ತಿರುವನಂತಪುರ: ಸಣ್ಣ ಆಹಾರ ಸಂಸ್ಕರಣಾ ಘಟಕಗಳ ವಿಷಯದಲ್ಲಿ ಕೇಂದ್ರ ನೀಡಿದ್ದ ಗುರಿಯನ್ನು ಕೇರಳ ಮೀರಿಸಿದೆ. ಒಂದು ಆರ್ಥಿಕ ವರ್ಷದೊಳಗೆ 2500 ಘಟಕಗಳನ್ನು ಆರಂಭಿಸುವ ಗುರಿ ಹೊಂದಲಾಗಿತ್ತು.
ರಾಜ್ಯದಲ್ಲಿ 2548 ಉದ್ದಿಮೆಗಳನ್ನು ಆರಂಭಿಸಲಾಗಿದೆ. ಕೇರಳ ಸೇರಿದಂತೆ ಮೂರು ರಾಜ್ಯಗಳು ಗುರಿ ಪೂರ್ಣಗೊಳಿಸಿವೆ.
ಗ್ರಾಮೀಣ ಜೀವನೋಪಾಯದ ಮಿಷನ್‍ನ ಭಾಗವಾಗಿ, ಕೇರಳವು ಸ್ವ-ಸಹಾಯ ಗುಂಪುಗಳ ಸೂಕ್ಷ್ಮ ಉದ್ಯಮಗಳಲ್ಲಿ ಗುರಿಯನ್ನು ಮೀರಿದೆ. 3000 ಘಟಕಗಳ ಗುರಿ ಹೊಂದಲಾಗಿತ್ತು. ಗ್ರಾಮೀಣ ಪ್ರದೇಶದಲ್ಲಿ 3087 ಮತ್ತು ನಗರ ಜೀವನೋಪಾಯ ಮಿಷನ್ ಅಡಿಯಲ್ಲಿ 39 ಘಟಕಗಳನ್ನು ಪೂರ್ಣಗೊಳಿಸಲಾಗಿದೆ.
ಪಿ.ಎಂ.ಎಫ್.ಎಂ.ಇ ಎನ್ನುವುದು ಸೂಕ್ಷ್ಮ ಆಹಾರ ಸಂಸ್ಕರಣಾ ಉದ್ಯಮಗಳನ್ನು ಉತ್ತೇಜಿಸುವ ಕೇಂದ್ರ ಯೋಜನೆಯಾಗಿದೆ. 10 ಲಕ್ಷದವರೆಗೆ ಬಂಡವಾಳ ಸಹಾಯಧನ ದೊರೆಯಲಿದೆ.
2023-2024 ರ ಆರ್ಥಿಕ ವರ್ಷದಲ್ಲಿ, ಕೈಗಾರಿಕೆಗಳ ಇಲಾಖೆಯ ಅಡಿಯಲ್ಲಿ ಕೇರಳ ಇಂಡಸ್ಟ್ರಿ ಪ್ರಮೋಷನ್ ಬ್ಯೂರೋವು ವೈಯಕ್ತಿಕ ಉದ್ಯಮಗಳಿಗೆ 2548 ಸಾಲಗಳನ್ನು ಮಂಜೂರು ಮಾಡಿದೆ. ಸಮೂಹ ಉದ್ಯಮಗಳಿಗೂ 29 ಸಾಲ ನೀಡಲಾಗಿದೆ. ಇದರೊಂದಿಗೆ ದೇಶದ ಸೂಕ್ಷ್ಮ ಆಹಾರ ಸಂಸ್ಕರಣಾ ಘಟಕಗಳ ಶ್ರೇಯಾಂಕದಲ್ಲಿ ಕೇರಳ ಮೂರನೇ ಸ್ಥಾನಕ್ಕೆ ತಲುಪಿದೆ. 52 ಕೋಟಿ ಕೇಂದ್ರ ಸಹಾಯಧನ ದೊರೆತಿದೆ. ರಾಜ್ಯಕ್ಕೆ 13 ಕೋಟಿ ಮಂಜೂರಾಗಿದೆ.
ಪಿ.ಎಂ.ಎಫ್.ಎಂ.ಇ ಗ್ರಾಮೀಣ ಜೀವನೋಪಾಯದ ಮಿಷನ್‍ನ ಭಾಗವಾಗಿ ಸ್ವ-ಸಹಾಯ ಗುಂಪುಗಳು ಆಹಾರ ಸಂಸ್ಕರಣಾ ಘಟಕಗಳನ್ನು ಪ್ರಾರಂಭಿಸಿದೆ. ಕೇರಳ ಕುಟುಂಬಶ್ರೀ ಘಟಕಗಳ ಮೂಲಕ ಇದನ್ನು ಜಾರಿಗೊಳಿಸಲಾಗಿದೆ. 3515 ಸಂಘಗಳು ನೆರವು ಪಡೆದಿವೆ. ಪ್ರತಿ ಕುಟುಂಬಶ್ರೀ ಘಟಕಕ್ಕೆ 40,000 ರೂ.ವರೆಗೆ ನೆರವು ನೀಡಲಾಗಿದೆ.
DOCTYPE html>
