ತಿರುವನಂತಪುರ: ಬೆನ್ನುಮೂಳೆಯ ಸ್ನಾಯು ಕ್ಷೀಣತೆ (ಎಸ್‍ಎಂಎ) ಯಿಂದ ಬಳಲುತ್ತಿರುವ 12 ವರ್ಷದೊಳಗಿನ ಎಲ್ಲ ಮಕ್ಕಳಿಗೆ ರಾಜ್ಯ ಸರ್ಕಾರದ ವಿಶೇಷ ಯೋಜನೆ ಮೂಲಕ ಉಚಿತ ಔಷಧ ನೀಡಲಾಗಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.
ಅವರಿಗೆ ಹೆಚ್ಚಿನ ಚಿಕಿತ್ಸೆ ಮತ್ತು ಮುಂದಿನ ಹಂತಗಳಿಗೆ ಉಚಿತ ಔಷಧಿಗಳನ್ನು ನೀಡಲಾಗುವುದು. ಈ ಮೊದಲು 6 ವರ್ಷದೊಳಗಿನ ಮಕ್ಕಳಿಗೆ ಮಾತ್ರ ನೀಡುತ್ತಿದ್ದ ಔಷಧವನ್ನು ಇತ್ತೀಚೆಗೆ 12 ವರ್ಷದವರೆಗಿನ ಮಕ್ಕಳಿಗೆ ನೀಡಲು ಆರಂಭಿಸಲಾಯಿತು.
6 ವರ್ಷ ಮೇಲ್ಪಟ್ಟ 23 ರ ವರೆಗಿನ ಮಕ್ಕಳಿಗೆ ಔಷಧ ನೀಡಲಾಯಿತು. ಇದನ್ನು ಒಳಗೊಂಡಂತೆ 12 ವರ್ಷದವರೆಗಿನ ಒಟ್ಟು 80 ಮಕ್ಕಳಿಗೆ ಪ್ರತಿ ಡೋಸ್‍ಗೆ 6 ಲಕ್ಷ ಮೌಲ್ಯದ ಔಷÀಧಗಳನ್ನು ಉಚಿತವಾಗಿ ನೀಡಲಾಯಿತು. ಲೈಸೋಸೋಮಲ್ ಸ್ಟೋರೇಜ್ ಕಾಯಿಲೆಯಿಂದ ಬಳಲುತ್ತಿರುವ ಮಕ್ಕಳಿಗೆ ತಿಂಗಳಿಗೆ 20 ಲಕ್ಷ ರೂಪಾಯಿ ಮೌಲ್ಯದ ಔಷಧಗಳನ್ನೂ ಉಚಿತವಾಗಿ ವಿತರಿಸಲಾಯಿತು. ಇದಲ್ಲದೇ, ಅಪರೂಪದ ಕಾಯಿಲೆಗಳಿಂದ ಬಳಲುತ್ತಿರುವವರಿಗೆ ಎಸ್‍ಎಟಿ, 50 ಲಕ್ಷ ರೂ.ಮೌಲ್ಯದ ಔಷಧಿಗಳನ್ನೂ ಆಸ್ಪತ್ರೆಯಿಂದ ನೀಡಲಾಗುತ್ತದೆ.
ಅಪರೂಪದ ಕಾಯಿಲೆಗಳ ಚಿಕಿತ್ಸೆಯಲ್ಲಿ ಸರ್ಕಾರ ನಿರ್ಣಾಯಕ ಹೆಜ್ಜೆ ಇಟ್ಟಿದೆ. ಭಾರತದಲ್ಲಿ ಪ್ರಥಮ ಬಾರಿಗೆ ರಾಜ್ಯವೊಂದು ಅಪರೂಪದ ಕಾಯಿಲೆಗಳಿಗೆ ಸರ್ಕಾರಿ ಮಟ್ಟದಲ್ಲಿ ಉಚಿತ ಔಷಧಗಳನ್ನು ನೀಡಲು ಆರಂಭಿಸಿರುವುದು ಇದೇ ಮೊದಲು. ಅಪರೂಪದ ಕಾಯಿಲೆಗಳಿಗೆ ಸಮಗ್ರ ಆರೈಕೆಯನ್ನು ಖಚಿತಪಡಿಸಿಕೊಳ್ಳಲು ರಾಜ್ಯವು ಕೇರ್ ಸ್ಕೀಮ್ (ಕೆ.ಎ.ಆರ್.ಇ.- ಕೇರಳ ಯುನೈಟೆಡ್ ಅಗೇನ್ಸ್ಟ್ ರೇರ್ ಡಿಸೀಸ್) ಅನ್ನು ಜಾರಿಗೆ ತಂದಿದೆ. ಕ್ರೌಡ್‍ಫಂಡಿಂಗ್ ಸೇರಿದಂತೆ ಹಣಕಾಸಿನ ನೆರವು ಪಡೆಯುವ ಮೂಲಕ ಚಿಕಿತ್ಸೆಯ ಯೋಜನೆಯನ್ನು ವಿಸ್ತರಿಸುವುದು ಗುರಿಯಾಗಿದೆ. ಮತ್ತು ಅಪರೂಪದ ಕಾಯಿಲೆಗಳ ಚಿಕಿತ್ಸೆಯಲ್ಲಿ ದೇಶದಲ್ಲೇ ಪ್ರಥಮ ಬಾರಿಗೆ ಹಬ್ ಮತ್ತು ಸ್ಪೋಕ್ ಮಾದರಿಯನ್ನು ಅಳವಡಿಸಲಾಗಿದೆ.
ಅಪರೂಪದ ಕಾಯಿಲೆಗಳ ಚಿಕಿತ್ಸೆಗಾಗಿ ತಿರುವನಂತಪುರಂ ಎಸ್.ಎ.ಟಿ. ಆಸ್ಪತ್ರೆಯಲ್ಲಿ ಮೊದಲ ಬಾರಿಗೆ ಎಸ್‍ಎಂಎ. ಕ್ಲಿನಿಕ್ ಪ್ರಾರಂಭವಾಯಿತು. ಎಸ್.ಎಂ.ಎ. ಬಾಧಿತ ಮಕ್ಕಳ ಬೆನ್ನುಮೂಳೆಯ ವಕ್ರತೆಯನ್ನು ಸರಿಪಡಿಸುವ ವಿನೂತನ ಶಸ್ತ್ರಚಿಕಿತ್ಸೆಯನ್ನು ತಿರುವನಂತಪುರಂ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಪ್ರಥಮ ಬಾರಿಗೆ ಸರ್ಕಾರಿ ವಲಯದಲ್ಲಿ ಯಶಸ್ವಿಯಾಗಿ ಪ್ರಾರಂಭಿಸಲಾಗಿದೆ. ಇಲ್ಲಿಯವರೆಗೆ 5 ಶಸ್ತ್ರಚಿಕಿತ್ಸೆಗಳನ್ನು ಮಾಡಲಾಗಿದೆ. ಖಾಸಗಿ ಆಸ್ಪತ್ರೆಗಳಲ್ಲಿ, ವೈದ್ಯಕೀಯ ಕಾಲೇಜುಗಳಲ್ಲಿ ಸುಮಾರು 15 ಲಕ್ಷ ರೂಪಾಯಿ ವೆಚ್ಚದ ಶಸ್ತ್ರಚಿಕಿತ್ಸೆಗಳನ್ನು ಉಚಿತವಾಗಿ ಮಾಡಲಾಗುತ್ತಿದೆ.
ಎಸ್.ಎ.ಟಿ. ಆಸ್ಪತ್ರೆಯಲ್ಲಿ ಜೆನೆಟಿಕ್ಸ್ ವಿಭಾಗವನ್ನು ಪ್ರಾರಂಭಿಸಲಾಯಿತು. ಅಪರೂಪದ ಕಾಯಿಲೆಗಳ ಶ್ರೇಷ್ಠತೆಯ ಕೇಂದ್ರವಾಗಿರುವ ಎಸ್‍ಎಟಿ ಆಸ್ಪತ್ರೆಯು ಮಕ್ಕಳ ನರವಿಜ್ಞಾನ, ಆನುವಂಶಿಕ ಕಾಯಿಲೆಗಳು, ಉಸಿರಾಟದ ಕಾಯಿಲೆಗಳು, ಮೂಳೆಚಿಕಿತ್ಸೆ ಮತ್ತು ದೈಹಿಕ ಔಷಧದಂತಹ ವಿವಿಧ ವಿಭಾಗಗಳಲ್ಲಿ ತಜ್ಞ ವೈದ್ಯರ ಸೇವೆಯನ್ನು ಅಪರೂಪದ ಕಾಯಿಲೆಗಳಿಂದ ಬಳಲುತ್ತಿರುವವರಿಗೆ ಒಂದೇ ಸೂರಿನಡಿ ಒದಗಿಸುತ್ತದೆ.
DOCTYPE html>
