನು ನೇಮಿಸಲು ಸರ್ಕಾರ ಪ್ರಯತ್ನಿಸಿದೆ ಎಂದು ಅರ್ಜಿದಾರರು ಆರೋಪಿಸಿದ್ದಾರೆ. ನ್ಯಾಯಾಂಗ ನಿಂದನೆ ಅರ್ಜಿಯನ್ನು ನ್ಯಾಯಮೂರ್ತಿ ವಿಕ್ರಮನಾಥ್ ನೇತೃತ್ವದ ಪೀಠ ವಿಚಾರಣೆ ನಡೆಸಿತು.