10ನೇ ತರಗತಿ ಸೇ ಪರೀಕ್ಷೆಯ ಅಧಿಸೂಚನೆ ಪ್ರಕಟ

                   ತಿರುವನಂತಪುರಂ: 10ನೇ ತರಗತಿ ಪರೀಕ್ಷೆಯಲ್ಲಿ ಉನ್ನತ ಶಿಕ್ಷಣಕ್ಕೆ ಅರ್ಹತೆ ಪಡೆಯದ ವಿದ್ಯಾರ್ಥಿಗಳಿಗೆ ಮತ್ತೊಮ್ಮೆ ಅವಕಾಶ ನೀಡಲು ಎಸ್‍ಇ(ಸೇ) ಪರೀಕ್ಷೆಯನ್ನು ಇದೇ ತಿಂಗಳ 28 ರಿಂದ ಜೂನ್ 4 ರವರೆಗೆ ನಡೆಸಲಾಗುವುದು.

                  ಎಸ್‍ಎಸ್‍ಎಲ್‍ಸಿ, ಟಿಎಚ್‍ಎಸ್‍ಎಲ್‍ಸಿ ಮತ್ತು ಎಎಚ್‍ಎಸ್‍ಎಲ್‍ಸಿ ಪರೀಕ್ಷೆಗಳು ಉನ್ನತ ಶಿಕ್ಷಣಕ್ಕೆ ಅರ್ಹತೆ ಹೊಂದಿರದ ವಿದ್ಯಾರ್ಥಿಗಳಿಗೆ ಸೇ ಪರೀಕ್ಷೆ ನಡೆಯಲಿದೆ. ಈ ಬಾರಿ ಎಸ್‍ಎಸ್‍ಎಲ್‍ಸಿ ಪರೀಕ್ಷೆಯಲ್ಲಿ ಶೇಕಡಾ 99.69 ಶೇ.ಫಲಿತಾಂಶ ದಾಖಲಾಗಿದೆ. 

               ಈಗ ಸತತ ಮೌಲ್ಯಮಾಪನದಲ್ಲಿ 20 ಅಂಕ ಹಾಗೂ ಲಿಖಿತ ಪರೀಕ್ಷೆಯಲ್ಲಿ 10 ಅಂಕ ಪಡೆದರೆ ಉತ್ತೀರ್ಣರಾಗುವುದು ಕ್ರಮ. ಮುಂದಿನ ಬಾರಿಯಿಂದ ಪರೀಕ್ಷಾ ಮಾದರಿಯನ್ನು ಬದಲಾಯಿಸಲು ಸರ್ಕಾರದ ಮಟ್ಟದಲ್ಲಿ ತೀರ್ಮಾನಿಸಲಾಗಿದೆ. ಈ ವಿಧಾನವನ್ನು ಬದಲಾಯಿಸಲಾಗಿದ್ದು, ಎಲ್ಲಾ ವಿಷಯಗಳಲ್ಲಿ ಕನಿಷ್ಠ 12 ಅಂಕಗಳನ್ನು ಪಡೆದರೆ ಲಿಖಿತ ಪರೀಕ್ಷೆಯಲ್ಲಿ ಉತ್ತೀರ್ಣರಾಗುತ್ತಾರೆ.