ಜಲ ಪ್ರಾಧಿಕಾರದ ಗುತ್ತಿಗೆದಾರರಿಗೆ 3500 ಕೋಟಿ ಬಾಕಿ: ದುರಸ್ತಿ ಕಾಮಗಾರಿ ಮತ್ತು ಜಲಜೀವನ ಯೋಜನೆ ಸ್ಥಗಿತ

             ತಿರುವನಂತಪುರಂ: ಆರ್ಥಿಕ ಬಿಕ್ಕಟ್ಟಿನಿಂದಾಗಿ ಕೇರಳ ಜಲ ಪ್ರಾಧಿಕಾರ ನಿಶ್ಚಲತೆಯತ್ತ ಸಾಗುತ್ತಿದೆ. ದುರಸ್ಥಿ ಮತ್ತು ಜಲಸೇಚನ ಯೋಜನೆಗಳು ವಾರಗಳಲ್ಲಿ ಸಂಪೂರ್ಣ ಸ್ಥಗಿತಗೊಳ್ಳಬಹುದು.

                ಮಾರ್ಚ್ 31, 2024 ರವರೆಗೆ ಗುತ್ತಿಗೆದಾರರಿಗೆ 2982.96 ಕೋಟಿ ರೂ.ಬಾಕಿಯಿದೆ. ಈಗ ಅದು ಕೇರಳ ಸರ್ಕಾರಕ್ಕೆ 3500 ಕೋಟಿಗೂ ºಚ್ಚಳವಾಗಿದೆ ಎಂದು ಗುತ್ತಿಗೆದಾರರ ಸಂಘದ ಪದಾಧಿಕಾರಿಗಳು ಹೇಳುತ್ತಾರೆ.

                ದುರಸ್ತಿ ಹಾಗೂ ಗುತ್ತಿಗೆದಾರರಿಗೆ ಹಣ ಪಾವತಿ ಮಾಡುವಲ್ಲಿ ಜಲಮಂಡಳಿ ಗಂಭೀರವಾಗಿ ವಿಫಲವಾಗುತ್ತಿದೆ. ನೀರು ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಿದ್ದು, ಹೆಚ್ಚಿನ ಪ್ರಮಾಣದಲ್ಲಿ ಕುಡಿಯುವ ನೀರು ನಷ್ಟವಾಗುತ್ತಿದೆ. ಈಗ ದುರಸ್ತಿ ಗುತ್ತಿಗೆದಾರರಿಗೆ 19 ತಿಂಗಳಿಂದ ಬಾಕಿ ಇರುವ 200 ಕೋಟಿ ರೂ.ಗಳನ್ನು ಜಲ ಪ್ರಾಧಿಕಾರ ಪಾವತಿಸಬೇಕಿದೆ. 2018ರ ದರದಲ್ಲಿ ಹೊಸ ಟೆಂಡರ್‍ಗಳನ್ನು ಸಿದ್ಧಪಡಿಸಲಾಗುತ್ತಿದೆ. ಪರಿಣಾಮವಾಗಿ, ಗುತ್ತಿಗೆದಾರರು ಮಾರ್ಚ್ ನಂತರ ಹೊಸ ಒಪ್ಪಂದಗಳನ್ನು ಮಾಡಿಕೊಂಡಿಲ್ಲ. ರಾಜ್ಯಾದ್ಯಂತ ದುರಸ್ತಿ ಕಾರ್ಯ ಸ್ಥಗಿತಗೊಂಡಿದೆ.

             ಎಲ್ಲ ಗ್ರಾಮೀಣ ಮನೆಗಳಿಗೂ ಕುಡಿಯುವ ನೀರು ತರುವ ಕೇಂದ್ರದ ಜಲಜೀವನ ಯೋಜನೆ ಅನುಷ್ಠಾನದಲ್ಲಿ ಕೇರಳ 31ನೇ ಸ್ಥಾನಕ್ಕೆ ಕುಸಿದಿದೆ. 44,714 ಕೋಟಿಗಳ ಯೋಜನೆಗೆ ಕೇಂದ್ರ ಸರ್ಕಾರ 4635 ಕೋಟಿ ಮತ್ತು ರಾಜ್ಯ ಸರ್ಕಾರ 4376 ಕೋಟಿ ವೆಚ್ಚ ಮಾಡಿದೆ. ಹೆಚ್ಚುವರಿ 35810 ಕೋಟಿ ಖರ್ಚು ಮಾಡಿದರೆ ಮಾತ್ರ ಯೋಜನೆ ಪೂರ್ಣಗೊಳ್ಳಲು ಸಾಧ್ಯ. ಯೋಜನೆಯ ಅವಧಿಯು 31 ಮಾರ್ಚ್ 2024 ಆಗಿದೆ. ಇನ್ನೂ ಒಂದು ವರ್ಷ ವಿಸ್ತರಿಸುವಂತೆ ರಾಜ್ಯ ಮನವಿ ಮಾಡಿದ್ದರೂ ಕೇಂದ್ರದ ಅನುಮತಿ ಇನ್ನೂ ಸಿಕ್ಕಿಲ್ಲ.

               ಕನಿಷ್ಠ ಮೂರು ವರ್ಷ ಅವಧಿ ವಿಸ್ತರಿಸಿ ರಾಜ್ಯದ ಪಾಲು 17500 ಕೋಟಿ ಸಿಕ್ಕರೆ ಮಾತ್ರ ಯೋಜನೆ ಪೂರ್ಣಗೊಳ್ಳಲು ಸಾಧ್ಯ. 2024-25ನೇ ಸಾಲಿನ ರಾಜ್ಯ ಬಜೆಟ್‍ನಲ್ಲಿ ಕೇವಲ 550 ಕೋಟಿ ರೂ.ಮೀಸಲಿರಿಸಲಾಗಿದೆ. ಬಾಕಿ ಸಾಲ ಪಡೆಯಲು ಕೇಂದ್ರ ಅನುಮತಿ ನೀಡಬೇಕು. ಪ್ರಸ್ತುತ ಬಾಕಿ ಮತ್ತು ಭವಿಷ್ಯದ ಅನಿಶ್ಚಿತತೆಯಿಂದಾಗಿ ಮೇ ಅಂತ್ಯದ ವೇಳೆಗೆ ಜಲಜೀವನ ಯೋಜನೆ ಕಾಮಗಾರಿಯೂ ಸ್ಥಗಿತಗೊಳ್ಳಲಿದೆ.

                ಇದೇ 29ರಂದು ಗುತ್ತಿಗೆದಾರರು ತಿರುವನಂತಪುರ ಜಲ ಪ್ರಾಧಿಕಾರ ಕಚೇರಿ, ಸೆಕ್ರೆಟರಿಯೇಟ್ ಹಾಗೂ ಏಜೀಸ್ ಕಚೇರಿಯಿಂದ ಮೆರವಣಿಗೆ ಹಾಗೂ ಧರಣಿ ನಡೆಸಲಿದ್ದಾರೆ ಎಂದು ಸಂಪರ್ಕದಾರರ ಸಂಘದ ಪದಾಧಿಕಾರಿಗಳು ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು. ಕೇರಳ ಸರ್ಕಾರ ಸಂಪರ್ಕದಾರರ ಸಂಘದ ರಾಜ್ಯಾಧ್ಯಕ್ಷ ವರ್ಗೀಸ್ ಕನ್ನಂಬಳ್ಳಿ, ಕೇರಳ ಜಲ ಪ್ರಾಧಿಕಾರ ಗುತ್ತಿಗೆದಾರರ ಸಂಘದ ರಾಜ್ಯ ಉಪಾಧ್ಯಕ್ಷ ಮ್ಯಾಥ್ಯೂ ಕುಂಞÂ್ಞ ಮ್ಯಾಥ್ಯೂ, ಖಜಾಂಚಿ ಶ್ರೀಜಿತ್ ಲಾಲ್, ಕಾರ್ಯದರ್ಶಿ ಬಾಬು ಥಾಮಸ್, ಲಾಲ್ ಶಂಕರ್ ಮತ್ತಿತರರು ಉಪಸ್ಥಿತರಿದ್ದರು.